● انصاف/ کوٹیشنز ۔ چھوٹی چھوٹی باتیں

          انصاف 

جس ملک میں انصاف نہیں تو جان لو کہ اس قوم میں ضمیر نہیں کیونکہ انصاف باضمیر لوگ کیا کرتے ہیں ۔

 (چھوٹی چھوٹی باتیں)

      (ممتازملک ۔پیرس)

خواب اور حقیقت/ کوٹیشنز ۔ چھوٹی چھوٹی باتیں

    خواب اور حقیقت 

صرف خواب دیکھنے سے ہی منزلیں بلند نہیں ہوتیں بلکہ اسکے لیئے عمل بھی شفاف پونا چاہیئے۔ 

ہماری خواہشیں ہمارے خوابوں کی صورت میں جبکہ ہمارے اعمال ہماری حقیقتوں کی صورت میں ظاپر ہوتے پیں ۔

       (چھوٹی چھوٹی باتیں)

            (ممتازملک ۔پیرس)

نوازے ہوئے لوگ/ کوٹیشنز

نوازے ہوئے لوگ

دوست وہ نہیں ہوتا جسے بتانا پڑے کہ میں خوش ہوں یا میں پریشان ہوں ۔۔۔بلکہ دوست وہ ہوتا ہے جو آپکی خاموشی کو سن لیتا ہے ، جو آپ کی بدلتی رنگت سے آپکے دل کا حال جان لیتا ہے ، جو آپکی آنکھوں کی نمی کو آپکے ہونٹوں کی مسکراہٹ میں بھی ڈھونڈ لیتا ہے ۔ آپکی پریشانی کو حل کرنے کی سعی کرتا ہے۔ آپکی خوشی کو اپنے اندر پھوٹتا ہوا محسوس کرتا ہے ۔  اگر آپ کے پاس کوئی ایک بھی ایسا دوست ہے تو آپ واقعی خدا کی جانب سے نوازے ہوئے لوگوں میں شامل ہیں ۔ 

(چھوٹی چھوٹی باتیں)

       (ممتازملک۔پیرس)

سوراخ/ کوٹیشنز ۔ چھوٹی چھوٹی باتیں

        سوراخ

جیسے ہر گھر سے غلاظت و گندگی کی نکاسی کی ایک نالی ہوتی ہے، اسی طرح اپنے دل میں بھی ایک نالی جیسا سوراخ بنا لیں جس سے آپ دوسروں کی آپ سے متعلق سوچوں اور اعمال کی گندگی کو باہر نکالتے رہیں ۔ سوچنے میں یہ مشکل کام لگتا ہے لیکن یقین کیجیئے آپ اس کی مشق کے بعد خود کو بیحد پرسکون اور ہلکا پھلکا اور صاف ستھرا محسوس کرینگے۔ 

         (چھوٹی چھوٹی باتیں)

               (ممتازملک۔پیرس)

                ●●●

انتظار/ کوٹیشنز

انتظار 

ہم وہ قوم ہیں جو حادثوں کاانتظار ہی نہیں بلکہ اہتمام بھی بڑے شوق سے کرتے ہیں ۔۔

      (چھوٹی چھوٹی باتیں)

            (ممتازملک ۔پیرس)

رشتہ/ کوٹیشنز ۔ چھوٹی چھوٹی باتیں

      

      رشتہ 

بہن بے حس نہ ہو اور بھائی بے غیرت نہ ہو تو اس سے پیارا اور کوئی رشتہ ہو ہی نہیں سکتا ۔ 

       (چھوٹی چھوٹی باتیں)

            (ممتازملک ۔پیرس)

✔ پاکستان میں محفوظ سرمایہ کاری۔۔/ کالم۔ لوح غیر محفوظ

پاکستان میں محفوظ سرمایہ کاری کیسے؟

تحریر: 

         (ممتازملک ۔پیرس)

عموما تارکین وطن اور پردیسیوں کے پیسے کو لوٹ کے مال کے طور پر خیال کیا جاتا ہے ۔ کبھی آپ غور کریں تو وہ ترسے ہوئے  عزیز اقرباء کے کے تحائف کو جس طرح استعمال کرتے ہیں اسی سے آپکو اندازہ ہو جائیگا کہ دل بیرحم نے مال مفت کیساتھ کیا کیا نہ کیا ہو گا ۔ ہماری گاڑھے خون پسینے کی کمائی کو چوری کے مال کی طرح خرچنے اور برتنے والے جب ہاتھ کرنے پر آتے ہیں تو ہمارے یہ سوچ کر بنائے گئے گھر اور جائیدادوں کو کہ اس سے ہمیں بھی کچھ آمدنی کا ذریعہ مل جائیگا ، ہمارے عزایزان یہ جتا کر قابض ہو جاتے ہیں کہ بھائی تم تو باہر رہتے ہوں تمہیں کیا کمی ہے ؟ تم کیا کرو گے یہاں پر جائیداد زمین ؟ کہنے والے کا انداز آپکو یہ بتاتا ہے کہ اس کے والد صاحب نے جو فیکٹریاں اور کارخانے ملک سے باہر آپکو بنا کر دے رکھے ہیں اس پر عیش کرو یہ اپنے ملک میں بنائی جائیدادوں سے اب دور رہو ۔ ہم ہیں نا ان کا مال کھانے والے۔۔۔۔یہ سوچ کسی ایرے غیرے کی نہیں بلکہ ساری عمر آپ کے ٹکڑوں پر پلنے والے ان سنپولیوں کی ہوتی ہے جنہیں آپ خود بیچارے کہہ کہہ کر خود اپنی ہی آستینوں میں پالتے رہے ہیں ۔ اور اب وہ اژدھے بن کر آپ کی زندگی بھر کی کمائی کو ہڑپنے کے لیئے کھل کر سامنے آ چکے ہیں ۔ لیکن کیوں۔ ؟ کیونکہ آپ نے اپنی جائیداد گھر بار بیچنا چاہا ہے یا اپنی کمائی کا حساب مانگ لیا ہے ؟ یا اپنی کوئی شراکت داری ختم کرنا چاہی ہے ؟ کچھ بھی کر لیں لیکن پاکستانیوں سے اپنا مال واپس مت مانگیئے گا یہ آپکو دینا گویا خزانے پر بیٹھے سانپ سے پنگا ہو گیا۔  پیسہ تو جائیگا ہی عزت بھی ایسے ایسے اچھالی جائے گی کہ آپ کو خود اپنے اس دنیا کے سب سے خبیث آدمی ہونے کا گمان ہونے لگے گا ۔ رشتے پر تو ایسے بےضمیر پہلے ہی  چار حرف بھیج چکے ہوتے ہیں ۔ آپ اس وقت انکے لیئے پان کی پیک سے زیادہ کوئی حیثیت نہیں رکھتے۔ اگر آپکی قسمت اچھی ہے اور ساتھ کسی پرخلوص مشیر کا مل گیا تو شاید آپ کچھ بچا پائیں لیکن پھر بھی رشتے عزت احترام سب کچھ گنوانا لازم ہے ۔کیونکہ آپ تو بیرون ملک مقیم ہیں بھائی آپکو کیا کمی آپ کو پیسہ کیا کرنا ہے؟

آئے دن نت نئے تعمیراتی منصوبے آپکے سامنے پیش کیئے جاتے ہیں ۔ آپ بھی وطن کی محبت میں بیقرار ہیں تو ہمارا مشورہ ہے کہ 

جو لوگ پاکستان  جا کر رہنا چاہتے ہیں وہ تو ضرور ان تعمیراتی  منصوبوں میں پیسہ لگائیں لیکن جو لوگ  صرف سیر کرنے ملنے ملانے پاکستان جاتے ہیں انہیں ہماری صلاح ہے کہ آپ پیسہ جن ممالک میں آپ رہتے ہیں صرف وہیں لگائیں کیونکہ پاکستانی رشتے دار ان جائیدادوں کو لوٹ کر ہڑپ کر جائینگے ۔ قبضے کر لینگے ۔ یا پھر آپ نے کوئی محفوظ طریقہ  اپنایا بھی تو اس جائیداد کا کوئی فائدہ اور منافع کبھی آپ تک نہیں پہنچ پائے گا ۔ یہ ہمارے سالہا کا تجربات بھی ہیں اور مشاہدات بھی۔

اگر پاکستان میں پیسہ لگانا ضروری ہی ہے تو بہتر ہے کہ آپ پاکستان میں صرف قومی بچت کی محفوظ سکیموں میں اپنا پیسہ لگائیں ۔ ملک کی بھی خدمت ہو گی اور آپکا پیسہ منافع بھی دیتا رہیگا ۔ رشتے دار سانپوں سے بھی پردہ رہیگا اور رقم آپکے بعد آپکے نامزد شوہر یا بیوی بچوں کو باآسانی مل بھی جائے گی۔

پاکستان میں اپنے مال کو لگانے سے  پہلے اپنی عزت اور اپنے رشتوں کو بچانے پر غور کیجیئے ۔

                   ●●●

✔ سائیکو کیوں ؟کالم ۔ لوح غیر محفوظ

سائیکو کیوں ؟

ممتازملک ۔ پیرس   

ایک کیس سامنے آتا ہے کہ ایک صاحب کی بیگم نے ان سے علیحدگی لیکر کہیں اور شادی کر لی ہے اور بچے بھی ان کے پاس چھوڑ گئی ہے ۔ وہ صاحب اب اس قدر دلگیر ہیں کہ انہوں نے دو تین بار خودکشی کی کوشش بھی کی ہے اور ان کے  چاہنے والوں کی نظر میں یہ صاحب بے حد معصوم اور وہ خاتون کافی ہلکے کردار کی ،خود غرض اورسائیکو ہے ۔ وہ ایک بہت بری ماں ہے وغیرہ وغیرہ وغیرہ  

لیکن پھر کچھ لوگوں نے اس صاحب کی محبت بھری زندگی کا تجزیہ بھی کیا اور ان کی خودکشی کی اسل وجوہات جاننے کی کوشش کی کی جس میں بہت ہی مختلف صورتحال بھی سامنے آئی اور سوات بھی پیدا ہوئے ۔

پہلی بات خاتون خوش ہوتی مطمئن ہوتی تو  الگ ہی کیوں ہوتی ؟

مان لیا وہ سائیکو  تھی ،اسے دوسری شادی کا شوق تھا،  اس لیئے چلی گئی تو اس کامطلب یہ ہوا کہ وہ اچھی خاتون نہیں تھی،

تو اس کے جانے پر تو شکرانے کے نوافل پڑھنے چاہیئیں موصوف کو،جیسے آج کل خواتین میں '' کم بخت ٹائیپ میاؤں '' سے طلاق کے بعد پارٹی شارٹی کرنے

 کا رجحان پیدا ہو رہا ... یہ بھی پارٹی شارٹی کریں ۔ اپنی زندگی سے بیوی نام کا دکھ دور ہونے کی خوشی منائیں ۔ آخر 

تھوڑے لطیفے تو شئیر نہیں کیئے ہوں گے انہوں نے بھی بیوی کے ظلم اور خرچوں کے ..

تو اب توراوی چین ہی چین لکھتا ہے ان کے مقدر میں . منجھی کے دونوں طرف سے اترسکتے ہیں آپ .

اب رہ گیئے بچے. ... تو خاتون واقعی بڑی سیانی تھی . اسنے موصوف کو ساتھ رھ کر دی ہوئی تکلیفوں کا خوب بدلہ لیا کہ لو سنبھالو اپنی نسل . کل بھی تو انہوں  نے تمہارے پاس ہی آنا ہے تو ابھی لو .کیوں عدالتوں میں جا جا کر بچوں کو بھی خوار کرنا اور خود بھی ذلیل ہونا. ساری دنیا کو تماشا دکھانے کی ضرورت بھی کیا ہے ؟

اور اصل موت صاحب کو پڑی ہی اسی بات کی ہے کہ ان کی رنگینیوں کے آگے بڑا سا بلیک اینڈ وائٹ بورڈ بچوں کی صورت وہ لگا گئی . ورنہ یہ اکیلے ہوتے تو اب تک سہرا باندھ چکے ہوتے .. اب کوئی خاتون تو ان کی بیوی بننے کو شاید مل ہی جائے لیکن وہ ان کے بچے بھی قبول کرے نوے فیصد نو ....

تو اپنے ہی بچے اپنے پاس رکھنے پر موصوف فوت ہونے کو تیار ہیں اسے کہتے ہیں کہ

شرم ان کو مگر نہیں آتی 

عورتیں تو ساری زندگی بچوں کے چکر میں تباہ کر لیتی ہیں اور چند ایک مردوں کو ایسی سیانی خاتون آزمائش میں ڈال دے تو یہ تماشے.......

...........حد ہے بھئی 

ویسے مجھے ان صاحب سے کوئی ہمدردی نہیں. ان کی سابقہ بیگم نے بہت اچھا کیا کہ اپنا گھر آباد کر لیا . کیونکہ ان کے خودکش رجحانات وہ پہلے بھی کئی معاملات میں ضرور بھانپ اور بھگت چکی ہو گی . اس لیئے میری  نظر میں  نہ وہ بے وفا ہے، نہ بے ایمان ، اسے اپنی زندگی اپنی مرضی اور خوشی کیساتھ گزارنے کا پورا پورا قانونی اور شرعی حق ہے . جو اس نے استعمال کیا . بچے لیجا کر انہیں سوتیلے باپ کے پاس غیر محفوظ کرنے سے اچھا ہے سوتیلی ماں کے پاس ان کی عزت تو محفوظ ہو گی .کہ باپ تو سگا  ہی اچھا ہوتا ہے. 

اللہ پاک رحم فرمائے .    

ممتازملک

● سچ نہیں مرضی کی بات/ کوٹیشنز

ہم سچ نہیں بلکہ اپنی مرضی کی بات کو سچ سمجھ کر سننا چاہتے ہیں اور یہی ہماری تباہی کا موجب ہے۔ 

(چھوٹی چھوٹی باتیں )

      (ممتازملک ۔پیرس )

● شدید موسم کا رویوں پر اثر/ کالم

 شدید موسم کا رویوں پر اثر

 (ممتاز ملک ۔پیرس)

 فرانس میں ہفتے بھر سے بہت زیادہ گرمی پڑ رہی ہے درجہ حرارت 40 ڈگری تک جا پہنچا ہے۔ جہاں بھی دنیا بھر میں گرمی شدید ہو چکی ہے وہاں  بلا ضرورت گھر سے نہ نکلیں ۔  باہر نکلنا پڑے تو چھتری پانی کی بوتل  دھوپ کی عینک  لیکر نکلیں ۔ ہلکے  کپڑے جیسے کاٹن لان یا لیلن کے کپڑے پہنیں ۔  بار بار پانی پیئیں ۔ سر پر گیلا چھوٹا تولیہ رکھنے کہ عادت ڈالیں ۔ 

پاکستان ہو یا کوئی بھی ملک ہر جگہ محنت کرنے والوں کو گھروں سے باہر  نکلنا پڑتا ہے۔  موسم اور اپنے شعبے کے حساب سے اپنی حفاظت کرنا پہلی ترجیح ہونی چاہیئے جو کہ خصوصا پاکستان میں تو تصور ہی نہیں ہے  ۔ انکی توجہ بھی دلواتے رہنا چاہیئے۔ ان شدید موسموں میں بھی رزق کی تلاش میں نکلنے والوں کے گھروالوں اور خصوصا انکی بیویوں کو ان کا پیسہ خرچ کرتے وقت خدا کا خوف رکھنا چاہیئے ۔ اور اپنی فضول خرچیوں پر قابو رکھنا چاہیئے ۔ ویسے بھی  بلا ضرورت بازاروں کے چکروں سے پرہیز میں بہت سی حکمتیں پوشیدہ ہیں عقل والوں کے لیئے۔ 

کام سے یا باہر سے واپس آنے والوں کو خاص طور پر اس موسم میں اور عام طور پر بھی گھر میں داخل ہوتے ہی اپنے دن بھر کے رونے سنانا شروع کرنا سب سے بڑی جہالت ہے۔ جس میں ہماری خواتین پہلے نمبر پر ہوتی ہیں ۔ سارے دن بھر کے تماشے ،نقصانات ، عذاب کام سے لوٹنے والے کو سنانے والے یقینا اس کے دوست نہیں ہو سکتے ۔ کیونکہ انکی خواہش یہی ہو سکتی ہے کہ گھر آنے والا پھڑک کر مر جائے۔ اسکا دماغ پھٹ جائے،  ان کے دن بھر کی رپورٹ سنکر۔ خدا کا خوف بس یہ ایک بات ذہن میں بٹھا لیں تو آپ ایسے شیطانی کاموں سے یقینا بچے رہیں گے۔ کام سے  گھر واپس آنے والے/والی کو مسکرا کر سلام دعا کریں ۔  اسے پانی پلائیں ۔ نہانے دھونے کا موقع دیں ۔  چائے کھانے کا پوچھیں ۔  سونا چاہے تو کچھ آرام اور سونے اونگھنے کا موقع دیں ۔  رات کے کھانے کے بعد پھر اچھے  اور محتاط لفظوں میں اسے ضروری مسائل سے آگاہ کریں ، ساتھ میں تسلی بھی دیں کہ سب ٹھیک ہو جائے گا۔ بچوں کو بھی سختی سے  اس بری عادت سے بچائیں کہ باپ بھائی گھر آئے تو آتے ہیں اس کے کان کیساتھ چپک کر زمانے بھر جھوٹے سچے قصے صور کی طرح اس کے کانوں میں پھونکنے سے پرہیز کریں ۔ آپ کی نظر میں یہ معمولی بات ہو گی لیکن  عادت بڑے بڑے فسادات اور قتل و غارتگری کا موجب بن سکتی ہے۔  گھروں میں رشتے ٹوٹ جاتے ہیں ۔ کیونکہ گھر سے باہر کام کر کے واپس آنے والا کن کن مسائل سے نپٹ کر آ رہا ہے ؟ اسکی ذہنی حالت کیسی ہے؟  اس کی پریشانی کیا ہے ؟ کسی سے لڑ کر تو نہیں آ رہا؟ اس کا کام تو نہیں چھوٹ گیا؟ آج اس کا کام کاج اچھا گیا کہ نہیں ؟  کہیں جیب تو نہیں کٹ گئی؟ کوئی حادثہ تو نہیں ہو گیا؟ سو معاملات ہو سکتے ہیں لیکن آپ ان سے بلکل انجان ہیں ۔ اور اپنی زرا سے لاپرواہی یا بیوقوفی میں آنے والے کو مزید تلملانے کا موقع فراہم کر دیتے ہیں ۔ اس کا جس پر بس چلے گا وہ اسی پر اکثر بلاوجہ اپنا غصہ نکال دیگا۔ گھر کا ماحول تناو کا شکار ہو جائیگا ۔ ہو سکتا ہے کان بھرنے والی یا والے کو ہی پھینٹی لگ جائے۔ 😜

 اس کے علاوہ پودوں کا خیال رکھیں ان کی دھوپ چھاوں کا خیال رکھیں ۔  انہیں پانی پلاتے رہیں ۔ پرندوں کے لیئے کسی سایہ دار جگہ پر دانے پانی کا انتظام کیجیئے۔ ثواب کمائیے۔ 

یقین کیجیئے  چھوٹی چھوٹی باتیں اور احتیاطیں  بڑے بڑے سکھ لاتی ہیں ۔ 

                    ●●●

● قاری شاہد ڈاہ نواز ریسٹورنٹ میں میلاد/ رپورٹ

        رپورٹ :

          (ممتازملک ۔پیرس)

پاکستان کے معروف نعت خواں قاری شاہد محمود کیساتھ پیرس کے نواح میں  ایک خوبصورت محفل نعت کا انعقاد کیا گیا ۔ شاہ نواز ریسٹورنٹ میں شاہ نواز صاحب ، فیضان شاہ نواز، ابرار  کیانی صاحب اور ان کے عزیزوں نے مل کر اس یادگار محفل کا انعقاد کیا ۔  پروگرام کی نظامت حافظ اقبال اعظم صاحب نے کی۔ جبکہ نوجوان معروف نعت خواں قاری معظم اور دیگر نے بھی نعتیہ کلام پیش کرنے کی سعادت حاصل کی۔ لوگوں کی تعداد کام کے دنوں کے باعث بہت زیادہ تو نہیں تھی لیکن ایک بڑی تعداد ضرور تھی ۔قاری شاہد کو سامعین و حاضرین کی بھرپور توجہ اور محبت ملی۔ تصویری سیشن ہوا۔ 

 پروگرام کومقررہ وقت میں سمیٹا گیا ۔ جو کہ بہت اچھی مثال رہی۔ پروگرام میں کسی بھی وجہ سے شامل نہ ہو سکتے والے ایک بہترین پروگرام سے محروم رہے۔ پروگرام کے آخر میں ایک پرتکلف عشائیہ دیا گیا۔

مقابلہ/ کوٹیشنز

مقابلہ

عمر کبھی تجربے کو مقابلہ نہیں دے سکتی ۔

اسی لیئے کبھی 8 سال کا بچہ، 80 سال کے بزرگ کو اپنے تجربات کی بنا پر وہ سبق دے جاتا ہے جو اس کی ساری زندگی پر بھاری پڑ جائے۔ اس لیئے عمر کو کبھی عقل کا پیمانہ مت بنائیں ۔ 

              (چھوٹی چھوٹی باتیں)

                   (ممتازملک ۔پیرس)

● عہدوں اور مراعات کی لوٹ سیل/ کالم

عہدوں اور مراعات کی لوٹ سیل

 آئیے اسکی آڑ میں قوم کا خون چوستے ہیں 👺👹☠

         تحریر: (ممتازملک ۔پیرس)

دنیا میں اگر کوئی سب سے باوقار اور باعزت شعبہ ہے تو وہ ہے محافظ کا ۔ جو آپ کو زندگی کا اعتبار وحوصلہ لوٹاتا ہے۔ جینے کی امنگ عطا کرتا ہے ۔ بیمار کی دوا ہوتا ہے محافظ، لیکن اس وقت تک جب تک یہ دوا مرض کی تشخیص کے بعد معالج کے مشورے کے مطابق تجویز کردہ خوراک کے مطابق ہی دی جائے ۔ بصورت دیگر اسی دوا کی خوراک کو بے حساب کر دیا جائے تو اس مریض کے لیئے یہی دوا شفا نہیں بلکہ پاگل پن اور موت کا سبب بھی ہو سکتی ہے ۔

یہی سب کچھ ہماری معیشت کیساتھ سرکاری ملازمین  وزراء ججز اور فوجی عہدیداروں کی صورت میں ہو رہا ہے ۔  جو دوا کے بجائے اس قوم کے لیئے زہر قاتل بن چکے ہیں لہذا اب جب ملک تباہی کی دلدل میں دھنس چکا یے یہ اقدامات اٹھانا اشد ضروری ہو چکے ہیں جیسے کہ

▪︎پاکستان میں فوری طور پر ہر سرکاری عہدیدار جیسے وزراء ججز  اور فوجی عہدیداروں کو مفت بجلی گیس  پٹرول کی فراہمی بند ہونی چاہیئے۔ 

▪︎انہیں ملنے والے مفت کے گھریلو ملازمین کی عیاشی بند ہونی چاہیئے ۔

▪︎انہیں ملنے والے جہازی سائز کے بنگلوں کا کرایہ خزانے سے جانا بند ہونا چاہیئے۔

▪︎انکے اور انکے خاندانوں کے ہسپتالوں کے اور سفری اخراجات کو بند کیا جائے۔

▪︎ دو بار کی ریٹائرمنٹ کے بعد کوئی بھی سرکاری و غیر سرکاری عہدہ یا نوکری رکھنا غیر قانونی قرار دیا جائے ۔ انہیں صرف رضاکارانہ سرگرمیوں میں حصہ لینے کی اجازت ہونی چاہیئے۔

▪︎ ریٹائرڈ برگیڈیئرز جرنیلوں کرنیلوں  ججز سے سبھی عہدے فی الفور واپس لے لیئے جائیں جو اس قوم کے حقداروں کی نوکریوں پر قبضہ کیئے بیٹھے ہیں ۔

 پاکستان دنیا کا وہ واحد ملک ہے جہاں ایک ایک آدمی دس دس عہدے دبائے بیٹھا ہے جو نہ صرف جونک بنا قومی خزانہ چوس رہا ہے بلکہ عام عوام پر اپنے عہدوں کی جگہ ریٹائرڈ فوجی عہدوں کی دھونس جما کر بدمعاشی کا مرتکب بھی ہو رہا ہے۔ 

جب یہ تمام مفت خورے اپنے پلے سے اپنا گھر اور گاڑی چلائینگے گے تبھی یہ اس قوم کے عام آدمی کے ساتھ خود کو جوڑ پائینگے اور انکے مسائل سمجھ پائینگے۔ 

ہمارا ملک ابھی ان عیاشیوں کا کسی طور بھی متحمل نہیں ہو سکتا ۔ 

آخر اسی ملک میں یہ تمام شاہانہ ٹھاٹھ باٹھ کس خوشی میں مفت مہیا کیئے جاتے ہیں ۔ ان عہدوں پر ہوتے ہوئے تو انہیں مراعات کی اندھی بارش میں نہلایا ہی جاتا ہے لیکن مسئلہ اس وقت اور بھی سنگین ہو جاتا ہے جب انکی ریٹائرمنٹ کے بعد بھی ان پر بیشمار نوازشات تادم مرگ جاری رہتی ہیں ۔ جیتے جی ایڑیاں رگڑ رگڑ کر جس ملک میں لوگ ماہانہ ہزاروں روپے بمشکل کما پاتے ہیں وہاں یہ خدائی فوجدار عہدیدار نوکریوں پر ہوتے ہیں تو ہر ماہ  لاکھوں کماتے ہیں اور رہٹائر ہو کر دس دس نوکریوں پر آکاس بیل کی طرح پھیل کر چمٹ جاتے ہیں اور ہر ماہ کروڑوں روپے ملکی معیشت سے چوسنے لگتے ہیں ۔ گویا ان پر یہ کہاوت سو فیصد صادق آتی ہے کہ جیتا ہاتھی لاکھ کا تو مرا ہوا سوا لاکھ کا۔ یہی وجہ ہے کہ ہر بچے کے پیدا ہوتے ہی اسکے والدین کا پہلا خواب پوتا ہے سرکاری نوکری۔۔ مطلب تاعمر کی مفت روٹیاں ۔ یقین مانیں اگر ان سارے عہدوں سے یہ تمام مالی عیاشیاں نکال دی جائیں تو ہر سال ایک ایک کرسی کے لیئے جو سینکڑوں بھرتی درخواستوں کا بوجھ پڑتا ہے وہ بھی خود بخود کم ہو جائے گا اور بیکار و بے مصرف لوگوں کی چھانٹی بھی ہو جائے گی۔ اس وقت صرف اور صرف اہل اور محنتی افراد ہی اس  نوکری کے لیئے خود کو پیش کرینگے جو اس ملک کی حقیقی خدمت کرنا اپنے ایمان کا حصہ سمجھیں گے ۔ 

                  ●●●

● ضروری نہیں/ کوٹیشنز

ضروری نہیں یے کہ 

جو بات ہمیں  اچھی نہ لگے 

وہ جھوٹ ہی ہو 

یا ہو ہی نہ۔۔۔۔

       (چھوٹی چھوٹی باتیں) 

      (ممتازملک ۔پیرس)

● فوری اور ضروری قانون سازی/ کالم

فوری اور ضروری قانون سازیاں

تحریر: 

(ممتازملک ۔پیرس)

25 مئی 2022ء  کو پاکستان میں ہونے والے ایک سیاسی جماعت کے تماشے نے بہت سے سوالات کھڑے کر دیئے ہیں ۔ عوامی و سرکاری املاک اور انسانی جانیں اس قدر سستی ہیں کہ جس کا جی چاہے دو چار ہزار جرائم پیشہ افراد کو لاکر جلاو گھیراو کریگا اور سپریم کورٹ کے ججز اس کے سامنے بچھتے چلے جائیں گے۔ اس کا فیڈر بنانا شروع کر دینگے۔ ان ججز کو جواب دینا پڑیگا کہ وہ اس عہدے پر اس قوم کو انصاف مہیا کرنے کے لیئے آئے ہیں یا کسی کی جماعت بنکر اسے خوش کرنے کے لیئے؟

کیا ان ججز کے نامناسب اور غیر حقیقی  فیصلوں نے ہی اس قوم کو آج کے حالات تک نہیں پہنچایا ؟ ان کو اتنا ہی شوق ہے سیاست کرنے کا تو ججز کے عہدے چھوڑیں اور کھل کر سیاست کریں قاضی جیسے محترم اور معتبر عہدے کو بدنام تو نہ کریں ۔ کوئی بھی سیاسی جماعت  یا حکومت اس بات کا حق نہیں رکھتی کہ وہ عوامی مفادات اور ملکہ سالمیت کے خلاف کوئی بھی قدم اٹھائے ۔  

حکومت وقت فوری قانون سازی کرے کسی بھی شہر میں آبادی میں کسی بھی قسم کا سیاسی اور مذہبی جلسہ جلوس دھرنا بین کر دیا جائے۔ ہر شہر سے باہر کچھ زمین ان مقاصد کے لیئے مختص کر دی جائے۔ پھر کوئی وہاں جتنے دن بھی اپنے احتجاج ریکارڈ کروانا چاہے، بیٹھنا چاہے،  لیٹنا چاہے اس بات کی اجازت لیکر کرے۔ لیکن ملکی سرکاری  اور عوامی املاک کو نقصان پہچانے والوں کو سخت سے سخت سزائیں دیکر نمونہ عبرت بنایا جائے۔ 

عدلیہ اور افواج پاکستان  کو حکومتی کاموں میں مداخلت سے باز رہنے کا حکم باقاعدہ قانون بنا کر  دیا جائے ۔

پرویز خٹک نے جس طرح وزیر اعلی کے بجائے عمرانڈوز بنکر پنجاب اور اسلام آباد پر چڑھائی اور قتل عام کا پروگرام بنایا اس کا زور ان کی بارود اور اسلحے کی بھری ہوئی گاڑیاں پکڑ کر کسی حد تک حکومت نے توڑ تو دیا لیکن اب اس کی جانب سے اعلان جنگ کا بھرپور جواب دینے کے لیئے ایسے شرپسندوں کو دیکھتے ہی گولی مارنے کا حکم دیا جائے۔ ان کے سرکاری عہدے ان سے واپس لیئے جائیں۔ انکے خلاف غداری ایکٹ کے تحت مقدمات درج کیئے جائیں اور فوجداری قوانین ان پر لاگو کیئے جائیں ۔ 

ایسے حالات میں  صوبوں کے بارڈرز سیل کرنے کا حکم دیا جانا چاہیئے ۔ یہ ملک کسی کے باپ کا اکھاڑہ نہیں ہے کہ یہاں کے عوام کی جانیں اور املاک ایسے ملک دشمنوں  کے لیئے پلیٹ میں رکھ کر پیش کر دی جائیں ۔ لہذا سپریم کورٹ اور فوج اس جماعت اور اس کے لیڈر کی نیپیاں بدلنا بند کرے اور پاکستان اور پاکستانی عوام کے حق میں عدل کرنا سیکھے۔ اور اگر ہمارے ججز اور جرنیل اس قابل نہیں ہیں تو استعفے دیں اور جا کر اپنے لوٹے ہوئے خزانوں کے بل پر بنے محلوں میں عیش کریں ۔ خدا کے لیئے پاکستان کو تجربہ گاہ بنانے سے توبہ کر لیں کیونکہ الحمداللہ پاکستان کا برا چاہنے یا کرنے والوں کے مقدر میں صرف اور صرف ذلت اور رسوائی ہی آئی ہے۔ 

                  ●●●

● ◇ فتنہ/ نظم/ جا میں نے تجھے آزاد کیا

فتنہ

اے فتنہ پرورو تم کو 

حساب ان سارے فتنوں کا 

خود اپنے گھر میں دینا ہے

یہ شر جتنا بھی پھیلے گا

لہو جتنا بہاو گے 

تم اپنے منہ کی کھاو گے

جو پوری نسل کو برباد کر دے 

عالمی سازش کا قصہ ہے 

یہ کاذب اس تباہی کا بڑا مذموم حصہ ہے۔۔۔۔

               ●●●

کلام:(ممتازملک۔ پیرس)

جوش/ کوٹیشنز

              جوش

جوش اصل میں  وہ لمحہ ہے جس میں جس کے پاس جو ہوتا ہے اس کا بہترین باہر نکل جاتا ہے جیسے دودھ ابلتا ہے تو اپنی ساری ملائی اور کریم باہر گرا دیتا ہے جبکہ گٹر جب ابلتا ہے تو اپنا سارا کوڑا باہر نکال دیتا ہے ۔

 انسان کی پہچان بھی اسکے  غصے اور جوش کے وقت ہی ہوتی ہے۔

(چھوٹی چھوٹی باتیں)

     (ممتازملک ۔پیرس)

پہچان/ کوٹیشنز ۔ چھوٹی چھوٹی باتیں

         پہچان

انسان پہچان کے گھر میں  اپنی گفتار کے دروازے سے داخل ہوتا ہے اور کردار کے دروازے سے باہر نکل جاتا ہے ۔ 

(چھوٹی چھوٹی باتیں)

      (ممتازملک۔پیرس)

دریچہ ادب پاکستان عالمی مشاعرہ

14مئی 2022ء

دریچہ ادب پاکستان 

√ مختصر تعارف ۔ ممتازملک

      مختصرتعارف  

      (ممتازملک۔پیرس)              

💛پیدائشی نام۔ ممتازملک 

💚قلمی نام۔ ممتازملک

💛تخلص۔ ممتاز 

💚ولد ۔ ملک خالد لطیف (مرحوم/ 23/12/1996)

💚والدہ۔ خورشید بیگم (مرحومہ/ 21/3/1999)

❤پیدائش ۔ 

راولپنڈی ،پاکستان 

💛تاریخ پیدائش۔ 

22 فروری 1971ء 

❤سکولنگ۔ 

گورنمنٹ گرلز ہائی سکول نمبر 2 ۔ مری روڈ راولپنڈی 

ٹاہلی شاہاں کے سامنے ۔ 

💔تعلیم۔

ایف اے ۔ بی اے پرائیویٹ ۔ 

مختلف ڈپلوماز 

💕ازدواجی حیثیت ۔ شادی شدہ۔ 7جنوری 1996ء

😍بچے۔ 3

دو بیٹیاں۔ ایک بیٹا

🧡ہجرت

7مارچ 1998ء سے فرانس میں مقیم ہوں.

💚میرے شعبہ جات ۔

پیرس فرانس  میں 1998ء سے لیکر 2014 ء تک  بحیثیت استاد ، 

 سماجی خدمتگار ، جنرل سیکرٹری۔ سٹیج سیکرٹری ، نعت خواں، منتظم  ایک مذہبی ادارے کیساتھ منسلک رہی ۔ 

💛2010 ء سے میں باقاعدہ شاعری اور لکھانے لکھانے کے ساتھ منسلک ہو گئی۔ اور اپنی پہلی شعری تخلیق بنام "مدت ہوئی عورت ہوئے" سے اپنے ادبی سفر کا آغاز کیا ۔ 

❤️میں شاعرہ , کالمنگار , لکھاری, نعت خواں ہوں ۔

❤️2007ء میں راولپنڈی سے گورنمنٹ انسٹیٹیوٹ سے بیوٹیشن کا باقاعدہ ڈپلومہ کیا ہے۔ 

❤️میزبانی

ٹی وی ہوسٹ(ondesi tv) 

 آن دیسی ٹی وی (ویب ٹی وی ۔ فرانس )  کی میزبان اور لکھاری۔ 

اس  پروگرام کی 29 اقساط یو ٹیوب پر بھی دستیاب ہے ۔ جس میں مختلف سماجی اور اخلاقی موضوعات پر آسان ترین زبان میں ایک عام انداز فکر میں اصلاح معاشرہ کے نقطہء نظر سے بات کی گئی ہے ۔۔

💜 عملا

 سوشل ورکر ہوں۔

💚مصروفیات ۔ 

گھرداری، ویب ٹی وی ہوسٹنگ ( ondesi tv)

تربیتی لیکچرز دینا، پروگرام ہوسٹنگ ، شاعری،  کالمنگاری، کوٹیشنز لکھنا، نعت خوانی ، افسانے اور کہانیاں لکھنا ۔ عالمی مشاعروں کی نظامت و نقابت 

💖مجھے تلاش کیجیئے

اردو کی سب سے بڑی ویب سائیٹ "ریختہ "اور "اردو پوائنٹ" پر بھی میرا کلام موجود ہے ۔  فیس بک ۔ ٹک ٹاک ۔ یو ٹیوب ، گوگل ، انسٹاگرام ، ٹیوٹر بھی بھی مجھے ڈھونڈا جا سکتا ہے ۔ 

💖تخلیقات۔

اب تک میری8 کتابیں شائع ہو چکی ہیں .

1- اردو شعری مجموعہ 

مدت ہوئی عورت ہوئے

 (2011ء)

2- اردو شعری مجموعہ 

میرے دل کا قلندر بولے 

 (2014ء)

3- کالمز کا مجموعہ 

سچ تو یہ ہے 

 (2016ء )

4- اے شہہ محترم 

(صلی اللہ علیہ وسلم) 

 نعتیہ مجموعہ کلام (2019ء)

5- "سراب دنیا " 

اردو شعری مجموعہ کلام (2020ء).

6. "او جھلیا "۔ 

پنجابی شعری مجموعہ کلام ۔ (2022ء)

7- "لوح غیر محفوظ" ۔

 مجموعہ مضامین (2023ء)

8۔ "اور وہ چلا گیا" ۔  

اردو شعری مجموعہ کلام (2024ء)

9. "قطرہ قطرہ زندگی"

  افسانے اور سچی کہانیاں (2024ء)

زیر طبع کتب: 8

 الحمداللہ  اس وقت 80 سے زیادہ ویب نیوز  سائیٹس پر میرے کالمز شائع ہو رہے ہیں جن میں 

جنگ اوورسیز ، ڈیلی پکار ، دی جائزہ ، آذاد دنیا،  عالمی اخبار ، اور بہت سے دوسرے شامل ہیں ۔ 

💚فرانس کے شہر پیرس میں پاکستانی خواتین کی پہلی ادبی تنظیم "راہ ادب "  کی بانی اور اس کی صدر بھی ہوں ۔ 

💐 اعزازات ۔ 

 میری کتاب سراب دنیا پر ایک ایم فل کا مقالہ ۔ طالب علم نوید عمر (سیشن 2018ء تا 2020ء) صوابی یونیورسٹی پاکستان سے لکھ چکے ہیں ۔ 

1 مقالہ بی ایس کے طالب علم مبین  نے بہاوالدین زکریا یونیورسٹی ملتان سے لکھا ۔سراب دنیا پر

1۔ دھن چوراسی ایوارڈ 

 چکوال پریس کلب 2015ء/

2۔حرا فاونڈیشن شیلڈ 2017ء/

3۔کاروان حوا اعزازی شیلڈ 2019ء/

4۔ دیار خان فاونڈیشن شیلڈ 2019ء/

 5۔عاشق رندھاوی ایوارڈ 2020ء/

6۔ الفانوس ایوارڈ 2022ء/ گوجرانوالہ 

گلوبل رائیٹرز ایسوسی ایشن اٹلی۔ سند سپاس ۔ اکتوبر 2023ء

گلوبل رائیٹرز ایسوسی ایشن اٹلی ۔

شیلڈ 

 فروری 2024ء

دریچہ ادب ایوارڈ (2024ء)

  اور بہت سے دیگر اسناد۔۔۔۔

💙 بلاگر ہوں ۔ 

  انٹرنیٹ پر  ہمارا بلاگ سائیڈ آپ کے لیئے تمام شائع مواد مفت پیش کرتا ہے .

MumtazMalikPairs.BlogSpot.com

            ------

میری ویب سائیٹ 

MumtazMalikParis.com

             -------

میرے آفیشل پیجز فیس بک پر 

ممتازملک۔ پوئٹس

https://www.facebook.com/profile.php?id=100050262589168

             ۔۔۔۔۔۔۔

ممتازملک آفیشل کا لنک

https://www.facebook.com/profile.php?id=100050310646875

                   ۔۔۔۔۔۔۔

ممتازملک فیس بک پیج کا لنک

https://www.facebook.com/mumtaz.malik.714

                   ۔۔۔۔۔۔۔۔

میرا ڈاک کا پتہ۔ پوسٹل ایڈریس

Mumtaz Malik

79avenue de Rosny

93250 Villemomble

Paris France

           ---------

برقی پتہ ۔ میلنگ ایڈریس

MumtazMalik222@gmail.com  

                  ●●●

* گھر کر دو/ اردو شاعری ۔ اور وہ چلا گیا

                گھر کر دو 

کلام:

(ممتازملک ۔پیرس)

تھک چکی یوں یوں دربدر ہو کر

تم میرے نام کوئی گھر کر دو

تھوڑی عزت وقار دے پاو 

چاہتوں کا یہی نگر کر دو

گر صلہ کوئی دینا چاہو تو

اب مکمل میرا سفر کر دو

موت جیسی حیات کیا کرنی 

زندگی سے قریب تر کر دو

دیر اب بھی نہیں ہوئی کم تو

فاصلے سارے مختصر کر دو

چھوٹ جائے نہ منزل امید

اپنے قدموں کو تیز تر کر دو

جس جہاں میں نہیں سوا غم کے

اس سے ممتاز بے خبر کردو

                 ●●●             

● محبت لفاظی نہیں عمل / کالم

محبت لفاظی نہیں عمل 

تحریر: (ممتازملک ۔پیرس)

مجھے ماوں کیساتھ ہونے والی زیادتیوں پر اکثر مردوں سے سننا پڑتا ہے کہ  ایسی بات نہیں ھے ماں کے قدموں میں جنت ھے بدنصیب ھے وہ انسان جو اپنی ماں کی خدمت اور احترام نہ کرے۔ پوچھنا یہ ہے کہ کیا  صرف احترام سے ہی پیٹ بھر جاتا ہے ؟ بدن ڈھک جاتا ہے؟ دوا مل جاتی ہے؟

یہ تو وہی بات ہوئی کہ کسی کے سامنے سات رنگ کے پکوان پروس دیئے جائیں لیکن اس کے ہاتھ اور منہ باندھ دیا جائے۔کس کام کے پھر یہ پکوان اس بھوکے کے لیئے؟

جب بھی اپنی ماں اور اپنے بچوں کی ماں کے سر پر اس کے اپنے نام کی چھت کا مطالبہ کیا جائے تو 

کمال کا جان چھڑاو جواب ملتا ہے ہمیشہ کہ جناب سب کچھ اسی کے لیئے تو ہے ۔ جبکہ سوال وہیں قائم رہتا ہے کہ ہمارے معاشرے میں کتنے فیصد اپنی بیویاں یا اپنی مائیں ایسی ہیں جن کے سر پر ان کے اپنے نام کی چھت ہے؟ کچھ نے کہا کہ 

 گھر اسے ہمارے باپ نے دے دیا تھا ۔ سوال پھر وہیں کا وہیں ہے کہ اپنے نام سے اس بیچاری کو کیا ملا؟ تمام عمر کی قربانیوں کے بدلے کبھی باپ کا گھر پھر میاں کا گھر پھر بیٹے کا گھر ۔ وہ تو  ہمیشہ غیر محفوظ اور خالی ہاتھ  ہی رہی۔  

سچ تو یہ ہے کہ محبت لفاظی نہیں عمل کی متقاضی ہے۔ 

سو جس ماں کے قدموں میں آپکی جنت ہے۔ اس کے سر پر اس کے  اپنے نام کی محفوظ چھت کیوں نہیں ہو سکتی؟

پھر مجھے (نہ جانے کیا سمجھ کر) پاکستان میں عورت اور خصوصا ماں کے رتبے پر بلند و بانگ دعوے سنائے جاتے ہیں ۔ اس کی عزت و وقار کے گن گائے جاتے ہیں ۔ تو عرض یہ  ہے کہ میں بھی اسی پاکستان سے آئی ہوں ۔ ہر کلاس کی عورت کو جانتی ہوں اور ان کی اس پرسنٹیج کو بھی ۔ جہاں بیٹیاں قران سے  بیاہنے والے جائیداد بچانے  کی فکر لیئے بیٹھے ہیں ۔ 

بھائی بہنوں کی جائیدادیں ہڑپ کر جاتے ہیں۔ باپ بھائی بیٹی کو جہیز دیکر اس کے حصے کی شرعی ملکیت دبا جاتا ہے۔ بیوہ بھابیوں کا مال ان کے دیور جیٹھ ملائی سمجھ کر کھا جاتے ہیں ۔ مائیں گھروں میں بچے پلوانے تک نوکروں جیسی حالت میں رکھی جاتی ہیں  ۔یہ ہے ہماری نوے فیصد اصلیت ۔اس سے نظر مت چرائیں پلیززز۔ مانیں گے مرض

 تو ہی علاج کر پائیں گے اسکا ۔۔

والدین کا گھر صرف باپ ہی کے نام تھا نا۔ کتنے ہیں جن کی اپنی بیوی یا اپنی ماں کے نام کوئی گھر ہے؟

ڈرامے بازی نہ کریں تو  حقیقت کی زمین پر بیچاری گود سے گور تک دوسرے کے گھروں میں در بدر ہی رہتی ہے یہ ہے سچ۔۔۔

ایک بڑا اچھا نقطہ اٹھایا گیا کہ اگر ماں یا باپ کے نام کوئی گھر خرید کر دیا جائے تو باقی سارے مفت خورے بہن بھائی اسے وراثت بنا کر مفت کا حصہ بٹورنے کے لیئے عدالتوں اور قبضوں کے کھیل کھیلنے لگتے ہیں۔ جبکہ اس مکان کی خرید کسی ایک بہن یا بھائی کے پیسے سے ہوئی تھی۔  اس کے علاج کے لیئے پاکستان میں سرکاری طور پر بھی قانون میں  کچھ تبدیلی کی اشد ضرورت ہے ۔ جس کے تحت کسی بھی گھر کی یا کسی بھی جائیداد کی خرید کے وقت کاغذات میں ایک خانہ موجود ہونا چاہیئے جس میں لکھا جائے کہ یہ جائیداد کون اپنے پیسے سے خرید کر اپنے والد یا والدہ کے نام کر رہا ، رہی ہے ۔ اور ان کی وفات کے بعد یہ جائیداد خود بخود خرید کر دینے والے  نام پر منتقل ہو جائے۔ اس کا مضبوط انتظام قانونی کاغذات سے مکان تاعمر انکے نام ہو ۔ انکی وفات کی صورت یہ مکان خرید کر دینے والے کو واپس منتقل ہو جائے ۔

 اور اگر وہ خریدنے والا نہیں رہا تو یہ جائیداد  اس کی بیوی یا شوہر کے نام ہو جائے ۔ اور اگر اس کی بیوی یا  شوہر بھی نہیں رہی، رہا (موت یا طلاق کی صورت) تو اس کی اولاد کے نام ہو جائے۔ ماں کے نام گھر ہو۔ وہ ساری زندگی بلا شرکت غیرے اپنی مرضی سے اسمیں رہے ۔ لیکن اگر وہ گھر اسکی کسی اولاد نے خرید کر دیا ہو تو وہ  گھر وہ کسی کو بھی نہ بیچ سکتی ہے نہ ہی کسی  کے نام کر سکتی ہے۔ اس کی وفات کے بعد یہ گھر جس نے خرید کر دیا اسی کی ملکیت میں واپس چلا جائے گا۔  خودمختاری یہ ہو گی کہ وہ اگر میرے خرید کر دیئے ہوئے گھر میں مجھے بھی نہ آنے دینا چاہے تو مجھے اس کی اس بات کا بھی احترام کرنا ہے ۔ زبردستی اس کی زندگی میں اس گھر میں گھسنے کہ کوشش نہیں کرنی ہے۔ وہ اس کے کسی حصے میں کرایہ دار بھی ساتھ رکھنا چاہے تو رکھ سکتی ہے ۔ اس کی آمدن کو اپنے لیئے استعمال کر سکتی ہے۔ میں امید کرتی ہوں کہ یہ تحریر صاحب اختیار لوگوں تک ضرور پہنچے گی اور وہ اس پر قانون میں تھوڑا بہت ردوبدل کرتے ہوئے عوام کو آسانی مہیا کرنے میں اپنا کردار ادا کرینگے۔ اس وقت تک جائیداد ماں کے نام کرنے والے خود قانونی کاغذات بناتے وقت یہ ضروری شق شامل کروا کر اپنی جائیداد کو محفوظ بنا سکتے ہیں اور عدالتوں میں فاضل مقدمات بننے کی راہ کو روک سکتے ہیں ۔ 

                  ●●●

شرک اور ہمارا تغافل۔ کالم

شرک اور ہمارا تغافل

(تحریر/ممتازملک.پیرس)

آج جب دین کو سمجھنا یا جاننا آوٹ ڈیٹڈ تصور کر لیا گیا ہے ۔ مذہب کو زندگی پر بوجھ سمجھ لیا گیا ہے ۔ ہر ایک خود اپنا اپنا دین ایجاد کرنے میں مصروف ہے۔ اللہ پاک کا بھیجا ہوا دین انہیں ان کی من مرضی کرنے میں رکاوٹ لگنے لگا ہے ۔ ان کی اوارگیوں اور غیر اخلاقی اعمال کو ایک عنوان بھی چاہیئے اور اپنے مردہ ضمیر کو مطمئن کرنے کے لیئے دین کے نام پر کوئی جواز بھی مہیا کرنا ہے تو ہر من گھڑت بات کو بغیر کسی تصدیق کے اپنے من چاہے کے بیان پر دین کا نام دینے کی کوشش کرنا ایک تباہ کن  رواج بنتا جا رہا  ہے ۔ جس میں ساری دنیا محض مرد اور عورت کا جسم بن کر رہ جائے گی ۔ نہ کوئی رشتہ سلامت رہیگا اور اخلاقی تنزلی کا تو اب بھی کوئی پرسان حال نہیں رہا اور مذید  کیا تباہ ہو گا؟

 یہ بات ہم سب مسلمانوں کو سمجھنے کی سب سے زیادہ ضرورت ہے ۔ نبی پاک صلی اللہ علیہ وسلم  سمیت سبھی انبیائے کرام  اللہ پاک کے محبوب و محترم اور معصومین ہیں ۔ لیکن وہ خدا سے  آگے نہیں ہیں  اور خدا کو  ان کے مشورے کی قطعی کوئی ضرورت نہیں ہے ۔ جبکہ ہمارے تفرقے بازوں اور حلوہ خوروں اور کئی شعراء نے نبی پاک صلی اللہ علیہ وسلم  کے علاوہ بھی صحابہ اور اولیاء اللہ اور تو اور کئی نے علمائے وقت تک  کو اپنے اپنے لیئے مخصوص کر کے ان کی شان میں وہ وہ  قلابے ملائے ہیں کہ اگر اس پر غور کرنے کی توفیق مل جائے تو ہمیں کسی اور  کو مشرک کہنے کی قطعی کوئی ضرورت ہی نہ رہے ۔

ہر شخص خود کو مسلمان بھی کہتا ہے اور اپنی ہر محب ہستی کو نعوذ باللہ اللہ کے برابر کی کرسی پر بٹھانے کو بھی بےچین نظر آتا ہے ۔۔لیکن وہ شرک نہیں کرتا اس پر بھی اڑا ہوا ہے ۔۔۔خدا کے لیئے خالق اور مخلوق کے فرق کو سمجھو ۔ خالق صرف ایک ہے باقی دنیا کی اچھی سے اچھی اور حسین سے حسین مخلوق ہو ، چاہے بری سے بری اور  بدصورت سے بدصورت مخلوق ہو سب اس کی تخلیقات ہیں ۔ اگر کسی کی عزت اور مقام اللہ پاک نے زیادہ رکھا ہے تو بیان بھی فرما دیا ہے کہ اسکی وجہ صرف اور صرف اس کا تقوی ہے ۔ اور تقوی کیا ہے؟  تقوی یہ ہے کہ اچھائی اور  نیکی کے کاموں میں ایکدوسرے سے آگے ہونا ۔ اپنے قول فعل اور کردار میں بہترین ہونا ۔ حلال کاموں میں بھی جس میں ذرا سا بھی  اللہ کی ناراضگی کا شائبہ تک ہو اس سے بچنے کی کوشش کرنا ۔ یعنی ایک ہی مثال کو کافی سمجھیئے کہ انسان دنیا میں گناہوں سے پاک پیدا ہوتا ہے ۔ اس کا کردار سفید لباس جیسا ہوتا ہے اور جب سفید کپڑوں میں انسان کیچڑ والی جگہ سے  مجبورا بھی گزرتا ہے تو اپنے لباس کو سمیٹ لیتا ہے۔ اپنے پائنچے چڑھا لیتا ہے تاکہ اس کیچڑ کا کوئی چھینٹا اس کے لباس کو داغدار نہ کر دے ۔ بس یہ ہی ہے ایک متقی اور اللہ کی محبت اور قرب پانے کا یہی ہے واحد طریقہ ۔ کہ دنیا کے کیچڑ میں اپنے کردار کے سفید لباس کو داغدار ہونے سے بھی بچایا جائے اور سفر بھی جاری رکھا جائے۔  اسے ہی تقوی کہتے ہیں جو اللہ پاک بار بار قران پاک میں ارشاد فرماتا ہے ۔ 

اس لیئے آج مسلمانوں کو اللہ پاک ، اور نبیوں کے مقام کو سمجھے اور شرک کا مطلب جاننے کی اشد ضرورت ہے ۔ 

اپنے محبوب سے محبوب ہستی سے محبت ضرور کیجیئے ان کا احترام بھی کیجیئے ۔ لیکن یہ یاد رکھیئے کہ پیغمبروں اور  نبیوں کے علاوہ دنیا کی کوئی نیک سے نیک ہستی ایسی نہیں ہے جو گناہوں سے یا غلطیوں سے پاک ہو ۔ یہ سب انسان ہیں ۔ اور اللہ پاک کے عطا کردہ بشری تقاضوں میں مجبور ہوتے ہیں۔

اللہ پاک ہم سب کو اسلام کی سمجھ اور ہدایت عطا فرمائے۔ آمین

                    ●●●

جاوید قمر جاوید کی کتاب رات کا مسافر پر تبصرہ/ تبصرہ۔ بھارتی شاعر

نوجوان شاعر جاوید قمر جاوید کا مجموعہ کلام رات کا مسافر پڑھنے کا اتفاق ہوا ۔ اندازہ ہوا کہ اس نوجوان کے کلام میں انسانی جذبات کے کئی رنگ نمایاں ہیں ۔ کہیں وہ اپنی محبت کا اظہار کرتا دکھائی دیتا ہے تو کہیں زمانے کے ہاتھوں ستائے جانے پر شکوہ کناں ہے۔ حالات اس کے جذبات پر پورے طرح اثر انداز ہوتے دکھائی دیتے ہیں ۔ 

جیسے کہ فرماتے ہیں 

زمانے کو ستانے کے سوا کچھ بھی نہیں آتا 

مسلسل ظلم ڈھانے کے سوا کچھ بھی نہیں آتا 

بچھڑ کر شاخ سے بھی مسکراتے انکو دیکھا ہے

گلوں کو مسکرانے کے سوا کچھ بھی نہیں آتا 

نہیں ہے فرق کوئی لیڈروں میں اور طوائف میں

انہیں دولت کمانے کے سوا کچھ بھی نہیں آتا 

میں سمجھتی ہوں اس مکمل کتاب میں یہ کلام ہی اس نوجوان کی سوچ اور کلام پر اس کی گرفت کو سمجھنے کے لیئے کافی ہے۔ میں دعا گو ہوں کہ اللہ پاک اس نوجوان کے قلم میں بھرپور تاثیر و  توانائیاں عطا فرمائے۔ آمین

نیک تمنائیں ۔ 5مئی 2022ء

منجانب۔ ممتازملک 

شاعرہ ۔ کالمنگار

پیرس۔ فرانس 

وقت اور انکار/ کوٹیشنز

ہم جو کچھ سمجھنے سے جتنی شدت سے انکار کرتے ہیں "وقت" اتنی ہی شدت سے ہمیں وہ سب سمجھانے کو تیار رہتا ہے۔

 (چھوٹی چھوٹی باتیں)

      (ممتازملک ۔پیرس)

● سائیبر وار دجالی فتنہ/ کالم

سائیبر وار دجالی فتنہ

تحریر:

( ممتازملک ۔پیرس)

 پاکستان کے حالات کو دیکھتے ہوئے ہر ذی شعور کو اس بات کی اندازہ بخوبی ہو چکا ہو گا کہ ہم دجالی فتنوں کے دور کے ایک بڑے فتنے سے دوچار ہو چکے ہیں ۔ سائیبر وار ہمارے گھروں پر حملہ آور ہو چکی ہے ۔  یہ وہی وقت ہے کہ جس کے بارے میں ہمارے پیارے نبی پاک صلی اللہ علیہ وسلم  واضح طور پر فرما چکے ہیں کہ(ترجمہ)نبی کریم صلی اللہ علیہ وسلم نے فرمایا ”کیوں نہ میں تمہیں دجال کے متعلق ایک ایسی بات بتا دوں جو کسی نبی نے اپنی قوم کو اب تک نہیں بتائی۔ وہ کانا ہو گا اور جنت اور جہنم جیسی چیز لائے گا۔ پس جسے وہ جنت کہے گا درحقیقت وہی دوزخ ہو گی اور میں تمہیں اس کے فتنے سے اسی طرح ڈراتا ہوں، جیسے نوح علیہ السلام نے اپنی قوم کو ڈرایا تھا۔“حوالہ کتاب:صحیح بخاری/حدیث نمبر:3338

اس حدیث کی روشنی میں آج کے حالات کا جائزہ لینے کے لیئے بہت زیادہ تگ و دو کی بھی ضرورت نہیں ہے۔ سب کچھ واضح ہو چکا ہے ۔ زبانی جمع خرچ کی زیادتی، کھل کر توہین انبیاء بصورت بدکردار لوگوں کو ان کے برابر قرار دینے جیسے مشرکانہ عقائد ، دین سے دوری اور نابلد ہونے کے باوجود خود کو دین کا سب سے بڑا عالم ثابت کرنے کی بیہودہ کوششیں ، داڑھی اور حجاب کو بدکردار و بدزبان لوگوں کا اپنی ڈھال کے طور پر استعمال کرنے کا رواج یا۔ طور فیشن اپنانا ، دوسروں کو اپنے کردار اور اعمال سے متاثر کرنے کے بجائے انہیں ڈرا دھما کر دباو میں لانے کی کوششیں ، جب اپنے پاس دکھانے کو کوئی کارکردگی نہ ہو تو سوال پوچھنے والے پر بہتان تراشی کرنا، فرد واحد کے ذاتی عشق میں اپنے ملک مذہب اور اخلاقیات کا جنازہ نکالنا، جعلسازی کے زریعے اپنی بات کو اکثریت کی رائے ثابت کرنے کی مذموم کوششوں سے ملک و قوم کو خطرے میں ڈالنا، جھوٹ بولنا اور کھل کر بولنا اور شرم سے دور دور کا بھی واسطہ نہ ہونا اور بھی بہت کچھ جو صرف باضمیر اور باکردار لوگوں کو ہی دکھائی دے سکتا ہے۔ آج ہم ان سب سے برسر پیکار ہیں ۔ اللہ کی مدد کی طلب ہم پر لازم ہے تو اپنی نیتوں اور عقائد کی درستگی ہھی ہمارے ایمان کی سلامتی کی ضامن ہو سکتی ہے۔ ہمارے نام نہاد مسلمان حکمران ( جس نے اپنی زندگی کے 70 سال بے دینی میں مشرکین کے ساتھ ان کے انداز میں گزاری ) نے بدقسمتی سے لمبی زبان والے ،  بے حیا آنکھوں ، دین سے عاری و بیزار  وہ زونبیز تیار کر لیئے ہیں جو دوسروں کو کیا خود اپنے پیدا کرنے والوں کو بھی لمحوں میں موت کے گھاٹ اتارنے کو تیار ہیں تو دوسری جانب خود اپنے وجود کی بوٹی بوٹی نوچنے میں نہ حیران ہیں نہ پریشان۔ ان کے دل سے خدا کا خوف رخصت کیا جا چکا ہے تو ایمان کے ہونے کا تو سوال ہی پیدا نہیں ہوتا ۔ ایسے حالات میں ہر ذی شعور اور باشعور اہل ایمان بجا طور پر پریشان ہے۔ وہ اپنی رائے دینا اور اصلاح کی جانب رہنمائی کرنے کا فرض ادا کرنا چاہتا ہے تو اسے  نادان دوست یہ سمجھاتے ہیں کہ بھئی تمہارا کیا کام ہے ان معاملات میں بول کر خود کو گالیاں دلوانا ، ذلیل کروانا ، خود کو خطرے میں ڈالنا ۔ خاموش رہو مزے مزے کی نرم نرم باتیں کرو جس سے ہم لطف اندوز ہوں اور کچھ سیکھیں ۔۔کمال کی بات ہے نا کہ گھر میں اگ لگ جائے اور گھر والے کو مشورہ دیا جائے کہ بیٹھو بھائی آگ بجھانا تو فائر برگیڈ کا کام ہے آو ہمارے ساتھ بیٹھ کر فائربرگیڈ کا انتظار کرو تب تک ہمارے ساتھ خوش گپیاں کرو ؟؟؟

یا ہھر گھر میں ڈاکہ پڑ جائے ڈاکو تمہارے سامنے ہے تم انہیں پکڑنے کی کوشش سے خود کو خطرے میں مت ڈالو۔ یہ تو پولیس کا کام ہے آو بیٹھو گپیں لگاو اور پولیس کا انتظار کرو؟

یہ کیسی جاہلانہ اور بزدلانہ سوچ پنپ رہی ہے ہمارے اندر؟ کیا ہم اس قدر بےایمان ہو چکے ہیں کہ آواز اٹھا کر بھی کسی برائی کو برائی ،جھوٹ کو جھوٹ ، غلط کو غلط کہنے کے قابل نہیں رہے؟ ایسے سوچ والوں سے مودبانہ عرض ہے کہ جب ملک حالت جنگ میں ہو تو ہر شعبے کی طرح لکھاریوں اور شاعروں کا بھی فرض ان حالات پر رہنمائی کرنا ہوتا ہے نہ کہ عشقیہ شاعری کرنا اور کوا حلال ہے یا حرام جیسی بحث و تحقیق۔ وگرنہ ایسی ہی قوم پر چنگیز خان نے ان کی کھوپڑیوں کے مینار تعمیر کر دیئے تھے ۔ جن کی لائبرییاں دنیا کی بہترین اور سب سے زیادہ کتب سے بھری ہوئی تھیں ۔ جنہیں تلوار چلانے  کے موقعے پر بھی زبان چلانے پر زیادہ بھروسہ تھا۔  ایسے میں نتیجہ کھوپڑیوں کے میناروں کہ صورت ہی تو سامنے آنا تھا اور اچھا ہی تو ہے جو دماغ استعمال ہی نہیں ہونے ان کے مینار ہی بن جانا چاہیئیں ۔

                   ●●●

نیرو کی بانسری۔۔۔/ کالم

نیرو کی بانسری
چوہے کے بل سے
تحریر:
(ممتازملک۔پیرس)

شاہین 3 کا کامیاب تجربہ فوج اور قوم کو مبارک ہو۔

آج کے یادگار دن جب ہر ادارے نے اپنی ذمہ داریاں بخوبی نبھائیں۔

فوج نے اپنے تجربات کیئے

سپریم کورٹ نے اپنی کاروائی نبھائی اور سیاستدانوں نے اپنا محاذ بخوبی صبر استحکام کیساتھ نبھایا 

9 اور 10 اپریل 2022ء کی تاریخیں پاکستان کے 75 برسوں میں امر ہو گئیں ۔💚❤

ملک کا بدترین بادشاہ سلامت پاکستان کو ٹکڑوں میں بیچنے والا ، لوگوں کا خون چوسنے والا ، چوروں اور ڈاکوں کا سہولت کار ملک کی معاشی و سماجی تباہی کا ہیرو جناب عمران خان صاحب کونسا منہ لیکر آج  22 کروڑ عوام کو ورغلا رہا ہے کہ آوووو میں  چوہے کی طرح بل میں چھپنے کا ورلڈ کپ بھی جیت لایا ہوں ۔ بھارت تک کو بہترین ریاست کا درجہ اس بنا پر دے آیا ہوں کہ وہ ہمارے کشمیریوں اور مسلمانوں کو تڑپا تڑپا کر مار رہا ہے انکی عزتوں سے کھیل رہا ہے ۔ دو سال سے انہیں کی زمین کو انکی جیل اور عقوبت خانہ بنا چکا ہے ۔ اے بھارت تیرا مودی ہیرو خود دار باکمال میری قوم کرپٹ چور ڈاکو غدار ۔۔۔آ مجھے بچا لے ۔۔

لاکھوں روپے کی تنخواہوں پر اور بے تنخواہ اپنی سوشل میڈیا جعلی اکاونٹس بنوا کر ملک میں جعلی مینڈیٹ اور فالوورز دکھا کر سارے پاکستان کیا ساری دنیا کو بیوقوف بنانے کا کھیل ان چار سالوں میں بھرپور انداز میں کھیلا گیا ۔ پہلے تو ان سے گزارش ہ کہ زمین پر آئیں اور ایک فرد اکاونٹ کے زرہعے سائیبر کرائم قانون بنا کسی تخصیص کے ہر پارٹی اور  تنظیم کے خفیہ مقاصد کو بے نقاب کرے۔  جس کے لیئے سپریم کورٹ کو جنگی بنیاد پر اس مسئلے  پر احکامات جاری کرنا  چاہیں ۔ 
 جہاں پاکستانی مہنگائی اور بدانتظامی اور حکومتی نااہلیوں کے سبب  خون تھوک رہے ہیں اور نیرو بانسری سنانے کو مجمع لگانے کی تیاری کر رہا ہے ۔۔۔پاکستانیو گھبرا لو اب ،  تاکہ ایسے دجالی شیطانوں سے بچ سکو جسے ساری دنیا کے یہودیوں کی اور خصوصا سابقہ یہودی سسرال کی موجودہ حمایت نے جعلی عالمی مسلم لیڈر بنانے کی ایڑی چوٹی کی کوششوں کی انتہاء کر دی۔۔۔اس کے شر سے خبردار ہو جائیں ۔۔اس ملک پاکستان میں ان چار سالوں کے دوران ہونے والے جنسی جرائم ، مادر پدر آذادی کی سرپرستیاں ، ننگی عورت مارچ کی سرپرستی، میڈیا پر بے حیائی کی انتہاء،  اسرائیلی جہاز کی پاکستان میں آمد ، اسلام آباد میں ہفتوں اسرائیلی اور ہم جنس پرستوں کے جھنڈوں کا لہرایا جانا، آئی ایم ایف کو ملک بیچنا، اسٹیٹ بینک کو غیر ملکیوں کے حوالے کرنا، ترقیاتی منصوبوں کو چار برسوں تک لٹکائے رکھنا ، رنگین فلمیں اور گانے بجانے کے دھوکے میں عوام کے صحت اور سہولتوں کے فنڈز اپنے ڈاکوں کو چاٹ جانے پر تماشا دیکھنے والا پاکستانیوں سے اپنی معصومیت کا سرٹیفیکیٹ لینے آ رہا ہے ۔ ۔۔۔۔
اللہ پاکستان کی حفاظت فرمائے۔ آمین
پاکستان زندہ باد 💚

خوش فہمیاں بہت ہو چکیں/ کالم

بہت ہوئیں خوش فہمیاں 

تحریر:

    (ممتازملک ۔پیرس)

 عمران خان صاحب آپ کے پے در پے جھوٹ اور پلٹے بازیاں نہ عوام کی زندگی کو بدل سکے نہ ہی اس ملک کی قسمت بدل سکے ۔ تقریوں سے ملک نہیں چلا کرتے ۔ ہم نے آپ کی خفیہ طاقتوں کے ذریعے جبری حکومت لائے جانے پر بھی آپ کو خوش آمدید کہا اور نیک خواہشاٹ کا اظہار کیا ۔ لیکن افسوس آپ نے اپنے ہی ہر قول کو مذاق بنا دیا ۔ آپ کو اب جانا ہی ہو گا لیکن آپ کا پھیلایا ہوا گند پچھلے 70 سال کے گند پر بھی بازی لے گیآ ہے ۔ اسے صاف کرنے میں اب قوم کو کیا کیا بھگتنا پڑیگا اللہ جانے ۔ لیکن اب آپ کا جانا ملکی سلامتی کے لیئے بیحد ضروری ہو چکا ہے ۔ آپ کے پھیلائے ہوئے تنخواہ دار جعلی اکاونٹس لوگوں پر کتے کی طرح بھونک بھونک کر آپکو ڈان بنانے میں کامیاب نہیں ہو سکتے۔ اس  طرح حکومتیں کامیاب نہیں ہوا کرتیں ۔ کامیابی کے لیئے زمین پر کام کرنا پڑتا ہے جو حقیقت میں دکھائی بھی دے ۔ لوگوں کی زندگیوں کو آسان بھی کرے ۔ لیکن عمران جان کے جانے کے بعد بھی جس کی بھی حکومت برسر اقتدار آئے گی وہ ابھی سے اس بات کو اپنے ذہن میں بٹھا لے کہ اسے بھی اسی رد عمل کا سامنا کرنا پڑیگا جو موجودہ حکومت کو نااہلیوں پر دیکھنا پڑا ہے ۔ لہذا کوئی یہ نہ سمجھے کہ اس کی حکومت کے گند کو کارپٹ کے نیچے کرنے کی اجازت دی جائیگی۔ پاکستانی عوام کو دنیا میں عزت و وقار کیساتھ جینے کا پورا حق حاصل ہے۔ اور اس ملک کے عوام کے ساتھ زبانی جمع خرچی کا کھیل اب بند ہونا چاہیئے۔  پاکستانی عوام کو جس گندی زبان اور بدلحاظ بدزبان سیاست کا تحفہ موجودہ حکومت نے دیا ہے اس کی دنیا کی تاریخ میں بھی مثال مشکل سے ہی ملے گی ۔ کام نہ کرنا بس لوگوں کے ساتھ بڑھ چڑھ کر بدزبانی کرو تاکہ لوگ اپنی عزت بچانے کے لیئے گونگے بہرے ہو جائیں ۔ یہ کونسا رہاست مدینہ کا نمونہ ہے یا کونسا یورپ ہے جہاں سے عمران خان صاحب نے یہ طرز حکومت اپنایا ہے؟ ہم تو آج تک یہ بات جاننے سے محروم ہیں ۔ آنے والی حکومت چاہے کسی کی بھی ہو موجودہ حکومت کے نقش قدم پر چلنے سے باز رہے ۔ ہمیں تعلیم چاہیئے اچھی تربیت چاہیئے ۔ ملک میں فورا ہماری  قومی زبان اردو  کا نفاذ چاہیئے۔ ہمیں ترقی چاہیئے۔ انصاف چاہیئے ۔صحت چاہیئے ۔ وہ سب کچھ چاہیئے جو ترقی یافتہ ممالک کے عوام کو حاصل ہے لیکن ہمارے مذہب اور معاشرت کی حدود کے اندر رہ کر چاہیئے ۔ اس کے لیئے نہ ہمیں کرپشن منظور ہے نہ غنڈہ گردی ۔ اس لیئے پاکستان کی حفاظت اور پاکستانیوں کو حقوق کی فراہمی اور  انکی معاشرتی تربیت کا اہتمام کیجیئے تاکہ اس قوم میں صبر ،برداشت، مساوات اور رواداری کو فروغ دیا جا سکے ۔  ہمیں ہماری ترقی زمین پر دکھائی دینی چاہیئے اور دنیا بھر میں سنائی دی جانی چاہیئے۔ 

                    ●●●

دیس پاکستان ہے / شاعری ۔ قومی شاعری

دیس پاکستان ہے 

کلام: (ممتازملک ۔پیرس)

سرحدوں پر آج بھی پہرے پہ ہیں وہ عاشقان

اس وطن کی آرزو میں دی تھی جن لوگوں نے جان

جی رہے ہیں جو انہیں احساس ہی شاید نہیں 

کاٹ کر پردیس آو تو سمجھ پاو گے مان

گود میں کھیلے ہیں جسکی ملک پاکستان ہے

دیس پاکستان ہے بس دیس پاکستان ہے

۔۔۔۔۔

کاش کہ خود احتسابی بھی میرا ایمان ہو

زندگی میں عشق کلمہ صرف پاکستان ہو

نوچتے ہیں کاٹتے ہیں روز اسکو بانٹتے ہیں

ظلمتوں سے یوں نکلتا ہے کہ جگ حیران ہو 

گود میں کھیلے ہیں جسکی ملک پاکستان ہے

دیس پاکستان ہے بس دیس پاکستان ہے

۔۔۔۔

پانیوں میں اسکے رکھی ہے شفا میرے لیئے

گرم ہو یا سرد ہو اسکی ہوا میرے لیئے

کیوں شکایت نہ کروں جب درد ہوتا ہے تجھے

کھل کے جب برسی ہے رحمت کی گھٹا میرے لیئے 

گود میں کھیلے ہیں جسکی ملک پاکستان ہے

دیس پاکستان ہے بس دیس پاکستان ہے

۔۔۔۔۔۔

پاک ہے جو سر پہ اپنے ایک سائیبان ہے

دشمنوں سے  کیوں ڈرے خود رب جو نگہبان ہے

ہم نے خود ممتاز رہنا ہے سبھی اقوام میں 

دوسروں کی بھی حفاظت اپنا تو ایمان ہے

گود میں کھیلے ہیں جسکی ملک پاکستان ہے

دیس پاکستان ہے بس دیس پاکستان ہے

●●●

* ♡ ● گالی نہیں ہوں/ اردو شاعری ۔ عورت۔ اور وہ چلا گیا

گالی نہیں ہوں 

کلام: 

  (ممتازملک ۔پیرس)

مجھے بھی نام سے تسلیم کیجیئے

میں عورت ہوں کوئی گالی نہیں ہوں 

تمہارے رنج وغم اپنے جگر میں پالتی ہوں 

میں ہمدم ہوں محض اک شوق رکھوالی نہیں ہوں 

تو ہنستا ہے تو تیرے ساتھ جی اٹھتی ہوں میں بھی

تیرے غم توڑتے ہیں شکتیوں والی نہیں ہوں 

نہیں ہوں میں کوئی ناپاک سی شے

میں جنت لیکے چلتی ہوں کوئی ڈالی نہیں ہوں 

تمہیں جس کوکھ میں رکھا ہے رب نے

میں کیا اس کوکھ کی پالی نہیں ہوں 

بہت ہی بولتی ہوں میں بتاوں کہ بھلا کیوں 

نہیں ہوں سازشی اور دل کی میں کالی نہیں ہوں 

تمہاری ماں ہوں بیٹی ہوں   بہن ہوں 

میں بیوی ہی تمہارے گھر کی کیا مالی نہیں ہوں 

ہر اک الزام میرے سر پہ دھر کر بھول بیٹھے

کسی کے ہاتھ کی بجتی ہوئی تالی نہیں ہوں

مجھے تم غور سے سوچو تو یہ محسوس ہو گا

تمہارے ساتھ ہر رشتے میں کیا ڈھالی نہیں ہوں 

ہزاروں آرزوں سے بھرا ممتاز دل ہے

میرے اندر جہاں آباد ہے خالی نہیں ہوں 

                ●●●۔                

جبری شہید/کالم /

جبری شہید

تحریر: 

(ممتازملک ۔پیرس)

 ہم دنیا کی بہترین فوج رکھتے ہیں اور ایسے جرنیل رکھتے ہیں جو دنیا سے نرالی خدمات سرانجام دیتے ہیں ۔ ہماری خفیہ ایجنسی  اس قدر شاندار ہے کہ ہر واردات اور دہشتگردی کا ہمارے جرنیلوں اور ان ایجنسیوں  کے شریر بہادروں کو مہینوں پہلے سے ہی اس کا  علم ہو چکا ہوتا ہے لیکن وہ اسے کنفرم کرنے کے لیئے لیئے ساری وارداتیں اور دہشتگردی ہونے دیتے ہیں کیونکہ ایک تو انہیں پتہ چلے کہ واقعی میں دہشتگردی والوں کے پاس بارود بھی اصلی ہے کہ نہیں دوسرا  ان کا کام اسے روکنا تھوڑی ہوتا ہے ان کا کام ہوتا ہے اس کے معلوم ہونے کی اس دہشت گردی اور واردات  کے بعد اطلاع دینا ۔ اب دنیا بھر میں اربوں کے اثاثوں کے بدلے اپنی جان تھوڑی داو پر لگا دینگے ۔ یہ کم ہے کہ پاکستان کو شہیدستان کا جبری درجہ دلوا چکے ہیں ۔ سارے ملک میں لاکھوں لاشیں گروا چکے ہیں  ہر گھر میں شہادت کا جبری جھنڈا بلند کروا چکے ہیں ۔ بھلا شہادت سے بڑا بھی کوئی مقام ہوتا ہے کیا؟ ۔ دنیا کی ہے کوئی فوج اور جرنیلی ٹولہ یا جاسوسی ادارہ جس نے اتنی بڑی بہادرانہ مثال پیش کی ہو۔ ۔گھر بیٹھے، نماز پڑھتے، بازار میں سودا سلف خریدتے، مزدوری کرتے، کسی کو ایسی شہادت کی ہوم سروس مہیا کی ہو۔ نہیں ناااا  آخر بنا کوئی جنگ جیتے" زرا اب کے ماریو" کہہ کر دنیا میں سب سے زیادہ اپنے باڈرز پر حملے کروانے کا عالمی ریکارڈ بنانا صرف ہمارے ہی ملک کے ہی جرنیلوں آور ایجنسیوں کو حاصل ہے ۔  سینہ تاںن کر ہم دنیا کی آنکھوں میں دھول جھونک کر بہادری کی بڑکیں مارتے ہیں ۔ دشمن کواپنی ہی زمین پر رنگے ہاتھوں پکڑ لیتے ہیں تو دشمن کے بجائے ہمارے ہی ان ہیروز کی نیندیں حرام ہو جاتی ہیں اور وہ جنگی قیدی یا جاسوس ہماری زمین پر دامادوں کی پی خاطر داری پانے لگتا ہے ۔ ہم اس کے آگے لملیٹ ہو کر منتیں کرتے ہیں کہ بھائی وکیل کر لے تجھے دولہا بنا کر باڈر پر چائے پراٹھے کھلا کر خود چھوڑ کر آئیں گے ۔ بس میرا بھائی کوئی وکیل کر لے۔ بھلے سے ہمارا دشمن ہمیں آئے روز معصوم شہریوں کہ لاشیں تحفے میں بھجواتا رہتا ہے لیکن وہ تو ہے ہی بزدل۔ بہادر تو ہم ہیں جو ان کے جاسوس اور دہشت گرد کو کنگھی پٹی کر کے ، وال شال وا کے، چنگے بچے بن کے " چھوڑ کر آتے ہیں ۔ ہمارے بچے وہ قتل کرتے ہیں بزدل کہیں کے،  بھئی ہم  تو بہادر ہیں ہمیں تو اپنے بزدل دشمن کے بچوں کو  پڑھانا ہے ہاں بس ۔ ہم تو اپنے عوام اور فوجی شہید کروانے کی خدمات سرانجام دے رہے ہیں نا۔ ہمارے فوجی جہاں ہمارا دل کرے گا ہم انہیں بھی شہادت کا سرٹیفیکیٹ پکڑا دینگے ۔ اسے کسی بھی بلاوجہ کی کاروائی میں بے خبری میں شہادت دلوا دینگے۔ جرنیلی و ایجنسیز نے اپنے فوجی جوانوں کو میڈل بانٹ کر ہی تو اپنے لیئے کھربوں روپے کے غیرملکی خزانے بھرنے ہیں۔ جزیرے خریدنے ہیں  تاکہ شہادت کے بعد پاکستانی عوام و فوج کے بے خبر معصوم جبری شہید وہاں بے غم ہو کر گھوم پھر سکیں ۔ کیوں یہ دنیا بھر کے اور پاکستان بھر کے بڑے بڑے رقبات و محلات اسی نیک مقصد کے لیئے ہی تواپنے نام الاٹ کروائے گئے ہیں ۔ 

ہمارے سپہ سالاروں کو دولت سے قطعی  کوئی محبت نہیں ہے یہ تو بس جبری شہیدوں کو ان کے موت کے بعد ایک تفریح فراہم کرنے کے لیئے ان کے خدمت کا اعلی معیار ہے جو صرف اور صرف پاکستانی سپہ سالار اور جاسوس ایجنسی ہی سرانجام دے سکتے ہے ۔ دنیا کے کسی اور  جرنیلی ٹولے یا ایجنسی میں ہے ایسا دم خم؟؟؟؟؟

ہمارے جرنیل زندہ باد

ہماری ایجنسی پائندہ باد 👏👏👏

                  ●●●

♡ ● نکل ‏کر ‏دیکھا ‏/ ‏شاعری ‏

نکل کر دیکھا

کلام:

(ممتازملک ۔پیرس)

ہم نے جب خواب کے پہلو سے نکل کر دیکھا

زندہ رہنے کے لیئے سچ کو سنبھل کر دیکھا

ضبط تھا جس نے ہمیں ٹوٹنے جھکنے نہ دیا

اس نے الفاظ میں ہر زہر اگل کر دیکھا

بھوک مٹتی ہے فقط نان و جویں سے ورنہ

موت ہیں سارے جواہر جو  نگل کر دیکھا

 

درد کو چین نہ آنا تھا نہ آیا گرچہ

 ہم نے پہلو کو کئی بار بدل کر دیکھا

(پھول اصلی تھے مہک چھوڑ گئے  ہوں شاید 

اپنے ہاتھوں کو کئی بار مسل کر دیکھا)

کاش یہ خواب ہو اس آخری امید پہ تو

اس نے آنکھوں کو کئی بار مسل کر دیکھا 

کیوں تپش پاوں کی یہ سرد نہ ہونے پائی  

گو کہ مہندی کو کئی بار تھا مل کر دیکھا

صبح ہوتے ہی مقدر میں سیاہی ٹہری

رات بھر سارے چراغوں نے ہی جل کر دیکھا 

سارے حیلےجہاں دم توڑ گئے تھے ممتاز 

رب کو دیکھا ہے تو ازراہ توکل دیکھا 

●●●

● عورت خراب/ چھوٹی چھوٹی باتیں

       خراب عورت 

مرد خراب نہ ہو تو عورت راہ راست پر

 رہتی ہے اور 

عورت خراب نہ ہو تو پورا معاشرہ راہ راست پر رہتا ہے ۔ 

           (چھوٹی چھوٹی باتیں )

                 (ممتازملک.پیرس )

                       ●●●

● خفیہ طاقت/ کالم

               خفیہ طاقت

          تحریر:

          (ممتازملک ۔پیرس)

ہم وہ منافق لوگ ہیں جو بیرون ملک ہوں یا اندرون ملک اس بات پر تالیاں پیٹتے اور سر دھنتے ہیں کہ دیکھو دیکھو  ایک بس ڈرائیور کا بیٹا لندن کا میئر بن گیا ہے۔ترکھان کا بیٹا جرمنی کا صدر بن گیا ہے ۔ کل تک سڑک پر پانی کی بوتلیں بیچنے والا بچہ ترکی کا صدر بن گیا ہے ارے واہ واہ واہ 

ارے دیکھو تو کیسے ایک صفائی کرنے والا ایک ویٹر ایک نائی آ کر اپنے ہی مالک کیساتھ ایک ہی میز پر بیٹھ کر ایک سا کھانا کھا رہا ہے ۔۔

دیکھا یہ ہوتی ہیں قومیں ۔۔۔یہ ہوتی ہے ترقی۔۔ اسے کہتے ہیں کامیابی کا فارمولا ۔

بس ہو گئی آج کی خوراک پوری۔ آئیے 

یہی فارمولے لاگو کیجیئے ہمارے پا ر سا پاکستانی معاشرے پر ۔۔

سنا آپ نے وہ کمیوں کا منڈا شہر سے کوئی بڑی ڈگری لیکر آیا ہے 

سنا آپ نے دھوبیوں کی بیٹی افسر لگ گئی ہے 

ارے دیکھو تو اب یہ کھسرا بھی پڑھ لکھ کر ڈاکٹر بن گیا ہے

لو جی مستری کا پتر اب اسکول جائیگا

ارے کام والی کی بیٹی بھی سکول جانے لگی تو ہمارے جھاڑو پونچھے کون کریگا؟

ہا ہائے مالش کرنے والی کی دائی کی بیٹی اب منسٹر لگ گئی ہے

لو جی نائی بھی اب وزیر بن گیا ہے ۔ توبہ توبہ کیسا زمانہ آ گیا ہے ۔ کمی کمین اب ہمارے برابر بیٹھیں گے؟ 

دروازے پر فقیر کو روٹی دینے ہے تو اس کے ہاتھ برتنوں کو نہ لگیں پتہ نہیں کہاں کہاں کے جراثیم لیکر گھوم رہا ہو گا ۔

بیٹا سکول میں خبردار جو اپنے سٹیٹس سے کم والے کیساتھ دوستی ووستی کی تو۔۔۔

میرے پیارے وطن پاکستان میں تجھ سے بہت محبت کرتی ہوں اسی لیئے تیرے اندر پڑنے والے یہ کیڑے چن چن کر تجھ میں سے نکالتی رہتی ہوں ۔ یہ خطرناک اور زہریلے کیڑے مجھے کئی بار کاٹ بھی لیتے ہیں لیکن میں بھی بڑی ڈھیٹ ہوں ۔ لمحے بھر کو رکتی ہوں سسسکتی ہوں اور پھر اسی کام میں لگ جاتی ہوں ۔ کیونکہ میں تالیاں پیٹ پیٹ کر دوسروں کے رویوں پر عش عش کرنے کی بجائے یہ سب اسلامی اور انسانی حقوق 22 کروڑ پاکستانی عوام کو بلا تفریق و تخصیص انہیں دلوانا چاہتی ہوں ۔ لیکن اس میں رکاوٹ کیا پے ؟ کون ہے؟ تو افسوس اس میں رکاوٹ کوئی دشمن قوت نہیں ہے ۔کوئی بیرونی ہاتھ نہیں ہے ۔ بلکہ اس میں ہاتھ ہے ہماری اس گھٹیا سوچ کا، اس بازاری زبان کا اور گندے ذہن کا جو ہمیں قوموں کی فہرست میں نچلے ترین درجات پر فائز کر دیتے ہیں ۔ ہم 22 کروڑ لوگوں کا ریوڑ جب انسان بن کر سوچنے لگے گا تب ہم اوپر کے درجات میں قدم رکھ پائیں گے۔

اوپر کے درجات میں کوئی خلائی مخلوقات کے ممالک اور معاشرے نہیں ہیں یہ بھی ہم جیسے عام سے دو ہاتھ دو پاؤں دو آنکھیں دو کان ایک ناک اور ایک منہ رکھنے والے ہی انسان نامی مخلوق ہیں۔  یہ بھی یہی گندم یہی سبزی یہی اناج کھاتے ہیں ۔ تو فرق کیا ہے ۔ فرق ہے انکی سوچ کا ۔ان کے مقاصد کا ۔ انکے ذہنوں کے معیار کا ۔  جو ایک انسان کی طرح کام کرتے ہیں ۔ جنکا ایمان ہے کہ ہر سہولت سب کے لیئے ۔ ہر  موقع ہر ایک کے لیئے ۔ شرط ہے صرف اور صرف قابلیت میرٹ۔

بالکل اسی طرح جس طرح ہمارا رب فرماتا ہے کہ تم میں سے کسی کالے کو گورے پر اور کسی گورے کو کالے پر کوئی فوقیت حاصل نہیں ہے ۔ تم میں سے کوئی افضل ہے تو صرف اپنے توکل کی وجہ سے ۔ اور یہ توکل کیا ہے ؟ توکل ہے خدا سے ڈر کر اور محتاط روپوں کیساتھ زندگی گزارنا۔ جس میں نہ کسی کا حق مارا جائے اور نہ ہی کسی کو خود سے کمتر سمجھا جائے۔ جبکہ اس حساب سے تو ہم ایمان کی سیڑھی سے بھی نیچے اتر گئے۔ کیونکہ ہم نے کسی کو کمتر نہ جانا تو ہمارے حلق سے نوالہ کیسے نیچے اترے گا۔

 اور اس حساب سے  ہم تو ابھی انسان بننے کی شرائط پر ہی پورا نہیں اترتے ۔  بھلا ریوڑ کو ایسی باتوں سے کیا لینا دینا۔ لیکن اگر اسے انسانوں کی کامیابیاں دیکھنے کا شوق ہے تو اسے بھی انسان بننا پڑیگا ۔ 

اب یہ اس 22 کروڑ  افراد پر مشتمل ریوڑ کے ہر فرد پر منحصر ہے کہ وہ خود صرف اپنی سوچ کب بدلے گا۔ جب یہ بدلے کا تب پاکستان بدلے گا ۔ جب  اس کی سوچ پر سے منافقت کا جال یہ خود توڑے گا تو پاکستان آذاد ہو جائے گا ۔ 

پاکستان زندہ باد

                           ●●●

 

* ● ہتھیار اٹھایا میں نے/ اردو شاعری۔ عورت ۔ اور وہ چلا گیا

اٹھایا میں نے

کلام:

(ممتازملک ۔پیرس)

چوڑیاں چھوڑ کے ہتھیار اٹھایا میں نے

 نہ سمجھ تو اسے بیکار اٹھایا میں نے

بندشیں جتنی لگائی تھیں کڑے پہرے تھے

حشر تو پھر بھی ہے سرکار اٹھایا میں نے

اب ہے  امید بہت دور تلک جائیگا

جو قدم لگتا تھا دشوار اٹھایا میں نے 

مجھ سے خاموش کو حیرت سے تکا ہے اس نے

جب کوئی موضوع تکرار اٹھایا میں نے 

اس میں شامل ہے لہو میرا تو ایسے نہ جتا 

جیسے بازار سے شاہکار اٹھایا میں نے 

یہ میرا حق ہے اسے اپنی نہ توہین سمجھ

تیرے رشتے سے جو انکار اٹھایا میں نے

اس نے منہ ڈھانپ کے جانے کو غنیمت جانا

حشر ایسا سر بازار اٹھایا میں نے 

کیا ہوا رات شبستانوں میں معلوم ہوا

آج جب صبح کا اخبار اٹھایا میں نے

اتنے سلگے ہوئے ارمان ہیں چاروں جانب 

آرزووں کا اک انبار اٹھایا میں نے

مجھ پہ ممتاز ہوا ظلم وہ خاموش رہا

واسطے جس کے تھا سنسار اٹھایا میں نے

    ●●●

● موذن اور لکھاری/ چھوٹی چھوٹی باتیں

موذن کا کام ہے اذان دینا ، نماز پڑھانے کے لیئے لوگوں کو گھروں سے جبرا لیکر آنا نہیں ۔ اسی طرح لکھنے والے کا کام ہے نیک و بد کی رہنمائی کرنا ، جبرا کسی کو سمجھنے پر مجبور کرنا نہیں ۔

     (چھوٹی چھوٹی باتیں)

            (ممتازملک.پیرس)

■ ● میرا جی نہیں کردا/ پنجابی کلام ۔ او جھلیا

جی نہیں کردا

کلام: (ممتازملک ۔پیرس)

اپنے دیس نوں جان تے میرا جی نہیں کردا

اوناں نوں ہن دان تے میرا جی نہیں کردا 

میرے ہمجولی تے سارے  شہر ہی چھڈ گئے

باج انہاں دے رکھ وی پینگاں والے وڈ گئے

ہن اوتھے پہچاندا مینوں کوئی وی نہیں

جائیے کیڑے مان تے میرا جی نہیں کردا

اپنے دیس نوں جان تے میرا جی نہیں کردا ۔۔۔۔۔

اوچے اوچے گھر نیں گلیاں لک گئیاں نیں 

کھلے ویڑے سکڑے ندیاں سک گیئاں نیں

رب جانے کہ کون گوانڈی کس دا ہوئے

ہن بوہے کھڑکان تے میرا جی نہیں کردا 

اپنے دیس نوں جان تے میرا جی نہیں کردا ۔۔۔۔

جھڑکیاں دیکے فیر وی سینے لا لیندے سی

ماپیاں دی ماراں کولوں وی بچا لیندے سی

پیڑھی اتے بیٹھے استانی جی ٹڑ گئے

ہن تے سبق سنان نوں میرا جی کردا

اپنے دیس نوں جان تے میرا جی نہیں کردا ۔۔۔۔۔

تیرا سی اعتبار دا رشتہ میرے نال

توڑ دتا اعتبار تو وکھری کر لئی تال

بے بھروسہ جند اے  لنگی جاندی نہیں تے

ہن تیرا اکھوان تے میرا جی نہیں کردا 

اپنے دیس نوں جان تے میرا جی نہیں ۔۔۔۔۔

۔۔۔۔۔

جھوٹ فریب تے مکر اثاثہ بن گیا اوتھے

جیڑا لبھے لٹو  خلاصہ بن گیا اوتھے

نکے وڈے دی تفریق نہ لحاظ اکھاں وچ

ڈنگراں نوں سمجھان تے میرا جی نہیں کردا 

اپنے دیس نوں جان تے میرا جی نہیں ۔۔۔۔۔۔

۔۔۔۔۔۔۔

ویکھ کے کوئی کہندا سی جد ماشاءاللہ 

لمبی ہوئے حیاتی خیری ان شاء اللہ 

حاسد دسدے ہر پاسے ممتاز کی کریئے

چنگے کپڑے پان تے میرا جی نہیں کردا 

اپنے دیس نوں جان تے میرا جی نہیں کردا ۔۔۔۔۔

               ●●●

✔ خون اور دودھ ضرور بولتا ہے/ کالم۔ لوح غیر محفوظ

دودہ اور خون ضرور بولتا ہے

تحریر: (ممتازملک ۔پیرس)

ہم فرانس میں رہتے ہیں جو دنیا کے سب سے جدید اور ترقی یافتہ ممالک میں سے ایک ہے۔ لیکن ہماری پاکستانی کمیونٹی کی اکثریت  یہاں تک آ کر بھی نہ اپنے دماغ کا گند دھو پائے ہیں اور نہ ہی اس ملک کے لوگوں سے کوئی اچھی بات سیکھنا چاہتے ہیں ۔ خصوصا خواتین کے حوالے سے یہاں کی چھوٹی اور گھٹیا ذہنیت نہ بدلنے کی تو گویا اکثر لوگوں نے قسم کھا رکھی ہے ۔ یہ  ان لوگوں کے بارے قران پاک کی قسمیں اٹھا کر گواہیاں دیتے پائے جاتے ہیں جن سے نہ یہ کبھی زندگی بھر ملے ہیں اور نہ ہی کبھی کسی حوالے سے ان کے روبرو آئے ہیں ۔ لیکن پھر بھی بقول انکے یہاں پر کام کرنے والی عورت بدکردار ہے اور ہر لکھاری عورت دو نمبر ہے۔ جس عورت کا فیس بک پر اکاونٹ ہے وہ بازاری عورت ہے ۔ جو سامنے کھڑی ہو کر جرات سے بات کرتی ہے وہ تو پیدائشی بے غیرت ہے ۔۔۔ یہ فتوے لگانے والے وہ مرد ہوتے ہیں جن کے گھروں کی نانیوں دادیوں اور ماوں  نے گھرں میں پردوں میں بیٹھے ہوئے گونگے بنے رہنے کے باوجود بھائیوں کے آپس میں سر پھڑوائے ۔ گریبان چاک کروائے۔ ایکدوسرے کی بیٹیوں کو طلاقیں دلوائیں ۔ جیتے جی دوسروں کی زندگیاں موت سے بھی بدتر کر دیں لیکن پھر بھی وہ شرفاء اور معززین کی فہرست میں شامل رہیں کیونکہ وہ یہ سب کرتی تھیں لیکن گھر کے اندر پردہ دار اور گونگی بیبیاں بن کر کیا کرتی تھیں ۔ انہیں کے سپوت آج یورپ اور امریکہ میں بیٹھ کر یہی فریضہ دوسری خواتین پر تہمتیں اور فتوے لگا کر سرانجام دے رہے ہیں ۔ کیونکہ یہ سوچیں ماوں کے خون اور دودہ سے سفر کرتی ہوئی آپ کے دماغ تک پہنچتی ہیں ۔ سچ کہتے ہہں ایک اچھی ماں اور ایک بری ماں کی پہچان اس کے بیٹے کی کسی بھی عورت کے لیئے کی گئی گفتگو اور الفاظ کے چناو  سے چھلکتی ہے ۔ وہ بولتا ہے تو گویا اپنی ماں کے کردار اور گفتار کی پرتیں کھولتا ہے ۔ کسی بھی عورت پر گند اڑانے والا گندے تبصرے کرنے والے مرد کی اکثر اپنی جوانی اسی ملک میں رنگ رنگ کا پانی پی کر گزری ہوتی ہے جس کے لیئے ہر عورت ویسی ہی ہے جیسا وہ خود ہے ۔ اسی لیئےجب وہ کسی میدان عمل میں کام کرنے والی خاتون یا اپنا نام اور مقام بناتی ہوئی خاتون کو دیکھتا ہے تو فورا اپنی اصلیت دکھانے پر اتاولا ہو جاتا ہے ۔ پھر اس کا ساتھ دینے کے لیئے وہ نکمی اور بیکار عورتیں بھی اس کے ساتھ "راون کے سروں "کی طرح اس کے بیانیئے کو پھیلانے میں شیطانی کردار ادا کرنے کے لیئے پھیل جاتی ہیں ۔ یہاں وہ اپنے احساس کمتری کے تحت اپنی قبریں بھلا کر کام کرنے والی لکھنے لکھانے والی خواتین کی کردار کشی میں پیش پیش ہوتی ہیں ۔ اپنے گھروں میں ان شیطان خواتین کے ٹولے کبھی ون ڈش پارٹی کے نام سے اکٹھی ہوتی ہیں تو کبھی میلاد پاک کے نام پر باریاں رکھ کر یہ مشن سرانجام دینا ہوتا ہے ۔ یہاں اکھٹے ہو کر ایک ہی  میز پر کھانا کھانے کے بعد وہ اسی گھر سے نکلتے وقت غیبتیں اور الزام تراشی کرنا اور تو اور اکثر میزبان خاتون کی کردار کشی کرنا بھی کبھی نہیں بھولتیں ۔ پھر گھر پہنچ کر ہاتھوں میں تسبیحیں پکڑے فون پر ایک دوسرے کی ذات پر اور کل کے پروگرام میں ملنے والیوں پر خوب مرچ مصالحے لگا کر خبریں گھڑی جائینگی ۔ اس کی بیٹی اس کے ساتھ بھگائی جائے گی ۔ اس کا بیٹا اس غیر مسلم کیساتھ رہتا ہے سنایا جائے گا ۔ اور پھر استغفار کی تسبیح پڑھنے اور دعاوں میں یاد رکھنے کی درخواست اور پھر " نماز کا وقت ہو گیاہے" کہہ کر فون رکھا جائیگا ۔  لیکن کہتے ہیں نا کہ جھوٹ کے پاوں نہیں ہوتے اس طرح اللہ پاک نے عزت و ذلت کو اپنے ہاتھ میں رکھا اور ان کی تسبیحیں، نمازیں، سجدے اور تلاوت قران کو ان کے منہ پر مارنے کا اعلان بھی کر دیا ۔ کیونکہ واقعی جو ہم نہیں جانتے وہ ہمارا رب جانتا ہے ۔ 

ایسے تمام خواتین و حضرات بیچارے ہوتے ہیں۔ کیسے؟ وہ ایسے کہ نیکیاں تو وہ اپنی ان الزام تراشی و بہتان تراشی میں ویسے ہی اس کے نام کر چکے ہوتے ہیں دوسرا اپنا پردہ بھی اپنی ہی زبان سے کھول چکے ہوتے ہیں کیونکہ جو کچھ انہوں نے اپنے گھروں میں دیکھا سنا وہ ہی انکی  زبان سے دوسری خواتین کے نام سے نکل گیا ۔ ابکی نشانی یہ  ہوتی ہے کہ نہ یہ سکون سے سو سکتے ہیں ۔ نہ یہ اپنی اولادوں کی جانب سے سکون پاتے ہیں ۔ نہ ہی انکے چہروں پر نور ہوتا ہے نہ ہی ان کے دلوں میں سکون ہوتا ہے۔ نہ انکے گھر میں برکت ہوتی ہے اور نہ ہی انکے رشتوں میں محبت اور عزت ہوتی ہے۔ 

 سو دنیا و آخرت دونوں جہانوں کی ذلتوں کا طوق اپنے گلے میں اپنے ہی ہاتھوں لٹکانے والوں کو بیچارہ نہیں کہیں گے تو کیا کہیں گے ؟ جن کے سامنے آپکی لمبی زبانیں کھلتی ہیں وہ چاہے کسی بھی وجہ سے اس وقت یہ باتیں سن تو لینگے لیکن آپ کے بارے میں جو تبصرہ آپ کی پیٹھ پیچھے ہو گا وہ تو آپ نے کبھی سوچا بھی نہیں ہو گا ۔  سو خلاصہ یہ ہوا کہ جو آپ نہیں کر سکتے اس پر حسد کرنے کی بجائے اس پر دوسروں کی حوصلہ افزائی کرنا سیکھیں ۔ ان کا حوصلہ بڑھائیں ہو سکتا ہے کہ آپ کے لہو میں اور سوچوں میں دوڑتی ہوئی اس گندگی کی کچھ صفائی ہو سکے اور آپ کی پرورش کرنے والیوں کی قبروں کا عذاب کچھ کم ہو سکے ۔ آمین

                  ●●●

ہم سب کا پاکستان بیٹھک/ رپورٹ

 

      "ہم سب کا پاکستان "بیٹھک

          رپورٹ: (ممتازملک ۔پیرس)

پیرس لاکورنیوو میں 25جنوری 2022ء بروز منگل رات 8 بجے ادارہ منہاج القران کے نوجوان  صدر بابر حسین اور پی ٹی آئی فرانس کے صدر ملک عابد صاحب نے ایک اہم کام کا بیڑا اٹھایا ۔  اور" ہم سب کا پاکستان" کے عنوان سے پیرس میں موجود مختلف نوعیت  کی  تنظیمات کی ایک اہم بیٹھک بلائی ۔ جس میں 32 تنظیمات کے صدور و نمائندگان نے شرکت کی ۔

 یہ اپنی نوعیت کی پہلی بیٹھک تھی جس میں بلاتخصیص خواتین و حضرات اور پسند ناپسند کے سبھی متحرک نمائندگان کو منہاج القران کے میڈیا سیل نے مخلصانہ انداز میں دعوت دی ۔  ان میں ادبی ، مذہبی، سیاسی، تفریحی ، کشمیری، کھیلوں کی، غرض کہ متنوع قسم کی تنظیمات کی نمائندگی نے ہمیں خوشگوار  حیرت میں ڈال دیا کہ پیرس میں اتنی ساری تنظیمات کہاں کہاں کیا کیا کام کر رہی ہیں ۔ یہ ہم سب کا ایکدوسرے سے پہلا باقاعدہ تعارف تھا ۔ دونوں کزن جماعتوں کے صدور بابر حسین اور ملک عابد نے مہمانوں کو ایک۔جھنڈے تلے متحد ہونے اور ہم سب کا پاکستان کے نعرے کیساتھ پاکستان کی نیک نامی اور کامیابی کے سفر کی دعوت دی جس میں کوئی جھنڈا اور کوئی  ذاتی نمود ونمائش آڑے نہ آنے پائے۔ اور خلوص دل کیساتھ دیار غیر میں اپنے اہم دنوں اور اہم مواقعوں کو ایکساتھ منا کر دنیا کو اپنی یکجہتی کا پیغام دیا جائے۔ سبھی تنظیمات کے صدور نے اس حوالے سے اپنے خیالات کا اظہار کہا اور وہ تنظیمات اور اہم دوست جو اس بیٹھک میں نہیں پہنچ سکے یا جن کو دعوت نہیں پہنچ پائی، انہیں بھی ان کے تحفظات دور کر کے آئندہ اس پلیٹ فارم پر لانے کا عزم ظاہر کیا گیا۔

اس بات کا اعلان بھی کیا گیا کہ ادارہ ہر طرح کی خدمات اور تنظیمات کے پروگراموں کے لیئے اپنی مدد کی یقین دہانی کراتا ہے ۔ ہم کسی بھی قسم کی مالی مدد اور چندوں کا مطالبہ بالکل نہیں کرہنگے۔  ہم سب کا پاکستان کے تحت صرف اور صرف پاکستانی بن کر اپنی سماجی خدمات سرانجام دینگے ۔   خواتین میں روحی بانو صدر پیپلز پارٹی ۔ ممتازملک صدر راہ ادب۔ شازملک صدر فرانس پاک رائیٹرز فورم ۔ نیناں خان نمائندہ کومل میک اپ  نے کمیونٹی کے نوجوانوں اور حضرات سے درخواست کی کہ اپنے رویئے کو اور سوچوں کو مثبت دائرے میں لائیے تاکہ ہماری خواتین جو قومی اور ادبی پروگرامز میں آنے سے جھجھکتی ہیں اور ہم اپنے گھروں میں اپنے آدھے وجود کو  عضو معطل کیطرح چھوڑ کر خود اپنی طاقت کو نصف کر لیتے ہیں اس کا سد باب کیا جا سکے ۔ اور ہر پلیٹ فارم سے خواتین کی عزت کا سبق بھی دیا جائے اور ان کی تربیت بھی کی جائے تاکہ ہماری محنتی اور باصلاحیت بیٹیاں اور خواتین اپنی کمیونٹی اور ملکوں فرانس اور پاکستان کے لیئے بلاجھجھک کھل کر اپنے خدمات سرانجام دے سکیں ۔ 

پروگرام بہت اہم نوعیت کا تھا ۔ عزائم بھی بہت بلند تھے۔ اللہ پاک سے دعا ہے کہ وہ ہم سب کو ان عزائم کی تکمیل میں اپنی مدد سے نوازے آمین

پروگرام کے اختتام پر علامہ حسن میر قادری صاحب نے سب کی شرکت پر دلی شکریہ ادا کیا اور دعائے خیر و برکت کی۔   مہمانوں کو ایک پرتلف عشائیہ دیا گیا ۔ 

                   ●●●

 

پہلا پنجابی مشاعرہ ۔ فرانس پاک رائیٹرز فورم/ رپورٹ

 فرانس پاک رائیٹرز فورم کا 

            

           پہلا پنجابی مشاعرہ 

         رپورٹ:( ممتازملک ۔پیرس)

  23 جنوری 2022ء بروز اتوار پیرس کے ایک مضافاتی ریسٹورنٹ میں میں معروف شاعرہ اور ناول نگار محترمہ شاز ملک صاحبہ نے اپنی ادبی  تنظیم "فرانس پاک رائٹرز فورم" کے تحت اپنے پہلے پنجابی مشاعرے کا انعقاد  کیا۔ خواتین کے لئے  پنجابی لک کا تھیم دیا گیا گیا جس نے اس پروگرام  میں رنگ بکھیر دیے ۔

نظامت کے فرائض شازملک اور طاہرہ سحر نے بخوبی سرانجام دیئے۔ مہمانان خصوصی میں شامل تھے عظمت نصیب گل، شاکر اکمل، منیر ملک ، ممتازملک اور سکھ ویر سنگھ۔۔  پروگرام کا آغاز قاری معظم کی خوبصورت تلاوت کلام پاک اور نعت رسول مقبول صلی اللہ علیہ وسلم سے ہوا ۔ جہاں پروگرام میں پیرس کے معروف شعراء کرام نے اپنی شاعری سے شرکاء کو محظوظ کیا  وہیں چھوٹے چھوٹے چٹکلوں نے محفل کو زعفران زار بنائے رکھا ۔ اس موقع پر  تنظیم "فرانس پاک رائیٹرز فورم " کے سرپرست اعلی جناب ملک سعید صاحب بھی شریک رہے ۔ جنہوں نے تمام شعراء کی بھرپور حوصلہ افزائی کی اور انہیں آئندہ بھی ایسے پروگراموں کے انعقاد کی ترغیب دی ۔ اور اس سلسلے میں سبھی ادبی تنظیمات کو اپنے بھرپور تعاون کا یقین دلایا۔ پنجابی کلام سنانے والے شعراء میں معروف  نام یہ تھے ۔۔۔۔ عاشق حسین رندھاوی، آصف جاوید آصی، وقار ہاشمی، نبیلہ  آرزو ، عظمت نصیب گل، راجہ زعفران ، وقار بیگ، گلو کار و شاعر سکھ ویر سنگھ (نمائندہ پی ٹی سی پنجابی ٹی وی )، ممتازملک، شمیم خان صاحبہ  اور خود شاز ملک صاحبہ نے اپنے کلام سنا کر بھرپور داد سمیٹی۔ پروگرام  کی صدارت معروف شاعر جناب عاکف غنی صاحب  نے کی۔ ان کے کلام  کو بھی سب  نے بے حد سراہا اس کے علاوہ  پروگرام میں شریک معروف شاعرہ شمیم خان صاحبہ، شہلا رضوی ، نینا خان، ابوبکر گوندل، ملک منیر  اور سرپرست اعلی جناب ملک سعید صاحب  نے اپنے خیالات کا اظہار کیا اور تمام شعراء کو دل کھول کر داد دی ۔

پروگرام کی خاص بات معروف ناول نگار سرفراز بیگ  کی  پندرہ سالہ صاحبزادی پرنیا کا تعارف تھا جو انگلش اور فرانسیسی زبانوں میں شاعری کرتی ہیں اپنا ایک میوزک بینڈ بنا کر بہت حساس اور نوجوانوں سے متعلق  موضوعات پر شاعری اور گیت بنانے کی تیاری میں ہیں ۔ سب نے اس بچی کو نیک خواہشات اور دعاوں سے خوش آمدید کہا ۔  

 پروگرام کے اختتام پر ملک سعید صاحب اور انکی بیگم شاز ملک صاحبہ نے تمام  مہمانان گرامی اور شعرائے کرام کا شکریہ ادا کیا۔ میڈیا میں سے شاہزیب ، سلطان محمود، وقار ہاشمی کا شکریہ ادا کیا  اور

پرتکلف عشائیے سے مہمانوں کی تواضح کی ۔ 

                   ●●●