تو کیا ہوا۔ اردو شاعری

برسوں کے بعد ہاتھ ملایا تو کیا ہوا

اس نے پیام دل کا سنایا تو کیا ہوا 

ہر ایک کو بچاؤ کا اپنے ملا ہے حق

دامن سلیقے سے جو بچایا تو کیا ہوا 

اوڑھے ہوئے تھا کتنے دنوں سے اداسیاں

ہلکے سے گیت آج جو گایا تو کیا ہوا

لازم نہیں کہ شاخ پہ مہکا گلاب ہو

ٹوٹی کلی  کو دل سے لگایا تو کیا ہوا

آسان ہیں جدائیاں لوگوں میں ڈالنا

بچھڑے ہوئے کو گر ہے ملایا تو کیا ہوا 

اس عمر میں دیوانگی کی بات کیا نئی

سودا کوئی ہے سر میں سمایا تو کیا ہوا

ہر بات کا سمجھنا ضروری نہیں جناب

اس کی سمجھ میں کچھ نہیں آیا تو کیا ہوا 

خلق خدا تو ساری ہی اپنوں سے ہے  دکھی 

تم نے بھی چین ان سے نہ پایا تو کیا ہوا 

میرا بھی حق ہے خوشیوں پہ ممتاز ہونے کا 

میں نے بھی زندگی کو سجایا تو کیا ہوا

   ۔۔۔۔۔۔۔۔

تنہا رہ گئے وہ ۔ اردو شاعری ۔

قدر نہیں کرتے جو انکو چھوڑنا بہتر

باتیں ساری سنت سیانے کہہ گئے وہ

اپنے آپ کو سمجھا جس نے بازیگر

آج بھرے مجمعے میں تنہا رہ گئے وہ

دشمن نے دشوار کیا پر رب نے آساں

مشکل تھے حالات مگر سب سہہ گئے وہ

کل تک سایہ دیتے تھے وہ کاٹ کے لوگو

لاشوں جیسے مٹی کے سنگ بہہ گئے وہ

جب طوفان تھما تو عقل تھی رسواحیراں

کیوں نہ پہلے بات کی زیر تہہ گئے وہ 

حاسد کو ممتاز میرا ہونا نہ بھایا 

بدبختوں کے ہاتھوں کھیلے شہہ گئے وہ

بکرا اور قصاب ۔ ہاتھ نہ آئے ۔ اردو شاعری ۔

بکرا اور قصاب

اک معصوم سا بکرا ہے کوئی شیر نہیں ہے 

آپ تو ایسے ڈر کر بھاگے ہاتھ نہ آئے 

کچھ تو سوہنے کی لاتوں محظوظ ہوئے

کچھ تو  کھا کر ٹکر بھاگے ہاتھ نہ آئے

کیا ہیں قصابی ششکے اس دن وی وی آئی پی 

انکو لاؤ  چاہے لڑ کر ہاتھ نہ آئے

اماں باوا بھول چکے  بچے نہیں یاد اب

ایک ہی ورد اس روز برابر ہاتھ نہ آئے

قیمت سن کر چپ سی لگ گئی گونگے ہو گئے

بول رہے تھے فرفر بھاگے ہاتھ نہ آئے

ایک مبارک بھی نہ انکی منہ سے نکلی

کچھ تو حسد سے مر کر بھاگے ہاتھ نہ آئے 

آدھا بکرا بنوا کر دوجے کو لپکے

 چوٹی کوئی سر کر بھاگے ہاتھ نہ آئے 

نقلی بکرے کی شہرت اسپیکر پر

بھاگ گیا کا قصہ لیکر در در بھاگے ہاتھ نہ آئے

 

اتنے دن ممتاز نے رکھی گھاس بچا کر 

آپ کے بکرے  چر کر بھاگے ہاتھ نہ ائے

              ۔۔۔۔۔۔۔۔۔