لب سلے ہیں/ اردو شاعری ۔ مدت ہوئی عورت ہوئے ۔ اضافی کلام ۔ اشاعت 2025ء

جہاں پر آگیا قسمت کا لکھا 

وہیں آ کر ہمیشہ لب سلے ہیں 

کسی کو ہار بھی دلدار ٹہری

کسی کی جیت بھی آزار ٹہری

یہ ہی تو پردہ غیبی ہے لوگو

مقدر کے یہ سارے سلسلے ہیں

مجھے جینے کا حق دینے کو آئے

میری توقیر بڑھانے کو آئے

ہمارے بیچ میں صدیاں ہیں حائل

مگر پھر بھی ہمارے دل ملے ہیں

 یہ اتنا رو چکی ہیں اب نہ پوچھو 

کہ بنجر ہو چکی ہیں اب نہ پوچھو

تمناوں کا کیا ممتاز کہنا

تمناؤں کے تو دفتر کھلے ہیں 

●●●

نام لیا ہے میں نے ۔ اردو شاعری ۔ مدت ہوئی عورت ہوئے ۔ اضافی کلام ۔ اشاعت 2025ء

 

زندگی جب بھی تیرا نام لیا ہے میں نے 

 کتنی خاموشی سے دل تھام  لیا ہے میں نے

حد سے زیادہ تجھے کرتے جو تواضع دیکھا

اپنی اشکوں سے بھرا جام لیا ہے میں نے

جس بلندی میں گراوٹ ہو نہیں ہے منظور

فیصلہ آج  سر بام لیا ہے میں نے 

اس کا چرچا یہاں محفل میں ہوا ہے کیونکر

وہ جو تنہائی میں پیغام لیا ہے میں نے

تجھکو احساس گناہ ہو گا کسی دن اسکا

بیوفائی کا جو الزام لیا ہے میں نے 

تم تو الفاظ سے ممتاز ہوئے ہو لیکن

اپنی آنکھوں سے یہی کام لیا ہے میں نے 

         ۔۔۔۔۔۔۔۔۔

نہ مار مجھے ۔ اردو شاعری ۔ مدت ہوئی عورت ہوئے ۔ اضافی کلام ۔ اشاعت 2025ء

(بیٹی کا باپ سے سوال)

کلام (ممتازملک)

پیرس، فرانس 

ملے گی نقد تو پھر بات مجھ سے تم کرنا

حیات اب کے نہیں چاہیئے ادھار مجھے

لہو کی کوئی کشش ہے نہ سوچ کی قربت

ہر ایک رشتہ ملا جیسے مستعار مجھے

بہت ہوا ہے یہ قربانیوں کا دھندا بس 

کرو نہ بیٹوں کی کرتوتوں پر نثار مجھے

انہیں بھی وقت کی دلدل میں ڈوبتے دیکھا 

جنہوں نے چاہا کیا خوب دل فگار مجھے 

میں بھی ہوں نسل سے تیری لہو بھی تیرا ہوں

جنم دیا ہے تو پھر ایڑیاں نہ مار مجھے 

تو میری یاد میں زندہ رہے کسی پل تو

کبھی تو پیار سے لے نام اور پکار مجھے

انوکھا سا یہ تعصب رہا میرے گھر میں

گلوں کو بانٹ کے حصے میں آئے خار مجھے

تیرا جنازہ سجانے کو اشک دے ممتاز

تو کیوں سمجھتا رہا وجہء انتشار مجھے

۔۔۔۔۔۔۔۔۔۔

بدگمانی میں ۔ اردو شاعری ۔ مدت ہوئی عورت ہوئے۔ اضافی کلام۔ اشاعت 2025ء

بات کیسے ہو بدگمانی میں 

جھوٹ پلتا ہے لن ترانی میں

آج تنہا اداس بیٹھے ہو

کتنے کردار تھے کہانی میں 

تم جسے سوچ بھی نہیں سکتے

ہم نے بھگتا ہے زندگانی میں 

بات اندر  کہیں  چھپی تو تھی

منہ سے نکلی ہے جو روانی میں 

پوچھتے کیا ہو ہم پہ کیا گزری

ہائے کیا کیا ہوا جوانی میں 

اسکو ہمدرد جان کر ہم نے

چوٹ کھائی ہے خوش بیانی میں 

صرف ہمکو دکھائی دیتی ہے

اک غرض اسکی مہربانی میں

دل کی تاریکیاں تو چھٹ جائیں 

راہ دیکھیں گے ضوفشانی میں 

جتنی ممتاز ہو نہیں چلتی

عقل انساں کی  ناگہانی ہیں

۔۔۔۔۔۔۔

 

بیوفا آدمی۔ اردو شاعری۔ مدت ہوئی عورت ہوئے۔ اضافی کلام۔ اشاعت 2025ء

بے وفا آدمی بے وفا ادمی 

تو کیا کرتا  کسی سے وفا آدمی 

جان رشتوں سے اپنی چھڑانی اسے

اپنے قد  سے بڑا ہو گیا آدمی

  

چار پیسے اور دو اختیار آ گئے

باہر اوقات سے یہ گیا آدمی

سارے تختے پلٹ دیتا سوہنا میرا

خود کو جب وہ سمجھ لے خدا آدمی

عاجزی گر تجھے مل گئی جان لے

خاص رب کی ہے تجھ پر عطا آدمی

تیرے دھوکے بہانے نہیں کام کے

رب کا محبوب ہے بس کھرا آدمی 

تجربے زندگی میں بتاتے ہیں روز

ہوتا ہے آدمی سے جدا آدمی

اس نے ممتاز ہونا بھلا کس طرح اپنی چادر میں جو نہ رہا آدمی 

۔۔۔۔۔۔۔

پنجابی ترجمہ 

بیوفا آدمی بیوفا آدمی 

تو کی کرنی کسے نل وفا آدمی 

رشتیاں توں خلاصی اینوں چاہیدی

اپنے قد توں وڈا ہو گیا آدمی

جدا آدمی 

چار پیسے تے دو اختیار آ گئے

اپڑیں اوقاتوں باہر گیا آدمی

سارے تختے پلٹ دیندا سوہنا میرا

خود نوں سمجھن لگے جد خدا آدمی

عاجزی جے تینوں مل گئی جان لے

خاص رب دی تیرے تے عطا آدمی

تیرے ولّ تے ولیٹے کسے کم دے نہیں

رب دا محبوب ہے بس کھرا آدمی

تجربے روز دسدے حیاتی دے وچ

ہوندا اے آدمی توں جدا آدمی

اونے ممتاز ہونا بھلا کس طرح

اپنی چادر دے وچ نہ ریا آدمی 

۔۔۔۔۔۔۔۔

اضطراب نہ ہو۔ اردو شاعری۔ مدت ہوئی عورت ہوئے ۔ اضافی کلام ۔ اشاعت 2025ء

زندگی میں جو اضطراب نہ ہو 

کون جیتا ہے گر جو خواب نہ ہو

میں بھٹک جاؤں یہ ہے ناممکن

 ذہن میرا اگر خراب نہ ہو 

نفس پر کچھ تو اختیار ملا

ورنہ کچھ حاصل ثواب نہ ہو 

دل گناہوں سے باز آئے اگر

ایک مدت سے یہ عذاب نہ ہو

بیچ مجبوریاں نہ گر ہوتیں

تو میرا حسن  انتخاب نہ ہو

ہم کو گھیرا ہے ان سوالوں نے

جن سوالوں کا کچھ جواب نہ ہو

کچھ کتابیں ہوں اس قدر ممتاز 

جس میں گستاخیوں کا باب نہ ہو

                 ۔۔۔۔۔۔ 

انتساب / مدت ہوئی عورت ہوئے۔ اشاعت 2025ء

ماہ رمضان رب ۔ اردو شاعری ۔ مدت ہوئی عورت ہوئے ۔ اضافی کلام ۔ اشاعت 2025ء

            ماہ رمضان رب 

                 (کلام:ممتازملک.پیرس)

سال بھر کی کثافت کو دھو لوں زرا 

ماہ رمضان رب نے مجھے دیدیا 

صبر کا شکر کا کیا ہے یہ سلسلہ 

دوسروں کے مسائل سمجھ لے ذرا

 کیسے ٹوٹے ہوئے دل سے تو دل ملا 

یہ سبھی جان کر جی ملے گا مزا

ماہ رمضان رب نے مجھے دیدیا 

اشک شوئی تیرا منصب عین ہے

دردمندی میں ہی تو چھپا چین ہے

دور تک کی خبر تو  بہت ہے مجھے

اپنے نزدیک کی لوں خبر سر جھکا 

ماہ رمضان رب نے مجھے دیدیا 

میرا ہر سال حج تو ضروری نہیں 

میرا ہر سال عمرہ شعوری نہیں 

بھوک سے درد سے جو کوئی مر گیا 

رب کے بندوں کو تیری طلب ہے سوا

ماہ رمضان رب نے مجھے دیدیا 

 اس برس مجھ سے اللہ  لے کام وہ

فرش پر ہی نہیں عرش پر  نام ہو

اپنے آقا کے چہرے پہ دیکھوں خوشی

 اور حاصل ہو ممتاز رب کی رضا

     ماہ رمضان رب نے مجھے دیدیا

      ۔۔۔۔۔۔۔۔