نہ رویا کیجیئے/ اردو شاعری۔ بار دگر

اشک گرتے ہیں میرے دل پہ نہ رویا کیجیئے

کتنی راتوں سے جگے چین سے سویا کیجیئے

 بیوفاوں کے دیئے داغ سلامت رکھیئے 

اور دھوکوں سے بچائینگے نہ دھویا کیجیئے 

اسکی خواہش نہ طلب ہے کہیں بازاروں میں 

جس سے خوشحال ہو گھر 

 فصل وہ بویا کیجیئے

 وار چھپ چھپ کے کریں سامنے آتے ہی نہ تھے

لے ہی آئے سربازار تو گویا کیجیئے

پہلے ناپاک سے محبوب کو پاکیزہ کریں

پھر اسے اپنی نگاہوں میں سمویا کیجیئے

دوستی حق کے لیئے ہو تو خدا کو ممتاز

دوستوں کے لیئے نہ جھوٹ پرویا کیجیئے 

      ۔۔۔۔۔۔۔۔۔۔

شناسا کون کرتا ہے ۔ اردو شاعری۔ بار دگر

شناسا کون کرتا ہے 
(کلام/ممتازملک۔پیرس)

مجھے میری حقیقت سے شناسا کون کرتا ہے 

جسے دیکھو وہ دم میری محبت کا ہی بھرتا ہے  

زمینوں آسمانوں کے قلابے تو ملاتا ہے 

جہاں میں پاؤں رکھنا چاہوں پہلے ہاتھ دھرتا ہے 

مگر ظالم بہت ہے وقت جب آنکھیں بدلتا ہے

یہ ہی پھرچھوڑکر مجھکو نئی صورت پہ مرتا ہے

پرانا کینوس گودام میں رکھ بھول جاتا ہے 

بھلا ہےکون جواسمیں نئے رنگوں کوبھرتا ہے

چلو ممتاز رہنے دو کتابی ساری باتوں کو 

اندھیرے کی محبت روشنی میں کون کرتا ہے
۔۔۔۔۔