یہ دنیا ایک درد سر مجھے پیارے محمد ہیں ۔ اردو نعت ۔ خمار مدینہ

یہ دنیا ایک درد سر مجھے پیارے محمد ہیں 

میرے ماں باپ سے بڑھ کر مجھے پیارے محمد ہیں

وہ میرے سامنے آئیں مجھے دیدار دیجائیں

خوشی بولے گی سر چڑھ کر مجھے پیارے محمد ہیں 

ہر اک غم سے مجھے راحت ملے گی اس گھڑی سمجھو

قدم میں لے لوں جب بڑھ کر مجھے پیارے محمد ہیں 

بلندی ہر طرح کی ہیچ ہے ان کے مقابل میں

بھلے سے کر لوں چوٹی سر کر مجھے پیارے محمد ہیں 

کسی بدبخت کو کیا علم کیسی خوش نصیبی ہے

کہوں کیوں دنیا سے لڑ کر مجھے پیارے محمد ہیں 

 بس انکی اس صدا کی منتظر ہو گی سماعت یہ

غلام مصطفیٰ چل گھر مجھے پیارے محمد ہیں 

بہت آنسو رلاتا ہے گناہوں کا ہر اک بوجھا

کیا ہو گا لمحہ محشر مجھے پیارے محمد ہیں 

مجھے کملی عطا کیجیئے مجھے ممتاز کر دیجیئے 

انگوٹھے چوم لوں پڑھ کر مجھے پیارے محمد ہیں 

              ۔۔۔۔۔۔۔

پر کیف ہیں ہوائیں۔ اردو نعت۔ خمار مدینہ

پر کیف ہیں ہوائیں

 اردو نعت

ایسے حسین نظارے پرکیف ہیں ہوائیں

 لاکھوں کرم سمیٹیں آقا کے شہر جائیں

 پرکیف ہیں ہوائیں پرکیف ہیں  ہوائیں

وہ ہی دکھائی دیں گے ہم جس جگہ کھڑے ہوں

 محسوس ہوں وہیں پر دل کو جہاں بٹھائیں

 پرکیف ہیں ہوائیں پرکیف ہیں ہوائیں

آنکھوں کو چین ملتا ٹھنڈک پڑے کلیجے

آنسو نہیں ہیں رکتے جب حال دل سنائیں

 پرکیف ہیں ہوائیں پرکیف ہیں ہوائیں

غم کے سمندروں سے ممتاز وہ نکالیں

ملتا سکون دل کو قدموں میں جب بٹھائیں 

پرکیف ہیں ہوائیں پرکیف ہیں ہوائیں

-----