● نعت ۔ حبیب خدا۔ اے شہہ محترم

وہ حبیب خدا

(کلام/ممتازملک۔پیرس)

ذکر جن کا بلندی پہ رب نے کیا
ہیں وہ محبوب رب وہ حبیب خدا

جن کا نعلین  اپنے لہو سے بھرا 

پھر بھی نکلی نہ دل سے کوئی بددعا

آپ کے بعد ہے کیا میرا آسرا

 ہیں وہ محبوب رب، وہ حبیب خدا

عرش والوں نے دی ہے سلامی جسے 

فرش والے  بھی چاہیں غلامی جس سے

ہمکو قدموں میں مل جائے تھوڑی  جگہ 

 ہیں وہ محبوب رب، وہ  حبیب خدا 

آپکے گھر کی خالص روایت کا ہے 

راستہ روشنی اور ہدایت کا ہے 

تاقیامت یہ قائم رہے سلسلہ

ہیں وہ  محبوب رب، وہ حبیب خدا 

۔۔۔۔۔۔۔