رابطہ ہو گا/ اردو شاعری ۔ بار دگر

کبھی دل کے دھڑکنے سے سنا تھا رابطہ ہو گا

میں سایہ ہوں تیرا مر کر ہی جو تجھ سے جدا ہو گا

اکھٹے اب رہیں ہم تم یا پھر قصدا بچھڑ جائیں 

جہاں جوڑے بنے تھے اب وہیں پر فیصلہ ہو 

بہت سے راز آنکھوں سے جھلک پڑتے ہیں بن چاہے

نگاہوں کے تصادم سے کوئی فتنہ بپا ہو گا 

ابھی تو عشق میں ہے تو میری تعریف کرتا ہے 

تیرا لہجہ میں دیکھوں گی تو مجھ سے جب خفا ہو گا

متانت اور شرافت جب تیری باتوں سے چھلکے گی

محبت میں جو دیتے ہو یہ حق اس دن ادا ہو گا 

زبانی کے جمع خرچے میں کب اخلاص کی لذت

تمہارا قد تمہاری سوچ سے  مل کر بڑا ہو گا

میں اپنے حوصلے پہ دشت سارے پار کر لونگی

مجھے ممتاز رہنے دو بھلے سے سے تن جلا ہو گا

           ●●●

کوزہ گر۔اردو شاعری۔ بار دگر

    کوزہ گر

تو نے جب چاک پہ پٹخا مجھے مٹی بنکر

اور پھر اس پہ دکھایا تھا ہنر کوزہ گر 

 مجھکو لگتا ہے اس وجود کے ہر ذرے پر 

 تیرے ہاتھوں کے ہنر کا تھا اثر کوزہ گر

 کتنی شکلوں میں مجھے ڈھالا نکالا مجھ کو 

تیرے جادو کی تو قائل ہوں مگر کوزہ گر

بس تو اک روح نہیں پھونک سکا باردگر

جان  محسوس ہوئی  سوئے نظر کوزہ گر 

روح لیکر مجھے جینے کی تمنا نہ ہوئی

ایک مٹی کے لبادے میں بھی ہو جائے بسر کوزہ گر 

اب تو یہ یاد نہیں کیوں ہوئے ممتاز کبھی

لے کے ہاتھوں پہ چلے آئے جگر کوزہ گر

               ۔۔۔۔۔۔۔۔۔۔

حوالے سکے۔ اردو شاعری۔ باردگر

تو نے کشکول میں جتنے بھی اچھالے سکے 

وقت کی آنچ پہ دن رات ہیں ڈھالے سکے 

دفن تھا سارے خزانوں کی طرح مدت سے

آج مجبور ہوئے ہیں تو نکالے سکے 

ایک وہ غم کے عوض جس نے خوشی ہی بانٹی

اور کچھ لوگوں نے تو صرف سنبھالے سکے

کوئی عزت کے بچانے کو مرا جاتا ہے 

اور مر جاتا ہے کوئی کہ بچا لے سکے

اب رہائی کے لیئے رکھی ہے قیمت تگڑی

یہ نہیں ہے کہ کہیں سے تو منگا لے سکے

اک امانت کیطرح اس نے تجھے سونپے تھے

اک یقیں تھا کہ کیئے تیرے حوالے سکے

پیٹ کی بھوک کو روٹی کی طلب ہوتی ہے

ہے یہ بیکار تو سونے کے ابالے سکے

اسکو اللہ نے  ہر حال میں  ممتاز رکھا 

اور تو چاہتا ہے آ کےاٹھا 

لےسکے

                 ۔۔۔۔۔۔۔