میری سوچ کا تعارف
ممتاز ملک یقینا آپ کے سامنے ایک نیا نام ہے۔ یہ کتاب اٹھاتے ہوئے آپ یہ جاننا چاہتے ہوں گے کہ یہ نیا نام ایسی کون سی نئی سوچ رکھتا ہے کہ ہم اسے پڑھیں۔
تو میں اپنی سوچ کے پرندے کا ایک تعارف آپ کی خدمت میں پیش کرنا چاہتی ہوں اور صاحب ذوق پڑھنے والوں سے امید رکھتی ہوں کہ وہ میری سوچ کی اس پرندے کو اپنی محبتوں کی شفقتوں کی دانے سے ضرور نوازیں گے۔
اس پرندے کا نام ہے "دلکش پرندہ" جو آپ کے دل کو اور ہر حساس دل کو اپنی محبت کے پنجرے کا اسیر کر لے گا. آپ نے میاں مٹھو سے تو باتیں ضرور کی ہوں گی، لیکن آج اس پرندے سے باتیں کیجیئے بھی اور اس کی باتیں سنیئے بھی۔ جو ایک دل کے دروازے پر دستک دینے کے لیئے اپنی خوبصورت چونچ بھی لہولہان کروا لیتا ہے ۔ مگر دستک دینے سے باز نہیں آتا ۔ بہت "امید پسند" جو ہوا ۔ "سب ٹھیک ہو جائے گا" سوچ کر کبھی مایوس نہیں ہونا چاہتا. اس کی یہی امیدیں اسے دکھ بھی دیتی ہیں، آنسو بھی رلاتی ہیں، مگر امید ہے کہ ٹوٹتی ہی نہیں۔
میں ایک عورت ہوتے ہوئے کئی بار اس کتاب میں آپ کو مردانہ انداز میں بات کرتی نظر آؤں گی۔ اس کی وجہ یہ نہیں کہ مجھے عورت ہونے پر کسی کمزری کا احساس ہے، بلکہ جو الفاظ میرے دل پر اشعار کی صورت میں اترے ، وہ تھے ہی مردانہ وار انداز کے ساتھ، ایک مضبوط لہجے کے ساتھ ۔ شاید میں ان میں زبردستی مسوانیت بھرنے کی کوشش کرتی تو الفاظ کا حسن مجروح ہو جاتا ، کیونکہ میں سمجھتی ہوں جو جیسے بھی ہے اور ویسے ہی اپنا ایک الگ حسن اور تشخص خدا کی جانب سے لے کر آتا ہے ۔ سو میں نے بھی جوں کا توں آپ کے سامنے پیش کر دیا ہے اور امید کرتی ہوں کہ آپ اس کتاب کا مطالعہ بھی کریں گے اور اپنی رائے سے بھی نوازیں گے۔
میں منتظر رہوں گی۔
شکریہ
ممتاز ملک
MumtazMalik222@gmail.com
.......
https://www.facebook.com/share/15C57Vti1B/
........
TikTok
mumtazmalik22@
......
.jpg)