پنجابی نعت
ناں سوہڑیاں
(کلام /ممتازملک.پیرس)
تہاڈا بدلاں نے لکھیا اے ناں سوہڑیاں
سارے جگ اتے کیتی تساں چھاں سوہڑیاں
ہر گل مینوں تہاڈے اگے گھٹ لگدی
شان وچ تہاڈی کی میں کہاں سوہڑیاں
تہاڈی رضا نہیں جس کم وچ سوہڑیاں
او کم کانوں میں دس کراں سوہڑیاں
کرم تہاڈا جیڑا مینوں لے بچا نہیں تے
دشمناں دے واروں کنج بچاں سوہڑیاں
فیر کی میں کرنا جنت دے باغاں نوں
قدماں چہ مل جائے جے تھاں سوہڑیاں
ممتاز دتی ہوئی مدتاں توں عرضی
منظوری نوں اڈیکدی رہواں سوہڑیاں
●●●
