عجب سی اب طبیعت ہو گئی ہے۔ اردو شاعری ۔

کوئی جادو ٹونا کر ماہیا۔ اردو شاعری ۔

شکار یار/ شاعری ۔ اردو شاعری ۔ اور وہ چلا گیا ۔ اشاعت 2024ء

شکار یار

مجھے دشمنوں کی خبر نہیں میں ہوں دوستوں کا شکار یار 

میرے ہاتھ باندھ کے اسطرح مجھے بے بسی سے نہ مار یار

ہے سکون شرط اگر اختتام پہ جنگ میں تو بگل بجا

جو قرار کھو کے ملی اگر میری جیت ہے میری ہار یار

ہوں بھلے سے کتنی شکستہ پا نہ تو بستیوں کے یہ پل گرا

مجھے شک یے چھوٹ نہ جائے کچھ

ابھی جانا ہے پھر پار یار

جسے اپنے سچ پہ یقین ہو اور خندہ جسکی جبین ہو

جو عمل میں عزم صمیم ہے اسے ڈر نہیں سر دار یار 

تیرے پاس ہے جو یہ اختیار تو بدل دے اپنا ہر اک مدار 

یوں نہ ایڑیاں تو رگڑ کے جی نہ تو زندگی یوں گزار یار

ممتاز یہ ہے نصیب جو مجھے گھیرتا ہے گراتا ہے 

میرے ساتھ ہی یہی ہوتا ہے کاہے ہوتا ہے ہر بار یار

●●●

وارے۔ اردو شاعری ۔ باردگر

ہر اک رنجش سبھی شکوے تیری مسکان پہ وارے

مجھے تو دوست کہتا ہے اسی پہچان پہ وارے 

تو کیا سمجھا تمہاری بے اعتنائی مار ڈالے گی

تو جس پر دھیان دیتا ہے تمہارے دھیان پہ وارے

محبت سب کو اپنی جان سے ہونا تو فطری ہے

سلام اس پر جو اپنی جاں  کسی کی جان پہ وارے 

وہ تھا  کردار میں بےمثل اور گفتار میں اعلی 

سبھی مہمان جاتے تھے میرے مہمان پہ وارے 

سدھر جائیگا اکدن لوٹ آئے گا میری جانب

سبھی پل زندگی کے تھے اسی امکان پہ وارے 

اگر گننے کی نوبت آ گئی تو ہار جاؤ گے

کہ سارے فائدے ہم نے تیرے نقصان پہ وارے 

نہیں تھا جوش کافی زیست کے ممتاز ہونے کو 

زمانہ ہو گیا خود کو اسی  ہیجان پہ وارے

۔۔۔۔۔۔۔۔۔

* ◇ آسان سمجھ رکھا ہے/ اردو شاعری / اور وہ چلا گیا

آسان سمجھ رکھا ہے 

معاملہ اتنا بھی آسان نہیں ہے صاحب

جتنا انسان نے آسان سمجھ رکھا ہے

میری امید قوی اتنی  کہ دل نے میرے

 غم کو ہر درد کو مہمان سمجھ رکھا ہے

ایک طوفان ہے ہر چیز مٹا دیگا یہ 

تم نے وقتی جسے ہیجان سمجھ رکھا ہے

جو نہیں چاہیئے  وہ یاد بھی رکھے کیونکر

مصلحت ہے جسے نسیان سمجھ رکھا ہے

اس کے نمبر کبھی کم ہو نہیں سکتے صاحب

جس نے مضمون کا عنوان سمجھ رکھا ہے

کتنا اچھا ہے یہ ممتاز بھرم رکھتا ہے

ایک پردہ جسے مسکان سمجھ رکھا ہے

                   ●●●              

* توڑا ہے کسی نے ۔ اردو شاعری۔ مصرع طرح۔ اور وہ چلا گیا

مصرعہ طرح:

دل امید توڑا ہے کسی نے۔۔۔

حساب زیست جوڑا ہے کسی نے

دل امید توڑا ہے کسی نے

وہ گل جو شاخ پر سویا ہوا تھا

اسے جا کر جھنجھوڑا ہے کسی نے

بہت قابل جسے مانا جہاں نے

ناکارہ کر کے چھوڑا ہے کسی نے

نشانے پر  رقیب زندگی تھا

نئے رخ اسکو موڑا ہے کسی نے

میری آنکھوں سے جو بہنے لگا ہے

لہو دل کا نچوڑا ہے کسی نے

بہت نازک تھا دل کا آبگینہ 

اسے پتھر پہ پھوڑا ہے کی نے

لہو کی باڑ سی کیوں آ گئی ہے

یہاں پر  دل نچوڑا ہے کسی نے

درندہ بن وجود آدمیت

تسلی سے بھنبھوڑا ہے کسی نے

پڑے ممتاز بل جب تیوری پر

نگاہوں کو سکوڑا ہے کسی نے

-------

 

نظر بد ۔ اردو شاعری۔ جا میں نے تجھے آزاد کیا

نظر بد

کلام:

   (ممتازملک ۔پیرس)

خدایا ان پر بھی رحم فرما

جو نظر بد کا شکار ہو کر

تمام خوشیاں گنوا چکے ہیں

نگاہ حاسد کی مار ہو کر 

کہ نظر بد وہ بلا ہے جو کہ

لیجائے بندے کو قبر تک اور

ہیں اونٹ ہوتے کباب اس سے

بخیل نیت ہیں  دل کے یہ چور

خدا بچائے تمام لوگوں کو 

نظر بد کی تباہیوں سے

اسی کی لگتی ہے جسکا دل ہو

بھرا ہوا بس سیاہیوں سے

کہیں پہ مرچیں سلگ رہی ہیں

کہیں پہ صدقے دیئے گئے ہیں

معوذالتین اک علاج ربی 

ہے ہولناکی نظر بشر کی 

ہیں کامیابی سے جلنے والے

ترقیوں پر اچھلنے والے

ہے شوق ممتاز ہونے کا پر

بجائے محنت مچلنے والے

خدایا ان پر بھی رحم فرما

خدا ان پر بھی رحم فرما

   ۔۔۔۔۔

ہائے ۔ نظم۔ جا میں نے تجھے آزاد کیا

ہائے

میں تو پیدا ہوتے ہی

اپنے ہی ماں باپ کے ہاتھوں

دنوں میں بوڑھی کر دی گئی

بچپن کے سب کھیل کھلونے

بے فکری اور چنچل پن

میرا کوئی حق نہیں

 کہہ کر

مجھ سے چھین لی گئی

پڑھنا مجھکو اچھا لگتا تھا

 تو میری ہر کتاب

 کبھی جلائی جاتی تھی اور

 کبھی وہ پھاڑی گئی

رنگیں آنچل فیشن شوخی

چوڑیاں میک اپ 

پسند تھیں  لیکن

 مجھ پر حرام وہ کر دی گئی

اپنی مرضی سے جیون کا 

ساتھی چننا حق تھا میرا

وہ بھی چاہت مجھ سے

 چھین کے خود ہی برتی گئی

جو ترکے میں حق تھا اس پر

 ماں جائے بھی نوچتے اور کھسوٹتے کتے

 ہر دم چارو چاری گئی

کسکو یہ ممتاز سنائے

ہائے میں کیسے روندی گئی

ہائے میں کیسے ماری گئی 

   ۔۔۔۔۔۔