* ● عجب ‏ہوا/ ‏اردو شاعری ‏۔ اور وہ چلا گیا

        عجب ہوا                 

اب کے برس بہار نہ آئی عجب ہوا

شاید گناہ حد سے زیادہ تھے تب ہوا

فطرت کا جب مذاق اڑانا رواج ہو

بربادیوں پہ کیسے کہو گےغضب ہوا 

گمراہیوں کے طوق اتارے نہ جائینگے  

چاہے کوئی پہننے کا انکے سبب ہوا

جب تک تھے باادب تو ہراک سمت خیر تھی

سنتے ہیں رل گیا ہے جب سے بے ادب 

ہوا

جس جان پہ اکڑ تھی تکبر تھا زعم تھا 

اس جان پہ بنی ہے اب تو جاں بہ لب ہوا

جینے کا حق تو رب کا عطاکردہ تھا مگر 

ممتاز کیسے اپنوں کے ہاتھوں سلب ہوا

  

       ●●●                ۔

* ● اے سال 2020 / اردو شاعری۔ اور وہ چلا گیا ‏

یہ سال 2020ء

کلام/ ممتازملک.پیرس 

کتنے پیاروں سے بچھڑنے کے دیئے ہیں صدمے 

آنسووں میں تو ہمیں یاد رہیگا اے سال 

درد ہی درد رہا رنج و الم سے پر تھا 

کیا بھلا اپنی صفائی میں کہے گا اے سال

جب بھی اپنا کوئی ہم کو نہ دکھائی دیگا  

آنکھ سے اشک کے جیسے تو بہے گا یہ سال

ڈوبتے وقت کی سرخی وہ ٹہرتی نبضیں

ساتھ سورج کے میرا دل بھی سہےگا اے سال 

یہ جہاں یوں بھی مکمل ہے تیرے میرے بنا

  ہمکو ممتاز سکھا کر ہی رہیگا اے سال   

      ●●●