* ● کشید ‏کر/ اردو شاعری۔ اور وہ چلا گیا

       کشید کر

              (کلام: ممتاز ملک۔ پیرس)

❤راتوں سے وحشتوں کے وہ لمحے کشید کر 

خوابوں کے رکھ دیئے تھے جہاں سر برید کر 

 💛سونے کے واسطے زرا آنکھیں تو موندیئے

ہم نے اڑا دیئے ہیں سبھی غم خرید کر

💔 دنیا بدل رہی ہے میرے اے دروغ گو

       جدت پسند بن تو بہانے جدید کر

🖤 ​​سامان قہر رب ہے بپا جو نہ پوچھئے

    رشتے گزر رہے یوں دامن درید کر 

💙رفتار سست ہے تیری گفتار تیز ہے

دعووں میں کچھ عمل کااضافہ مذید کر

💜 اپنے پروں پہ کر کے بھروسہ تو دیکھئیے 

اونچی اڑان کے لئے محنت شدید کر

🧡دیوانے سے نہ ہوش کی امید کیجیئے

  بندہ گناہگار اسے برگزید کر

💖برسوں سے سن رہے ہیں یہ احوال درد کے 

ممتاز اب خوشی کی بھی آ کر نوید کر               

●●●

برداشت۔ چھوٹی چھوٹی باتیں۔ کوٹیشنز

 برداشت

میں نے سیکھا ہے !

کہ

ایک ایسی چٹان ہے جو بڑے سے بڑے طوفان کا رخ موڑ دیتی ہے۔

کسی بھی گھمنڈی کو آپ کے سامنے جھکنے پر مجبور کردیتی ہے۔

اور آپ کو سربلندی عطا کرتی ہے۔کیا ہے وہ !

جی ہاں برداشت اور قوتِ برداشت:

انسان کو اگر کسی کسوٹی پر پرکھنا ہو تو :کسی اہم ذمہ داری میں

شامل کرنا ہو تو اسکی برداشت کا امتحان ایک بار تو ضرور لیں۔

اور اپنی برداشت کو بھی وقتاۤفوقتآ آزماتے رہیں ۔یہ بات آپ کو

اندرونی طور پر بہت سے حالات کے تحت پیش آنے والے جھٹکوں

سے بچنے میں مدد کرے گی اور آپ کی شخصیّت کو مضبوطی

عطا کرے گی۔

کیونکہ

جن قوموں میں برداشت کی قوت کم ہو جاتی ہےوہاں ہر برائ عام

ہوجاتی ہے اپنے اردگرد نظر دوڑائیں تو ہم دیکھ سکتے ہیں کہ ہر

نقصان ہر ضیاع کی ابتداء برداشت نہ کرنے پر شروع ہوئی۔

یہاں تک کہ کئ بار تو ۔۔چراغوں میں روشنی نہ رہی۔۔۔۔

۔               ۔۔۔۔۔۔۔۔۔۔۔۔۔۔۔

تحریر۔ ممّتاز ملک