● (23) حساب/ اردو شاعری ۔ میرے دل کا قلندر بولے ۔ اشاعت 2013ء

(23) حساب  

عورت کیساتھ ظلم کیوں یہ بے حساب ہے

اس ظلم پہ لکھی ہوئی کوئی کتاب ہے

ہر بار ایک چوٹ نئی منتظر رہی

اسکے کسی سوال کا کوئی جواب ہے

ہر بار چھری اسکے کلیجے پہ چلی ہے

ہر بار اسی کے واسطے بنتا نصاب ہے 

لہجہ بدل بدل کے ملیں سب کی دھمکیاں 

جھگڑا کوئی بھی ہو وہی وجہ خطاب ہے 

جس نے کیا خراب اسی کا بیاں ہے کہ 

عورت کے واسطے یہ زمانہ خراب ہے 

کتنے نقاب وقت کے چہرے پہ ڈال دو

ممتاز موضوع پردوں میں یہ بے نقاب ہے 

●●●

کلام: ممتازملک

مجموعہ کلام:

میرے دل کا قلندر بولے 

اشاعت:2014ء

●●●