نعت
ہاں وہی میرا نبی ہے
(کلام/ ممتازملک۔پیرس)
(کلام/ ممتازملک۔پیرس)
پلکوں سے راستوں کے کنکر اٹھا رہا ہے
قالین بنکے دل یہ بچھتا ہی جا رہا ہے
تھی سوچ پر مسلط میری زندگی کی سیاہی
وہ سفیر روشنی ہے جو جگمگا رہا ہے
میں نشان راہ کھو کر کہیں کھو ہی دیتی منزل
میرا مہربان راہبر رستہ دکھارہا ہے
جو مخالفوں کے ذد میں کھڑے مستعد ہمیشہ
ہاں وہی میرا نبی ہے جو مسکرا
رہا ہے
اس نے سبق پڑھایا سچائی اور حق کا
اسباق سارے عملا کر کے دکھا رہا ہے
ممتاز خوش نبی کو کرنا ہی زندگی ہے
رب بھی اسی خوشی میں رحمت لٹا رہا ہے
۔۔۔۔۔۔
کوئی تبصرے نہیں:
ایک تبصرہ شائع کریں