آیا نہ جائیگا ۔ سراب دنیا

آیا نہ جائیگا
(کلام/ممتازملک۔ پیرس)


اک بار جو گئے تو پھر آیا نہ جائیگا 

گزرا جو وقت پھر اسے لایا نہ جائیگا 

اتنی توجہ دیں نہ ہماری طرف جناب

کہنے کو آئے ہیں جو بتایا نہ جائیگا 

جذبات میں کہیں ہمیں بہنے نہ دیجیئے

حال دل شکستہ سنایا نہ جائیگا 

کوئی  جگہ نہیں ہے جگر پارہ پارہ ہے

اب کوئی زخم بھی نیا کھایا نہ جائیگا 

نیچے نہ لائیے ابھی ممتاز آسمان 

دامن میں چھید ہیں یہ سمایا نہ جائیگا

۔۔۔۔۔۔