رپورٹ:
(ممتازملک ۔پیرس)
9نومبر 2025ء بروز اتوار
شریف اکیڈمی جرمنی فرانس کے زیر اہتمام شاعر مشرق مفکر پاکستان ڈاکٹر علامہ اقبال کی 148ویں سالگرہ نہایت عقیدت اور ملی جوش و جذبہ کے ساتھ منائی گئی۔ جسے شریف اکیڈمی جرمنی کی فرانس میں ایگزیکٹو ڈائریکٹر یورپ روحی بانو صاحبہ نے آرگنائز کیا۔
خواتین کی بڑی تعداد نے اس میں شرکت کی اور پھول پیش کیئے اور موم بتیاں جلا کر اپنے عظیم شاعر کو خراج تحسین پیش کیا ۔ اس تقریب کا آغاز میں نعت رسول مقبول صلی اللہ علیہ وسلم فردوس شفقت نے کیا۔۔
معروف نعت خواں ستارہ ملک نے علامہ اقبال کا کلام خودی کا سر نہاں پیش کیا۔ انٹرنیشنل فیشن ڈیزائنر نیناں خان، سینئر صحافی ناصرہ خان ، معروف شاعرہ ٫ مصنفہ اور کالم نویس ممتاز ملک نے اپنا کلام "اقبال تیرا پھر سے تعارف میں کراؤں "پیش کیا اور داد سمیٹی۔ اس کے علاوہ سماجی شخصیات میں عالیہ مرتضی ، غزالہ یاسمین ، شمیم ظہور ، فرزانہ شیخ ، رانی کنول ، سارہ کرن ، فرحت عاشق، فرح کریم ، شبانہ احمد ، فردوس شفقت نے اقبال کو خراج تحسین پیش کیا ۔
اس تقریب میں خواتین اور بچوں نے خوبصورت ٹیبلوز " لب پہ آتی ہے دعا" اور " غلام قادر روہیلہ " بھی پیش کیئے گئے۔ جسے ناظرین نے بے حد سراہا ۔ ٹیبلوز میں بہترین کارکردگی پر کپ دیئے گئے۔
علامہ اقبال کی 148 ویں سالگرہ کا کیک بھی کاٹا گیا۔
یہ پروقار تقریب شاندار ظہرانہ اور مزیدار کیک سے لطف اندوز ہوتے ہوئے اختتام پذیر ہوئی۔
۔۔۔۔۔۔۔
کوئی تبصرے نہیں:
ایک تبصرہ شائع کریں