پتر کر تباہ
ماواں تی تی سال دے لاڈاں، پتر کر تباہ دیندیاں نیں
باقی عمرے سب الزام او ،نوہ دے سرتے پا دیندیاں نیں
برقیاں منہ وچ رکھ کے اونہوں، اٹھ کے پانی پین نہیں دیندیاں
کوئی جے کر سمجھاوے تے ،اونوں اگوں جین نہیں دیندیاں
گھر وچ پا کھلارے ہر دم، اتھرا بن کے پھردا رہندا
عشق چہ پتر دے اے سب دے، سروں پیروں لا دیندیاں نیں
باقی عمرے سب الزام او، نوہ دے سرتے پا دیندیاں نیں۔۔۔۔
ذمہ داری پیو جے پاوے٫ پتر دے سر پان نہیں دیندیاں
اونہوں چوپڑیاں کھوان دی خاطر، دھی نوں سکیاں کھان نہیں دیندیاں
پتر دے سر وار کے اکثر، دھیاں صدقے وچ دیندیاں نیں
پتر دے ہر لاڈ کھڈاون، دھی دے مار او چاہ دیندیاں نیں
باقی عمرے سب الزام او، نوہ دے سرتے پا دیندیاں۔۔۔۔۔
ایخو جیہے پتراں ہتھوں ، اک دن ماواں رل جاندیاں نیں
اوہدی صورت اکھی لے کے ٫باقی ہر شے بھل جاندیاں نیں
ویچ کے گھر در موہ پتر وچ٫ لاوارث اکھوا جاندیاں نیں
ممتاز ایہہ چپ چپیتے اوہدی، یاد چہ اپنے ساہ دیندیاں نیں
باقی عمرے سب الزام او، نوہ دے سرتے پا دیندیاں۔۔۔۔۔
🌚🌚🌚۔
کوئی تبصرے نہیں:
ایک تبصرہ شائع کریں