اے عشق ولی کر دیندا اے
(کلام/ممتازملک۔پیرس)
اے عشق ولی کر دیندا اے
اے عشق ولی کر دیندا اے
کی کرنا دعویداراں دا
کی کرنا اے بیماراں دا
جد من دا پیتل میلا ہوئے
اے عشق قلعی کر دیندا اے
اے عشق ولی کر دیندا اے
اے عشق ولی کر دیندا اے
جد راہ کسے تھاں کھوٹی ہوئے
جد دل دل بوٹی بوٹی ہوئے
جد بند ہون سارے رستے تے
اے عشق گلی کر دیندا اے
اے عشق ولی کر دیندا اے
اے عشق ولی کر دیندا اے
قسمت دی ہر تحریر مٹے
جو کی جائے تدبیر مٹے
مٹدی مٹدی تحریراں نوں
اے عشق جلی کر دیندا اے
اے عشق ولی کر دیندا اے
اے عشق ولی کر دیندا اے
جد پیار ہر ایک نوں جان دا اے
رونا ہی اوس دی آن دا اے
ہر خواہش نوں ہر راحت نوں
اے عشق بلی کر دیندا اے
اے عشق ولی کر دیندا اے
اے عشق ولی کر دیندا اے
انج موت دے بستر تے سوئے
کہ خوف وی اپنے تے روئے
دنیا چہ نہ آیا کوئی ایسا
اے عشق علی کر دیندا اے
اے عشق ولی کر دیندا اے
اے عشق ولی کر دیندا ہے
-----
کوئی تبصرے نہیں:
ایک تبصرہ شائع کریں