■ کول تیرے بہندے ۔ پنجابی کلام۔ او جھلیا

جے کول تیرے بہندے

غم دور ساتھوں رہندے

فیر درد جدائیاں دے

ہنس ہنس کے اسی سہندے

           جے کول تیرے رہندے

پچھیا نہ کدی تُوں وی

دسیا نہ کدی میں وی

دل وچ نہ کدی رکھدے

گل دل دی تینوں کہندے

          جے کول تیرے رہندے 

اِتراؤ نہ صورت تے

مٹی جئی مورت تے

اناں اکھیاں نے تک لےنے

چن چڑھدے کئی لیندے

جے کول تیرے۔۔

 رسوا ہوئے پیمانے

 برباد اے میخانے

معصوم بھلے کیونکر
بے قدراں دے وس پیندے 
جے کول تیرے۔۔۔۔۔

شمع جو جلے بیٹھی
  پروانے ملے بیٹھی
ممتاز اونوں ساڑے 
جو کول کدی ویندے
جے کول کدی۔۔۔۔۔

●●●