نعت ۔ صلی علی پکارو۔ اردو نعت ۔ اے شہہ محترم ۔ اشاعت 2019ء

 

صلی علی پکارو
(کلام/ممتازملک.پیرس)

صلی علی پکارو سرکار آ رہے ہیں 

اٹھو اے جانثارو سرکار آ رہے ہیں 

سرکار کی گلی میں منگتا بھی بادشاہ ہے 

نام سخی پکارو سرکار آ رہے ہیں 

چاہو نصیب روشن بھرنا اگر ہو دامن 

دامن وہاں پسارو  سرکار آ رہے ہیں 

گم ہونا ہے اگر تو بہتر ہے دشت طیبہ 

خاک اسکی چھان مارو سرکار آ رہے ہیں 

دشت جنوں ہے طیبہ دشت سکوں ہے طیبہ

جس حال میں گزارو سرکار آ رہے ہیں 

دیتے ہیں سب سے بڑھکر سنتےہیں سب سےبڑھکر

کچھ روز واں گزارو سرکار آ رہے ہیں 

ممتاز خوش نصیبی لائی در نبی پر
دل جان ان پہ وارو سرکار آ رہے ہیں 

۔۔۔۔۔۔۔۔۔۔۔