انسان ہونا
(کلام/ممتازملک.پیرس)
سیانے سے مشکل ہے نادان ہونا
فرشتے سے مشکل ہے انسان ہونا
جسے درد ہوتا ہے نہ موت آتی
اسے کیا پتہ کیا ہے قربان ہونا
جنہیں خواہشوں کا نہ مطلب پتہ ہو
انہیں کیا پتہ دل کا ارمان ہونا
سدا ماتحت جو رہے ہیں رہینگے
نہ جانیں گے وہ کیا ہے سلطان ہونا
جو اپنے گھروں سے کبھی بھی نہ نکلے
وہ کیا جان پائینگے مہمان ہونا
انہیں دکھ سے ممتاز کیا لینا دینا
نہ دیکھا کبھی گھر کا ویران ہونا
نہ دیکھا کبھی گھر کا ویران ہونا
●●●
کوئی تبصرے نہیں:
ایک تبصرہ شائع کریں