ممتازملک ۔ پیرس

ممتازملک ۔ پیرس
تصانیف : ممتازملک

جمعرات، 24 جولائی، 2025

روحی بانو صاحبہ کیساتھ ظہرانہ۔ رپورٹ


رپورٹ ۔
 ممتازملک۔
پیرس فرانس


گزشتہ اتوار 20 جولائی 2025ء 
 فرانس کی مقبول اور معروف پروگرامز آرگنائزر ، صدر وومن لیگ پاکستان پیپلز پارٹی، صدر سلطان باہو ٹرسٹ، راہ ادب فرانس کی آرگنائزر ، فرانس میں ہونے والی ہر طرح کی ادبی ثقافتی تقریبات کی روح رواں، میلوں کی جان محترمہ روحی بانو صاحبہ پاکستان میں اپنے طویل قیام کے بعد پچھلے ہفتے پاکستان سے واپس فرانس پہنچیں۔ جس پر ان کی دوست احباب اور سبھی ملنے والوں نے بے حد خوشی کا اظہار کیا . اس خوشی میں ایک ملاقات کا اہتمام کیا گیا ۔ جہاں مقامی ریسٹورنٹ میں ایک شاندار ظہرانہ دیا گیا۔ سیلف پیمنٹ پر ایک بھرپور پروگرام پہلی بار دیکھنے کو ملا۔ جہاں پر سب نے بڑی خوشی سے نہ صرف شرکت کی انہیں خوش آمدید کہا۔ پھولوں کے گلدستے اور تحائف پیش کیئے اور ان سے اپنی محبت کا اظہار کیا۔ روحی بانو صاحبہ کے بغیر واقعی پروگرام تو بہت سارے ہوتے رہے. لیکن ایک تشتگی کا احساس رہا ۔ وہ نہ صرف ایک بہترین دوست ہیں، بلکہ بہت مخلص ہستی ہیں۔ جو دوسروں کے کام آنے کو ہر وقت تیار رہتی ہیں۔ ہماری ملاقات بھی ان سے بڑی بھرپور رہی۔ 
روحی بانو صاحبہ نے سبھی دوستوں کا کھلی باہوں کے ساتھ استقبال کیا اور ان کا شکریہ ادا کیا کہ سب نے انہیں اس قدر محبت سے یاد کیا۔ ان سے واٹس ایپ پر رابطے میں رہیں اور ان سے ملاقات کے لیئے آ کر ان کی عزت میں مزید اضافہ کیا۔
پیپلز پارٹی یورپ کے صدر جناب ارشاد کمبوہ صاحب بھی کچھ دیر کے لیئے تقریب میں تشریف لائے۔ جہاں انہوں نے سبھی بہنوں کا شکریہ ادا کیا اور روحی بانو صاحبہ کے اعزاز میں ہونے والے اس ظہرانے کو دوستوں کا یادگار اجتماع قرار دیا۔
 انہیں خوش آمدید کہنے والی دوستوں میں جہاں اور بہت سے لوگ شامل تھے وہاں صاحب تحریر شاعرہ کالم نگار لکھاری ممتاز ملک صاحبہ ، معروف نعت خواں ستارہ ملک صاحبہ ، معروف صحافی ناصرہ خان صاحبہ، معروف فیشن ڈیزائنر نینا خان صاحبہ، پیپلز پارٹی کی خواتین کی قیادت جن میں محترمہ فرحت صاحبہ، فردوس اعوان ، نازیہ شبیر ، فرح اور بہت سی دوسری خواتین شامل تھیں نے روحی بانو صاحبہ کے لیے بہت ساری نیک خواہشات کا اظہار کیا اور انہیں اپنی کمیونٹی کی جانب سے ایک خوبصورت اثاثہ قرار دیا ۔ یوں ہنستے مسکراتے کھاتے پیتے اس خوبصورت ظہرانے کا اہتمام ہوا ۔
پیش ہیں اس خوبصورت تقریب کی کچھ یادگار 
تصویری جھلکیاں

کوئی تبصرے نہیں:

ایک تبصرہ شائع کریں

شاعری / /مدت ہوئ عورت ہوۓ/ ممتاز قلم / سچ تو یہ ہے/ اے شہہ محترم/ سراب دنیا/ نظمیں/ پنجابی کلام/