کوسا کوسا
چوک وچ مار کے تے بندہ کسے سُلیا
کوسا کوسا لہو اوہدا میرے آتے ڈُلیا
آسے پاسےچارچویرے میں گھنگھالیا
کوئی نہ قصور اوہدا میرے اتے کُھلیا
پت کس ماں دا تے تاج کس سر دا
کنوں پچھاں جا کے ہن دس مینوں بُلیا
تھوڑا تیل تھوڑا کولا پاکے سارے پچھدے
آگ تیرے وچ کتھوں آندی اے وے چُلیا
کج تے نصیباں نال میری وی لڑائی سی
کیوں نہ ہووے ساریاں نوں دِتّا مینوں پُلیا
عزتاں تے زِلتاں دا اِکو سچا ٹھیکیدار
خوار ایویں کرن لئی جگ سارا تُلیا
لوکی تیری سادگی توں فیدے چُک لیندے نے
سمجھاں نہ آیاں تینوں ہائے وے پُڑلیا
نخرہ نہ کوئی تیرا نہ ہی ٹکار اے
کوئی نہ خریدے جیڑا ملے بن مُلیا
چندریا دِلا آپوں آپ نوں سنبھال لئیں
جیڑا من مانیوں دے اُتے اج تُلیا
ممتاز پھلاں والی ٹوکری چہ سٹیا
تکڑی چہ وٹیاں دے نال پاویں تُلیا
°°°°°°°
( تلیا. Tulya. کسی بات پر تل جانا)
(تلیا۔ تولنا)
°°°°°°°
کوئی تبصرے نہیں:
ایک تبصرہ شائع کریں