دل والا چرخہ
دل والا چرخہ چلا کے میں ویکھیا
رب کولوں دور وی جا کے میں ویکھیا
کتھے وی نہ سکھ ملے جندڑی نمانی نوں
کوئی وی اخیر نئیں دکھ دی کہانی نوں
ترلا وی غماں اگے پا کے میں ویکھیا
دل والا چرخہ چلا کے میں ویکھیا
بھار آپی چکناں اےاپنے گناہواں دا
کوئی حصہ پائے کدوں کسے دی سزاواں دا
سنگتاں نوں بڑا آزما کے میں ویکھیا
دل والا چرخہ چلا کے میں ویکھیا
رستے نوں موڑنے دی اپڑیں جے چاہ نئیں
منزلاں تے پہنچنے دی فیر کوئی راہ نئیں
ممتاز نوں خود سمجھا کے میں ویکھیا
دل والا چرخہ چلا کے میں ویکھیا
●●●
کوئی تبصرے نہیں:
ایک تبصرہ شائع کریں