حمد ۔ جو لامحدود ہے/ اے شہہ محترم صلی اللہ علیہ وسلم

حمد

جو لامحدود ہے
(کلام/ممتازملک.پیرس)

کہاں گم وسعتوں میں تو کھڑ اہے

   جو لا محدود ہے میرا خدا ہے

   وہ نظروں  سے میری  باہر بھی ہے اور  

  وہ نظروں میں بھی لیکن بس رہا ہے  

کوئی رحمت پہ بھی خوش ہو نہ پائے
کوئی نعمت پہ بھی الجھا ہوا ہے 

کسے دیگا کسے محتاج رکھے 
یہ اسکا بھید ہے وہ جانتا ہے

 تجھے ضد لے گئی  طوفان میں اور  

 جو تھا عاجز حفاظت میں  کھڑا ہے

  تکبر خودسری دشمن خدا کی 
بھلا ممتاز بندہ کیوں اڑا ہے 
۔۔۔۔۔