کچ دیاں ونگاں پن کے
او وی اک ویلا سی، دل دی تسلی لئی
کڈدے سی فال جدوں، کچ دیاں ونگاں پن کے
مونہوں کد بولدے سی، غم وی بیان ہوندا
کھول کے وال جدوں، کچ دیاں ونگاں پن کے
درد سنائیے کی ، ٹٹ جان جندڑی دے
سر تے تال جدوں، کچ دیاں ونگاں پن کے
ہاسے وی او پالیندے، اکھیاں لکا لیندے
لب جائے مال جدوں، کچ دیاں ونگاں پن کے
سمجھ وی تد آئی، بدنامی چہ رشتیاں دا
پے گیا کال جدوں ،کچ دیاں ونگاں پن کے
درد جدایاں دے،سوکھے نہیں اتوں بجھیئے
وچھڑے دے حال جدوں، کچ دیاں ونگاں پن کے
خود نوں گنوایا جیس لئی، اوس نوں خبر وی نہیں
لبدی مثال جدوں، کچ دیاں ونگاں پن کے
ممتاز پوے رولا، محفل چہ سرک جاوے
موڈھے اتوں شال جدوں، کچ دیاں ونگاں پن کے
●●●۔
کوئی تبصرے نہیں:
ایک تبصرہ شائع کریں