ایڈی دور منزل
چنگی بھلی ٹردی گڈی کانوں ڈگمگا بیٹھے ہو
بن سکھے میں آپ چلاواں اے کی رولا پا بیٹھے او
دے ماری فیر کند وچ جا کے نال ہوراں دے کھنے کھلے
لوکاں نوں وی پاگل کیتا نال اپنا آپ گنوابیٹھے ہو
جیڑی ساڈے منہوں نکلے اوہوئی حاصل ہو جاوے
اے دستور تے دنیا دا نہیں کانوں دل پرچا بیٹھے او
سانبھ لوو جی ڈگ نہ پین سر نوں پھڑ کے نیویں بین
لوکاں نوں جو دیندے رہے او اوہوئے چکر کھا بیٹھے او
گھر دی کنگ دی روٹی دی خوشبو جس چوں آندی سی
او چنگیراں کنداں اتے فیشن لئی ٹنگوا بیٹھے او
رب نوں چنوتی دے کے ظالم لوکاں دے وچ جا بیٹھے او
اکڑ غرور دے مارے خواری قسمت وچ لکھوا بیٹھے ہو
اینے دیر چہہ کنی واری گھر توں مڑ آندی ممتاز
ایڈی دور تے منزل نہیں سی پینڈا لما پا بیٹھے او
●●●
کوئی تبصرے نہیں:
ایک تبصرہ شائع کریں