■ اج راتی رک جا/ پنجابی کلام/ او جھلیا

             اج راتی رک جا

اج راتی رک جا نی،  مائے میرے کول تو

بولدی رہ میرے نال ، مٹھے مٹھے بول تو

پھینج لاں میں مٹھیاں تے، پوچھاں دس کی اے

خوامخواہ تو آکھیں ،نہیوں چیتا بس کی اے

ہار جاویں جان کے تے، جتیں بن مول تو

بولدی رہ میرے نال، مٹھے مٹھے بول تو  ۔۔۔۔۔۔۔

کدی میری نکیاں ، ہوندیاں  شرارتاں 

رکھ متھے  پٹیاں  نسائیاں حرارتاں 

دس کے تو مینوں کوئی، بھید میرا کھول تو

بولدی رہ میرے نال، مٹھے مٹھے بول تو۔۔۔

اج میں نہیں رسڑاں ، تیری کسے گل توں

ودیا نہ کوئی، تیرے نال لنگے پل توں 

میرے نال رج کے، کر لے مخول تو 

بولدی رہ میرے نال ، مٹھے مٹھے بول تو۔۔۔۔

آپاں  نوں وی اپنا،  دس کوئی حال نی

تیری وی تے سوچ کوئی،  ہوئے گا خیال نی

یاداں دی پٹاری وچوں ، یاد کوئی پھول تو

بولدی رہ میرے نال، مٹھے مٹھے بول تو۔۔۔۔۔

رات ساری سینے نال،  لا ممتاز نوں 

ڈر ساری دنیا دے ، مٹ جان ناز توں 

پہلو چہ اپنے ،سووا لے مائے کول تو

بولدی رہ میرے نال،  مٹھے مٹھے بول تو۔۔۔۔

                   ●●●