کی پچھدے او دل دا یار
کلام:(ممتازملک۔پیرس)
دنیا دے نے رنگ ہزار
کی پچھدے او دل دآ یآر
ہر کوئی میرے دل نال کھیڈے
مطلب پا کے مارے ٹھیڈے
ہور ٹٹے گا کنی وار
کی پچھدے او دل دا یار
چوٹھے دی کوئی ذات نہیں ہوندی
ایس تو سچی بات نہیں ہوندی
ویچ کے اپنا قول و قرار
کی پچھدے او دل دا یار
کیویں نندراں پے جاندیاں نیں
ہس ہس گلاں کہہ جاندیاں نیں
کھو کے ساڈا ہر اعتبار
کی پچھدے او دل دا یار
سارے دشمن رل جان تھائیں
بچ جاویں تے بل جان تھائیں
جے ممتاز توں اتریں پار
کی پچھدے او دل دا یار
●●●
کوئی تبصرے نہیں:
ایک تبصرہ شائع کریں