دعا ۔ کتنا غم ہے مولا

کتنا غم ہے مولا
کلام /ممتازملک 

تیری دنیا میں کتنا غم ہے مولا
یہاں پر جو کرو وہ کم ہے مولا

نہیں تاثیر اب ان آنسوؤں میں 
بھلے سے آنکھ ہر اک نم ہے مولا

ہماری روح کتنی منتشر ہے
یہ ذہن و دل کہاں پیہم ہے مولا

ہزاروں آرزوئیں پل رہی ہیں 
مگر لگتا ہے جیسے کم ہے مولا

ہے بھاگم بھاگ جن خوشیوں کی خاطر
چھپا خوشیوں میں بھی ماتم ہے مولا

نئی امید پر دنیا ہے قائم
بھلے سے لو بڑی مدھم ہے مولا

سمیٹیں کرچیاں خوابوں کی پھربھی
خوشی ممتاز کی قائم ہے مولا

۔۔۔۔۔۔۔۔۔۔۔