مائے نی مائے میرے گیتاں دے۔۔۔ انتخاب۔ نصرت فتح کا گایا کلام

انتخاب
ممتازملک
----؛

مائے نی مائے ' میرے گیتاں دے ' نیناں وچ ' برھوں دی ' رڑک پوے
ادھی ادھی راتی ' اٹھ رون موئے متراں نوں ' مائے سانوں ' نیند نہ پوے

بہہ بہہ ، شوگندھیاں وچ ' بنھاں پئے چاننی دے ' تاں وی ساڈی ' پیڑ نہ سہوے
کوسے کوسے ساھاں دی میں ' کراں جے ٹکورمائے ' سگوں سانوں کھان نوں پوے

آپے نی میں بالڑی ھاں ' ھالے آپ متاں جوگی ' مت کیہڑا ' ایس نوں دوے
آکھ سونی مائے ایہنوں ' رووے بلھ چتھ کے نی ' جگ کیتے سن نہ لوے

آکھ سونی کھائے ٹک ' ھجراں دا پکیا ' لیکھاں دے نے پٹھڑے توے
چٹ لئے تریل نوں وی ' غماں دے گلاب توں ای ' کالجے نوں حوصلہ رھوے

کھڑیاں سپیریاں توں ' منگاں کونج میل دی میں ' میل دی کوئی کنج دوے
کیھڑا ایہناں غماں دیاں ' روگیاں دے دراں اتے ' وانگ کھڑا جوگیاں رھوے

پیڑے نی پیڑے ' ایہ پیار ایسی تتلی ھے ' جیہڑی سدا سولی تے بہوے
پیار ایسا بوڑھ ھے نی ' جہدے کولوں آشنا وی ' لکھاں کوساں دور ھی رھوے

پیار اوہ محل ھے نی ' جیہدے وچ پنکھوواں دے ' باجھ کجھ ھور نہ رھوے
پیار ایسا آلھنا ھے ' جہدے وچ وصلاں دا ' رتڑا نہ پلنگ ڈھوے

آکھ مائے ادھی ادھی ' راتی موئے متراں دے ' اُچی اُچی ناں نہ لوے
متے ساڈے مویاں پچھوں ' جگ ایہ شریکڑا نی ' گیتاں نوں وی چندرا کہوے

کلام ،،،شیو کُمار بٹالوی