بدگمانی میں ۔ اردو شاعری ۔ مدت ہوئی عورت ہوئے۔ اضافی کلام۔ اشاعت 2025ء

بات کیسے ہو بدگمانی میں 

جھوٹ پلتا ہے لن ترانی میں

آج تنہا اداس بیٹھے ہو

کتنے کردار تھے کہانی میں 

تم جسے سوچ بھی نہیں سکتے

ہم نے بھگتا ہے زندگانی میں 

بات اندر  کہیں  چھپی تو تھی

منہ سے نکلی ہے جو روانی میں 

پوچھتے کیا ہو ہم پہ کیا گزری

ہائے کیا کیا ہوا جوانی میں 

اسکو ہمدرد جان کر ہم نے

چوٹ کھائی ہے خوش بیانی میں 

صرف ہمکو دکھائی دیتی ہے

اک غرض اسکی مہربانی میں

دل کی تاریکیاں تو چھٹ جائیں 

راہ دیکھیں گے ضوفشانی میں 

جتنی ممتاز ہو نہیں چلتی

عقل انساں کی  ناگہانی ہیں

۔۔۔۔۔۔۔