اضطراب نہ ہو۔ اردو شاعری۔ مدت ہوئی عورت ہوئے ۔ اضافی کلام ۔ اشاعت 2025ء

زندگی میں جو اضطراب نہ ہو 

کون جیتا ہے گر جو خواب نہ ہو

میں بھٹک جاؤں یہ ہے ناممکن

 ذہن میرا اگر خراب نہ ہو 

کچھ تو حاصل ہے اختیار نفس 

ورنہ کچھ حاصل ثواب نہ ہو 

دل گناہوں سے باز آئے اگر

ایک مدت سے یہ عذاب نہ ہو

بیچ مجبوریاں نہ گر ہوتیں

تو میرا حسن  انتخاب نہ ہو

ہم کو گھیرا ہے ان سوالوں نے

جن سوالوں کا کچھ جواب نہ ہو

کچھ کتابیں ہوں اس قدر ممتاز 

جس میں گستاخیوں کا باب نہ ہو

                 ۔۔۔۔۔۔