کوئی بات تو ہے / اردو شاعری۔ مدت ہوئی عورت ہوئے۔ اضافی کلام۔ اشاعت 2025ء

بجھے چراغ بھی جلتے ہیں کوئی بات تو ہے

بہت سے خواب جو پلتے ہیں کوئی بات تو ہے

جو جاگتے ہوئے بڑھنے کو نہ تیار ہوئے

وہ آج نیند میں چلتے ہیں کوئی بات تو ہے

ہمیں جو دھول سے تشبیہہ دے کے ہنستے تھے 

 وہ دھول چہرے پہ  ملتے ہیں کوئی بات تو ہے

سلیقہ ہم میں نہیں کوئی گھورتےکیوں ہو 

جو ہم سنور کے نکلتے ہیں کوئی بات تو ہے

نئی دھنوں کے تھے شیدائی کیا ہوا انکو

پرانی لے پہ مچلتے ہیں کوئی بات تو ہے

ہوئے تھے جو کبھی ممتاز ہی حیا کے سبب

نہ آنچل ان سے سنبھلتے ہیں کوئی بات تو ہے 

               ۔۔۔۔۔۔۔۔