اور جنم کیا ہوتی ہے
(کلام/ممتازملک.پیرس)
شیشے جیسا دل لے کر
آنکھوں کا ساحل لیکر
پتھر جیسے لوگوں میں
حکم ہے مجھکو جینے کا
قطرہ قطرہ گھلنے کا
ہر اک آنسو پینے گا
مجھ کو یہ اک بات بتا دے
رحمت کی قیمت سمجھا دے
جو ہر پل ادا ہوتی ہے
اور جہنم کیا ہوتی ہے
ہاتھوں میں بہتان انگارہ
منہ میں ایک زبان انگارہ
چلتا پھرتا لاوہ آدم
غور جو کرتے باوا آدم
اک چھوٹی سی لغزش پر یوں
سوچا ہوتا لفظ کبھی کیوں
جنت سے بیدخل نہ ہوتے
آج کے جیسی شکل نہ ہوتے
حوا کو احساس جو ہوتا
ابن آدم یوں نہ روتا
کیا پایا تھا کیا کھوتی ہے
اور جہنم کیا ہوتی ہے
۔۔۔۔۔۔
کوئی تبصرے نہیں:
ایک تبصرہ شائع کریں