● (10) گھروندے / اردو شاعری ۔ مدت ہوئی عورت ہوئے

(10)گھروندے

GHARONDEY

 [11]گھروندے

GHAROONDEY

 مٹّی کے گھروندوں پہ بڑا ظلم ہوا ہے

پھر آج کوئی اِن پہ پاؤں رکھ کے گیا ہے

mitti k ghrondoon pe bara zulm howa hai

phir aaj koi in pe paon rakh k gya hai

معصوم پرندوں کےبھی مسکن نہ بچے ہیں

یہ ہاتھ تنے پر بڑا بھرپور پڑا ہے
masoom prindon k bhi msken na bachy hain

yeh hath tne per bara bha rpoor para hai

برباد جسے کر دیا اِک وار میں آکر
اُس گھر کو بنانے میں بڑا وقت لگا ہے
berbad jise kr dia ik war mein aa kr

os ghr ko banane mein bara wqt laga hai

محتاج کبھی کوئی کسی کا نہیں ہوتا

جب تک نہ نصیبوں میں کڑا وقت لکھا ہے
mohtaaj kabhi koi kisi ka nahin hota

jab tak na naseeboon mein kara wqt likha hai

وہ درد کی شدّت سے واقف نہیں ہو گا کیا

خود اپنے ہی ہاتھوں سے اپنا زخم سیا ہے
wo drd ki shiddat se waqif nahi ho ga kia

khud apne hi hathoon se apna zakhm sia hai

سنگباری کی کیسے میں اِجازت تمہیں دیدوں

دو پتھروں کے بیچ میرا دل جو دبا ہے
sangbari ki kaise main ijazat tumhain de doon

do patharoon k beech mera dil jo daba hai 

میں کیسی سزاؤں کی سزاوار ہوئی ہوں

خنجر بھی میرا ہاتھ میرا قتل میرا ہے
main kaisi sazaoon ka sazawar hoi hoon

khanjer bhi mera hath mera qatl mera hai

ممّتاز قدم سوچ کے رکھنا تُو زمیں پر

ٹکڑے ہوا ہر سمت میرا جسم پڑا ہے
Mumtaz qadam sooch k rakhna tu zameen pr

Tokrre howa hr samt mera jism parra hai 

●●●

کلام: ممتازملک 

مجموعہ کلام:

مدت ہوئی عورت ہوئے 

اشاعت: 2011ء

●●●

............