ایم اے خالق بھٹی کو انٹرویو۔

1_ آپکے خاندان کاادبی پس منظر؟

جواب_

جی نہیں میرے خاندان میں میرے علم میں تو کسی کا بھی تعلق ادب کی دنیا میں لکھنے لکھانے کے حوالے سے تو نہیں رہا۔ البتہ پڑھنے کا اچھا ذوق ضرور رہا ہے۔ 

2- آپکی جنم بھومی کس شہرکی ہے؟

جواب -

میں 22 فروری 1971ء میں راولپنڈی پاکستان میں پیدا ہوئی۔

3- تعلیم کن اداروں سے حاصل کی ہے؟

جواب-

میں نے گورنمنٹ گرلز ہائی سکول نمبر 2 ۔ مری روڈ راولپنڈی سے میٹرک کیا ۔ جبکہ ایف اے اور بی اے پرائیویٹ کیا۔ کچھ کورسسز کیئے۔ کیونکہ مجھے میرے والد صاحب سے کالج جانے کی اجازت نہیں ملی ۔ 

4- ادب میں کس سن میں آئی ہیں ؟ کن اصناف میں لکھتی ہیں؟

جواب -

لکھنے لکھانے کا شوق بچپن ہی سے ہی تھا ۔ لیکن کبھی سوچا نہیں تھا کہ اپنا کام کبھی یوں پبلک کرنے کا یا چھپوانے کا موقع ملے گا۔ 2008ء کچھ دوستوں کی تحریک پر اپنا لکھا ہوا مواد سنبھالنا رکھنا شروع کیا۔ 2010ء میں پھر باقاعدہ کتاب شائع کروانے کا خیال آیا ۔ اسی سال میں نے کالمز لکھنے کا بھی باقاعدہ آغاز کیا۔  تو پہلا اردو شعری مجموعہ کلام "مدت ہوئی عورت ہوئے" کے نام سے 2011ء میں منظر عام پر آیا ۔ 

میری شاعری میں حمد ،نعت، مناجات، غزل، نظم سبھی کچھ شامل ہے۔

جبکہ نثر میں کالمز، کوٹیشنز، مختصر کہانیاں، افسانے،   کہانیاں شامل ہیں ۔ سب کچھ ملا کر تین ہزار سے زیادہ تحریریں لکھ چکی ہوں۔ کچھ بھی سوچ کر لکھنے نہیں بیٹھتی ۔ جس طرح کی آمد ہو، حالات ہوں، ویسی ہی تحریر رقم ہو جاتی ہے۔ سب کچھ خدائی تحفہ ہے۔ میرا اس میں کوئی کمال نہیں ہے ۔ اللہ کی عطا ہے الحمدللہ 

5-  "سراب دنیا " اردو شعری مجموعہ کلام (2020ء).

6- "او جھلیا "۔ پنجابی شعری مجموعہ کلام ۔ (2022ء)

7لوح غیر محفوظ" ۔ مجموعہ مضامین (2023)

جبکہ زیر طبع کتب 8 ہیں ۔

5- ادب شاعری اورمضمون نگاری میں کس سے متاثرہیں؟

شاعری میں غالب ،اقبال ، فیض کے علاوہ منیر نیازی، حبیب جالب، محسن نقوی ، قتیل شفائی ، امجد اسلام امجد مجھے پسند ہیں ۔ مضمون نگاری میں خاص طور پر یونس بٹ ، شفیق الرحمن ، عطاء الحق قاسمی پسند ہیں ۔ 

6.بیرون شہر بھی ادبی تقریبات میں شریک ہوئی ہیں؟

میں  پاکستان کے علاوہ ڈنمارک ، اٹلی، انگلینڈ میں پروگرامز میں شرکت کر چکی ہوں جبکہ فرانس میں تو ہمارے ہاں ادبی محافل اور میری اپنی کتب کی رونمائی کی پروگرامز بھی ہو چکی ہیں ۔ 

7-کہاں کہاں کی سیرکی ہے؟

میں اب تک  ڈنمارک ، اٹلی، انگلینڈ، جرمنی، سعودی عرب، ابوظہبی، بیلجیئم ، ناروے کا دورہ کر چکی ہوں۔ الحمدللہ 

8-دوستوں میں بیٹھنا انجوائے کرتی ہیں یااکیلے؟

مجھے لوگوں کیساتھ بات کرنا تبادلہ خیال کرنا پسند ہے۔ اس سے آپکو حالات حاضرہ کا علم ہوتا ہے  اور حقیقی مسائل کا ادراک ہوتا ہے۔ لیکن خوامخواہ کی یاریاں دوستیاں وقت ضائع کرنے والی ،گھروں میں محفلیں بے مقصد جمانے والی مجھے بالکل پسند نہیں ہیں ۔ ہر محفل کا یا بیٹھک کا کوئی مقصد ہونا چاہیئے۔ زندگی اتنی لمبی بھی نہیں ہے کہ اسے بیکار باتوں میں گنوا دیا جائے۔  کبھی کبھی تنہائی کا دورہ بھی پڑتا ہے لیکن اس کا دورانیہ زیادہ طویل نہیں ہوتا۔ 

9-کونساموسم شہراورتفریح مقام پسندہے؟

موسم شہر تفریح سب کچھ ہی اچھا لگتا ہے اگر میری ہم خیال و ہم مزاج کمپنی میرے ساتھ ہو تو میں بری سے بری جگہ اور موقع کو بھی جھیل سکتی ہوں ۔ 

10-کھانے زیادہ کیاپسند ہے؟

میں ہر طرح کا حلال کھانا صفائی سے اور اچھا بنا ہو تو خوشی سے کھا لیتی ہوں ۔ چاہے دال ہو سبزی ہو گوشت ۔ نخرہ نہیں کرتی کھانے میں۔ لیکن دال چاول ، نان چنے ، یا چکن بروسٹ ہو تو کیا بات ہے۔ 

11-کوئی انعام شیلڈ یا ایوارڈ بھی ملاہے؟

 میری کتاب سراب دنیا پر ایک ایم فل کا مقالہ ۔ طالب علم نوید عمر (سیشن 2018ء تا 2020ء) صوابی یونیورسٹی پاکستان سے لکھ چکے ہیں ۔ 

1 مقالہ بی ایس کے طالب علم مبین  نے بہاوالدین زکریا یونیورسٹی ملتان سے لکھا ۔سراب دنیا پر۔ جو میرے لیئے اعزازات ہیں۔ اسکے علاوہ 

1۔ دھن چوراسی ایوارڈ 

 چکوال پریس کلب 2015ء/

2۔حرا فاونڈیشن شیلڈ 2017ء/

3۔کاروان حوا اعزازی شیلڈ 2019ء/

4۔ دیار خان فاونڈیشن شیلڈ 2019ء/

 5۔عاشق رندھاوی ایوارڈ 2020ء/

6۔ الفانوس ایوارڈ 2022ء/ گوجرانوالہ 

  اور بہت سے دیگر اسناد۔

12-کیاخواہش؟

فرانس میں "اردو گھر" کے نام سے ایک لائبریری بنانا چاہتی ہوں ۔ ایک اردو اور پاکستانی علاقائی زبانوں کا ریڈیو اور ٹی وی چینل بنانا میرا خواب ہے۔ اللہ نے چاہا تو پورا ہو جائے گا ۔ شاید

13- ادب کے علاوہ کیاایکٹیویزہیں؟

گھرداری، ویب ٹی وی ہوسٹنگ ( ondesi tv)

تربیتی لیکچرز دینا، پروگرام ہوسٹنگ ،نعت خوانی ۔ ویسے

اردو کی سب سے بڑی ویب سائیٹ "ریختہ "اور "اردو پوائنٹ" پر بھی میرا کلام موجود ہے ۔  فیس بک ۔ ٹک ٹاک ۔ یو ٹیوب ، گوگل ، انسٹاگرام ، ٹیوٹر بھی بھی مجھے ڈھونڈا جا سکتا ہے ۔ 

14-لاہورکی سیرکی ہے تاریخی عمارات سے دلچسپی ہے؟

دلچسپی تو بہت ہے لیکن ابھی تک لاہور کی باقاعدہ سیر کا موقع اچھی سنگت کیساتھ نہیں مل سکا ۔ سنا ہے لاہور میں ان تاریخی مقامات کی سیر کے لیئے خصوصی بس سروس شروع کی گئی ہے ۔ تو اس بار ان شاءاللہ پاکستان کے دورے میں اس بس کا سفر ضرور کرنا چاہوں گی۔ 

 

نعت ۔ کوشش کی ہے

کوشش کی یے 

(کلام/ممتازملک.پیرس)

میں نےاللہ کوخوش کرنےکی کوشش کی ہے

تب نبی  پاک نے اُمَِی کی سفارش کی ہے

مجھ کو وہ سب ہے ملا جس کا تصور بھی نہ تھا 

  ہر قدم پر میرے آقا نے نوازش کی ہے 

مجھکو مایوس نہیں ہونے دیا ہر لمحہ 

لاکھ دنیا نے میرے واسطے سازش کی ہے 

وہ نہ چاہیں تو بلندی  کا سفر ناممکن 

پھر بھلے اپنی طرف سے بڑی دانش کی ہے

ان کا دربار کرم جوش میں رہتا ہے جبھی 

بات چھوٹی تھی بڑی اسکی ستائش کی ہے

وہ ہیں محبوب خدا تیرے بھی محبوب  ہوئے 

اپنے کردار کی جس روز زیبائش کی ہے

خاک ہوں میں جو بلندی پہ پہنچ بھی جاؤں 

صرف اس کی ہی میرے دل نےپرستش کی ہے

وہ جو کرتے ہیں  محبت تو نظر رکھتے ہیں 

تبھی ہر حال میں ممتاز کی پرسش کی ہے

۔۔۔۔۔

جیب نہیں دل بھی ہے/ کوٹیشنز ۔ چھوٹی چھوٹی باتیں

پردیسیوں کے پاس صرف جیب نہیں ہوتی ایک دل بھی ہوتا ہے ۔ کبھی شرم آئے یا اللہ توفیق دے تو اس میں بھی جھانک لیا کریں ۔ 

(چھوٹی چھوٹی باتیں)

  (ممتازملک۔پیرس)