ایک خوبصورت گھر
ایک حسین ملاقات
ممتازملک. پیرس
19/05/2017 بروز ہفتہ کی روداد
پیپلز پارٹی کے سینئیر رہنما اور سابقہ صدر ڈاکٹر ارشاد احمد کمبوہ کے دولت خانے پر انکی طویل علالت کے بعد صحت یابی کی خوشی میں،
پیپلز پارٹی کی خواتین ونگ کی صدر اور معروف سوشل ورکر روحی بانو صاحبہ کیساتھ غسل صحت کی خوشی میں ایک ملاقات کا اہتمام کیا گیا
جس میں معروف اور گھریلو خواتین بھی شامل تھیں .. ڈاکٹر صاحب نے گھر کے دروازے پر تمام خواتین و حضرات کا استقبال کیا . اور بے حد احترام سے نوازا .
فردا فردا ہر خاتون و حضرت نے انہیں صحت یابی کی مبارکباد اور دعائیں پیش کیں . ڈاکٹر صاحب کی پوری فیملی نے مہمانوں کی او بھگت میں اتنا تردد کیا کہ اور اتنی شاندار میزبانی کی کہ ہم سب ہی تعریف کیئے بنا نہ رہ سکے .
ڈاکٹر صاحب کا عالیشان گھر فرانس بھر میں کسی بھی لینڈ لارڈ کے گھر کو ٹکر دے سکتا ہے . یہ گھر شہر سے ذرا ہٹ کر ہے . اور پیپلز پارٹی کی اعلی قیادت یہیں آ کر اکثر قیام کرتی ہے .
گھر کے پچھلے حصے میں بنا خوبصورت فارم ہاوس کی کیا ہی بات ہے .جس میں گھومتے ہوئے سفید اور نیلے مور بہت دلکش لگے تو کہیں دوڑ لگاتے ہوئے خرگوش جو ہمارے ہاتھ نہ لگے .
کہیں سفید مرغ لعل کلغی کیساتھ گھوم رہے تھے تو کہیں خوبصورت بکرے ہمیں دیکھ کر اپنے بڑے بڑے پنجرہ گھر میں جا گھسے.پھر بھی ہم نے ان کیساتھ فوٹو بنا ہی لی .
کھانے کی ٹیبل پر گھر کے بکرے سے بنے بیگم صاحبہ کے ہاتھ کےکھانے اور باربی کیو نے پاکستان کی سیر ہی کرا دی..
سب نے ڈاکٹر صاحب کو اپنی خوشی سے کچھ نہ کچھ تحفہ دیا .
ہمارا تحفہ تو ہماری کتابیں تھیں . سو وہ ہم نے انہیں پیش کیں . ڈاکٹر صاحب کی یادداشت بھی کمال کی ہے . یہ ہم تب جانے جب ہمارے تعارف کے بنا ہی ڈاکٹر صاحب نے ہمیں پہچان بھی لیا اور بڑی محبت اور شفقت سے میرے کام کا ذکر بھی کیا اور بتایا کہ انہوں نے مجھے کب کب اور کہاں کہاں پڑھا یا سنا ہے . اور پھر اپنے فرانس میں آنے اور بعد کے حالات بھی بڑے دلچسپ پیرائے میں سنائے . اور اچھا تبادلہ خیال بھی ہوا . گروپ میں شامل تھیں روحی بانو،ممتازملک، نیناں خان ، ناصرہ خان، قیصرہ صاحبہ، صفیہ صاحبہ ، شاہدہ صاحبہ، فرحت عاشق اور کئی دوسری بہنیں جبکہ ذوالفقار چودھری اور طارق صاحب بھی ہمارے ساتھ موجود تھے .
پرتکلف کھانے کے بعد فارم ہاوس میں فوٹو اور سیلفی سیشن ہوا .
واپسی پر ڈاکٹر صاحب و بیگم ارشاد احمد کمبوہ نے بہت سی دعاوں اور نیک خواہشات کیساتھ ہم سب کو رخصت کیا .
یہ ملاقات بے حد یادگار رہی .
پیش ہیں اس ملاقات اور حسین محل نما گھر کی کچھ تصاویر ....
ان تصاویر کے لیئے ہم خصوصی شکریہ ادا کرتے ہیں اپنی پیاری جرنلسٹ دوست ناصرہ خان صاحبہ کا ....
کوئی تبصرے نہیں:
ایک تبصرہ شائع کریں