● [64] ماضی / شاعری ۔مدت ہوئی عورت ہوئے

[64] ماضی

Mazi

اپنے گھر کا کچّا آنگن ہمیں بہت یاد آتا ہے

بارش بعد کی سوندھی خوشبو سوچوں کو دے جاتا ہے

apne ghar ka kachcha aangen hamein bohot yad ata hai

barish bad ki sondhi khoshbo sochon ko de jata hai

ہنستے بستے روشن چہرے پیاروں کے جب دِکھتے ہیں

دکھ سہنے کی طاقت کو کچھ اور جواں کر جاتا ہے

haste baste roshan chehre peyaron k jb dikhte hain

dokh sehne ki taqat ko kuch aur jawan kr jata hai

سوچتی آنکھوں کو خوابوں کا تحفہ دیکر جھٹکے سے

اُمیدوں کے پنکھ لگا کر دُور کہیں اُڑ جاتا ہے

sochti aankhon ko khabon ka tohfa de kr jhatke se

ommidon k pankh laga kr dor kahin orh jata hai

اس نگری میں جہاں ملن ہے نہیں جدائی کوئی

پینگوں پر رنگین سا جوبن آنچل کو لہراتا ہے

is nagri mein jahan milan hai nahin judai koi

peengon pr rangeen sa joban aanchal ko lehrata hai

دھیرے دھیرے کان کے پاس ٹہر کے وہ سرگوشی سے

مجھ کو دنیا بھر کا لمحہ لمحہ حال سناتا ہے

dhirey dhirey kan k pas theher k wo sergoshi se

mujh ko dunya bher ka lamha lamha haal sonata hai

کل کی محرومی کو دیکھوں آج کی آسائش کو جانچوں

زہن میں آتے ہی تجزیہ بھک سے عشق اُڑ جاتا ہے

kal ki mehromi ko dekhon aaj ki asaish ko janchon

zehn mein atey hi tajzia bhak se ishq orh jata hai

ماضی تو ماضی ہوتا ہے حال نہیں وہ بنتا چھوڑو

کون بھلا اِس دور میں گزرے ماضی کو اپناتا ہے

mazi to mazi hota hai hal nahin wo banta chorho

kon bhala is daur mein guzrey mazi ko apnata hai

کیچڑ لتھڑے ہاتھ ہوں چاہے غربت کی سوغات ہو چاہے

سچ ہے یہ ممّتاز کہ ماضی ہر اِک دل کو بھاتا ہے

kicharh lathrhe hath hon chahe ghurbat ki soghat ho chahe

sach hai ye Mumtaz k mazi hr ik dil ko bhata hai 

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

● [63] فتحیاب/ شاعری ۔مدت ہوئی عورت ہوئے

[63]فتحیاب

Fatah yab

شر کو نہ بھلائی پہ فتحیاب کرے گا

وہ بند جو اِک روز سبھی باب کرے گا

shar ko na bhalai pe fatah yab kare ga

wo band jo ik roz sabhi bab kare ga

اے سیدھی راہ چلنے والےدل میں نہ لانا

پاپوں کا گھڑا ہو نہ تو بیتاب بھرے گا

aey sidhi rah chalne wale dl mein na lana

papon ka gharha ho na tu betab bhare ga

کوئی بھی ہو  اِلزم اگر ہاتھ لگے تو

کردار سے محروم تیرے سر پہ دھرے گا

koi bhi ho ilzam ager hath lage to

kirdar se mehroom tere sr pe dhare ga

دھن جس کا بدن اور نمائش ہے جس کی جاں

شیطان کی دُھن پر وہ سدا رقص کرے گا

dhan js ka badan aur nomaish hai js ki jan

shaitan ki dhun pr wo sada raqs kare ga

اے قافلہ سالار اگر مڑ کے نہ دیکھا

بے راہ سپاہی ہی بری موت مرے گا

aey qafla salar ager murh k na deykha

be raah sipahi hi buri maut mare ga

یہ ہاتھ میرے پشت پر کیوں باندہ دیئے ہیں

بے بس ہے بتا کیسے بھلا ان سے لڑے گا

ye hath mere pusht pe kiyon bandh diye hain

bebus hai bata keise bhala on se larhe ga

یہ سارا بدن سوئیوں سے ممّتاز بھرا ہے

ایک ایک سوئی اِن سے جدا کیسے کرے گا

ye sara badan soiyon se Mumtaz bhara hai

aik aik soi in se juda kaise kre ga

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

 

● [62] فرمان/ شاعری ۔مدت ہوئی عورت ہوئے

[62] فرمان

Farmaan

وہ روشنی کے واسطے فرمان کریں گے

ہم اس کے لیئے راستے آسان کریں گے

wo roshni k wastey farmaan karein gy

hum os k liye raste aasan karein gy

ہر ایک رکاوٹ کو ہمیں دور کریں گے

یوں اس کے مخالف کو پریشان کریں گے

hr aik rukawat ko hamein dour karein gy

yon os k mokhalif ko parishan karein gy

تم لاکھ ہمیں ناز اور انداز دکھاؤ

یہ ضد ہے ہماری تمہیں مہمان کریں گے

tum kakh hamein naz aur andaz dikhao

ye zid hai hamari tumhein mehman karein gy

ہم اپنے دوپٹّے میں ہر اِک رنگ سجا کر

تیرے لیئے ہر رنگ کا سامان کریں گے

hum apne dopattey mein hr ik rang saja kr

tere liye hr rang ka saman karein gy

اب آنکھ کے پانی سے ہر اِک زخم کو دھو کر

ہم تم پہ محبّت کا بھی احسان کریں گے

ab ankh k pani se hr ik zakhm ko dho kr

hum tum py mohabbat ka bhi ehsan karein gy

ہاں خود کو مٹانے کا اِرادہ جو کیا تو

ہم سب سے نکمّے کو بھی سلطان کریں گے

haan khud ko mitane ka irada jo kia to

hum sub se nikamme ko bhi sultan karein gy

ممّتاز مقاصد کو سمجھ جائیں گے جس دن

قدرت کو بھی ہم خود پہ مہربان کریں گے

Mumtaz maqasid ko samajh jaein gy jis din

qudrat ko bhi hum khud pe meherban karein gy 

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

 

[61] کنارہ/ شاعری ۔ مدت ہوئی عورت ہوئے

[61] کنارہ

Kinara 

خواہش کے سمندر کا کنارہ نہیں ہوتا

جذبہ فقط جینے کا سہارا نہیں ہوتا

khahish k samander ka kinara nahin hota

jazba faqat jine ka sahara nahin hota

نظروں سے جو اِک بار گرے جان لے پھر سے

حاصل یہ مقام اس کو دوبارہ نہیں ہوتا

nazroon se jo ik baar gire jan le phir se

hasil ye maqam os ko dobara nahin hota

مجبور کئی بار کیا جاتا ہے ظالم

مظلوم بھی ہر بار بیچارہ نہیں ہوتا

majboor kai baar kia jata hai zalim

mazloom bhi hr baar bechara nahin hota

آواز کو اونچا کیئے جانے کا ہے اِمکاں

خاموشی سے ہر بار گزارہ نہیں ہوتا

awaz ko oncha kiey jane ka hai imkan

khamooshi se hr baar guzara nahin hota

ہوتا جو تجھے نرم سے لہجے کا سلیقہ

میرا بھی جواب اِتنا کرارا نہیں ہوتا

hota jo tujhey nerm se lehje ka saliqa

mera bhi jawab itna krara nahin hota

ممّتاز زمانے نے سراہا ہمیں لیکن

ہم جس کے ہوۓ وہ ہی ہمارا نہیں ہوتا

Mumtaz zamane ne sraha hamein lekin

hum js k hoye wo hi hamara nahin hota 

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

 

● [60] معصوم دل/ شاعری ۔ مدت ہوئی عورت ہوئے

[60] معصوم دل

Masom dil

معصوم سا دل میرا انجان سی راہیں

ہر موڑ کھڑی مشکل کھولے ہوۓ باہیں

masoom sa dl mera anjan si rahein

hr morh khari moshkil khole hoe bahein

چاہوں نظرانداز کروں اور میں گزروں

اکثر یہ نہیں ہوتا ہم لاکھ بھی یہ چاہیں

chahon nazer andaz karon aur main guzron

akser ye nahin hota hum lakh bhi ye chahein

ہونٹوں پہ تمسخر بھری مسکان سجاۓ

بے ایمان تیرے حوصلے کو ہم بھی سراہیں

honton pe tamaskhur bhari moskan sajaey

be iman tere hosle ko hum bhi sarahein

ایکا کبھی اچّھوں میں بھی اِتنا نہیں دیکھا

جتنا یہ برے اپنے عقیدے کو نباہیں

aika kabhi achchon mein bhi itna nahin dekha

jitna ye bure apne aqide ko nibahein

ممّتاز کچھ دُشوار نہیں حاصلِ منزل

مکّار سے کچھ دوست اور چالاک نگاہیں

Mumtaz kuche dushwar nahin hasil e manzil

makkar se kuche dost aur chalak nigahein

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

 

●[59] راستے / شاعری ۔ مدت ہوئی عورت ہوئے

 (59) راستے 

Raste 

حالات کے طوفان میں بچنے کے واسطے

ہم نے تو اپنے ہاتھ ہی پتوار کر لیئے

halat k tufan mein bachne k waste

hum ne to apne hath hi patwar kr liey

جس کی ہمیں کبھی بھی ضرورت نہیں رہی

ایسے بھی ہم نے راستے ہموار کر لیئے

js ki hamein kbhi bhi zarurat nahin rahi

aisey bhi hum ne raste humwar kr liey

قدرت کو اپنے مدِمقابل سمجھتے ہی

سارے  معاملے یہاں خود کار کر لیئے

qudrat ko apne madd e muqabil samajhte hi

sare moamle yahan khudkar kr liey

جن کشتیوں نے پار لگانا تھا دوستو

کرکےسوراخ اُن کو ہی بیکار کر لۓ

jin kashtioyon ne paar lagana tha dosto

kr k sorakh on ko hi beykar ker liey

خوشبو چرائی رنگ گلوں سے نچوڑ کر

ہم نے تو پھول شاخ پہ لاچار کر لیئے

khushboo churai rang goloon se nichorh kr

hum ne to phool shakh pe lachar kr liey

ہر بات اپنے اندر رکھتی ہے مرحلے

یہ مرحلے ہمیں نے تو دشوار کر لیئے

hr baat apne ander rakhti hai marhale

ye marhale hamin ne to dushwar kr liey

پہلے تصوراتی سے قصّے یقین تھے

پر آج تو یقیں سے بھی اِنکار کر لیئے

pehle tasaworati se qissey yaqeen they

per aj to yaqeen se bhi inkar kr liey

ممّتاز خوش نصیب تھے وہ لوگ کس قدر

شعلے بھی جن کے واسطے گلزار کر لیئے

Mumtaz khush naseeb they wo loog ks qader

sholey bhi jn k waste gulzar kr liey

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

● [58] آخرت کی کھیتی/ شاعری ۔ مدت ہوئی عورت ہوئے

[58] آخرت کی کھیتی

Akhrat ki khaiti

فصل کٹتی دیکھ کر میں سوچتا ہی رہ گیا

دنیا اِک کھیتی ہے میں نے اِس میں کیا کیا بو دیا

fasl kuteti deikh kr main sochta hi reh gaya

dunya ik kheiti hai main ne is main kia kia bo dia

کل کٹے گی یہ فصل تو کیا مجھے ہو گی ہضم

یہ بنا سوچے ہی جانے میں تو کیا کیا بو گیا

kal kate gi ye fasal to kia mujhey ho gi hazam

ye bina soche hi jane main to kia kia bo gia

یا اِلہی کیا کروں میں ہاتھ ملنے کے سوا

وقت کی مہلت ہے تھوڑی اور پھر لمبی سزا

ya ilahi kia karoon main hath malne k siwa

waqt ki mohlat hai thori aur phir lambi saza

تُو جو مجھ کو نہ بچانا چاہے گا اے مہرباں

میں تو خود برباد اپنے ہاتھ سے ہی ہو لیا

tu jo mujh ko na bachana chahai ga aey meherban

main to khud berbad apne hath se hi ho gaya

سنگتوں مِیں میں نے شیطانوں کے دنیا ہار دی

اور اپنی آخرت بھی ہارنے کو میں چلا

sangaton mein main neyn shaitanon k dunya haar di

aur apni akhrat bhi harne ko main chala

آگ کا طوفان ہے اور میں بڑا کمزور ہوں

آگ کو گلزار کرنے کی تو بس تیری عطا

aag ka tufan hai aur main bara kamzor hoon

aag ko gulzar kerne ki to bus teri ata

پیاس کی شدّت تو چند لمحے بھی سہہ نہ پاؤں میں

اب زبانیں باہر آئیں پیاس سے ہم کو بچا

piyas ki shiddat to chand lamhe bhi seh na paon main

ab zabanein baher aein piyas se hum ko bacha

یا اِلہی مجھ سے جو کوتاہیاں اب ہو چُکیں

کوتاہیوں کو دور کرنے کا عطا کر حوصلہ

ya ilahi mujh se jo kotahian ab ho chokin

kotahiyon ko door kerne ka ata kr hosla

ذہن کی دھرتی کو میری اِسقدر زرخیز کر

ممّتاز نیکی بو سکوں اور اپنا دامن لُوں بچا

zehn ki dharti ko meri is qader zerkheiz kr

Mumtaz naiki bo sakoon aur apna daman loon bacha 

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

● [57] خیال/ شاعری ۔مدت ہوئی عورت ہوئے

[57] خیال

khayal

اے میرے دل آج چلتے ہیں وہیں

ہوں صدائیں قُمریوں کی دلنشیں 

aye mere dl aj chalte hain wahin

hoon sadaein qumriyon ki dl nashin

کوئی ہم کو نہ پریشاں کر سکے

غم جہاں پر ہو نہیں پردہ نشیں

koi hum ko na parisha kr sakey

gham jahan pr ho nahin prda nashin

پُرسُکوں ہوں ہر طرف خاموشیاں

ساعتیں ہوں بس حیات آفریں

pursokoon hoon hr taraf khamoshiyan

saatein hoon bus hayat e aafreen

گُل سے بلبل جب کریں اٹھکیلیاں

نہ ہوس گیری ہو اور نہ بے یقیں

gul se bulbul jab karein athkeiliyan

na hawas geri ho aur na be yaqeen

پھول سے کر دیں جدا کانٹوں کا غم

کوئی اندیشہ چُبھن کا ہو نہیں

phool se kr dein juda kantoon ka gham

koi andeisha chubhan ka ho nahin

کس قدر ممّتاز دلکش ہے خیال

بادلوں پہ چل رہی ہوں میں کہیں

kis qader Mumtaz dlkash hai khayal

badloon pe chal rahi hoon main

●●●

کلام:ممتازملک.پیرس 

مجموعہ کلام:

مدت ہوئی عورت ہوئے

 اشاعت:2011ء

●●●

● [56] سوچ/ شاعری. مدت ہوئی عورت ہوئے

[56] سوچ

Soch

مجھے سوچ کے سفر پر کہیں اپنے ساتھ کے چل
جہاں میں چلا سکوں گی دل کی زمیں پہ بھی ہل

mujhey soch k safer pr kahin apne sath le chal

jahan main chala skon gi dl ki zameen  pe bhi hal

کب سے یہاں پہ بارش نہ برس سکی ہے یارب

دل کی زمین ترسے ہونے کو اب تو جل تھل

kb se yahan peh barish na baras saki hai yarab

dl ki zameen trse hone ko ab to jal thal

کوئى بیج اچھا ڈالوں نئى کونپلیں اُگا لوں

یہ پرانی فصل شاید گودام میں گئ گل

koi beej acha daloon nai konplain oga loon

ye porani fasl shayad godam me in gai gal

ہے یہ کیسی بد نصیبی مجھے کچھ نہیں ملا ہے

نہ تو بھوک کم ہوئی ہے نہ ہی روح کی وہ ہلچل

hai ye kaisi badnsibi mujhey kuch nahin mila hai

na to bhook kam hoi hai na hi rooh ki wo halchal

میری بات سن رہے ہو کیا اِسے سمجھ رہے ہو

وہ جو سوچتے نہیں ہیں مجھے کہہ رہے ہیں پاگل

meri baat sun rahe ho kia isey samajh rahy ho

wo jo sochte nahin hain mojhe keh rahe hain pagal

میں فلک پہ ہاتھ ڈالوں تو یہ توڑ لاؤں تارے

مگر مشکلات کا یہ تو نہیں ہے کوئی بھی حل

main falak pe hath daloon to ye toorh laon tare

mger mushkilat ka ye to nahi hai koi bhi hal

نہ سُکون اِس جہاں میں نہ سُکون اُس جہاں میں

ممّتاز دے نہ پاؤں کوئی اِمتحاں مکمل

na sokoon is jahan mein na sokoon os jahan main

Mumtaz de na paon koi imtihan 

mokmmal 

●●●

کلام: ممتازملک.پیرس 

مجموعہ کلام:

مدت ہوئی عورت ہوئے اشاعت:2011ء

●●●

 

● [55] مسکرا کر/ شاعری ۔ مدت ہوئی عورت ہوئے

[55] مسکرا کر

Muskora kr

مسکرا کر ہمیں تم نہ دیکھا کرو

مسکرانے کی قیمت بہت بھر چکے

muskora kr hamein tum na dekha karo

muskorane ki qeemat bohot bher chukey

آپ نے اِک دفعہ کا کیا ذکر کیا

ہم تو تیرے لیئے بارہا مر چکے

aap ne ik dafa ka kia zikr kya

hum to tere liye barha mr chukey

کچھ سلیقہ نہ اِظہار کا دے سکے

کس طرح کہہ دیا رہبری کر چکے

kuch saliqa na izhar ka de sake

ks tara keh dia rehbari kr chukey

کچھ تو تعظیم کا حق ادا کیجیئے

آپ کے دل میں گر کوئی گھر کر چکے

kuch to tazeem ka haq ada kijiye

aap k dil mein ger koi gher kr chuke

یہ زمانہ اسے یاد کرتا رہا

جس کے جیتے اسے بے قدر کر چکے

ye zamana ose yad kerta raha

js k jeete osey beqader ker chokey

میرے جذبوں کو ٹھنڈک ملی اِسقدر

سارے احساس ہی سردتر کر چکے

mere jazbon ko thandak mili isqader

sare ehsas ko serdter kr chukey

مجھ کو رشتوں نے ممّتاز ایسا ڈسا

روح تک اس کا زہر اثر کر چکے

mujh ko rishton ne Mumtaz aisa dasa

roh tak os ka zehr aser kr chuke

●●●

کلام: ممتازملک.پیرس 

مجموعہ کلام:

مدت ہوئی عورت ہوئے 

اشاعت:2011ء

●●●

 

● [54] کانچ/ شاعری ۔مدت ہوئی عورت ہوئے

[54] کانچ

Kanch

زندگی ہے کانچ پہ چلنے کا کھیل

اِک جگہ ہوتا نہیں جذبوں کا میل

zindagi hai kanch pey chalne ka khel

ik jaga hota nahi jazboon ka mail

سچ کو جانوں اور اس کو فائدے میں چھوڑ دوں

میری فطرت سے نہیں کھاتا یہ میل

sach ko janoon aur os ko faide mein choor doonmeri fitrat se nahin khata ye mail

ہر جگہ انسان حاوی دوسرے پر اسقدر

بھولتا ہے زندگی کو موت نے ڈالی نکیل

hr jaga insan hawi dosre pr is qader

bholta hai zindagi ko maut ne dali nokail

کس قدر ڈرتا ہے تو دنیا کو دینے سے جواب

فکر کر اب اس جگہ کی جس جگہ نکلے گا تیل

ks qader derta hai tu  dunya ko deyne se jawab

fikr kr ab os jaga ki jis jaga nikle ga tail

بے عمل بدکار لوگوں کے لیئے دنیا حسیں

فکرمندوں کے لیئے دنیا ہے جیل

be amal badkar logon k liye dunya haseen

fikr mandon k liye dunya hai jail

ممّتاز بولی بے اصولوں کی بڑی

سچ کا یوسف کھا گیا دمڑی سے میل

Mumtaz boli be osolon ki bari

sach ka Yuosof kha gaya damri se mail

●●●

کلام: ممتازملک.پیرس 

مجموعہ کلام:

مدت ہوئی عورت ہوئے 

اشاعت:2011ء 

●●●

 

● [53] دوسرا موقع/ شاعری ۔ مدت ہوئی عورت ہوئے

[53] دوسرا موقع

Dosra moqa

کبھی بھی زندگی میں دوسرا موقع نہیں آتا

گزر جاتا ہے جو بھی پل کسی قیمت نہیں آتا

kabhi bhi zindagi mein dosra moqa nahin aata

guzer jata hai jo bhi pal ksi qimat nahi aata

گلِ رنگیں کی بارش ہو یا چاہے رات ہو کالی

سروں کی نذر دے کر بھی کبھی حاصل نہ ہو پاتا

gul e rangeen ki barish ho ya chahey raat ho kali

saroon ki nazr de kr bhi kabhi hasil na ho pata

غنیمت اُسکو جانو جو تمہارے ہاتھ میں ہے اب

کہیں پھر گھومتا پھرتا یہ پل واپس نہیں آتا

ghamimat os ko jano jo tmhare hath mein hai ab

kahin phir ghomta phirta ye pal wapas nahin aata

بڑا نایاب ہے عزت کا پودا اک دفعہ بو کر

اگر برباد ہو جاۓ تو پھر بویا نہیں جاتا

bara nayab hai izzat ka poda ik dafa bo kr

ager berbad ho jaey to phir boya nahin jata

کوئی بھی زخم بھرنے کی دوا تو مل ہی جاتی ہے

جبینِ ماہ سے وہ داغ کا صدمہ نہیں جاتا

koi bhi zakhm bherne ki dwa to mil hi jati hai

jabin e mah se wo dagh ka sadma nahin jata

بڑی لمبی ڈگر ہے اور گِر گِر کر سنبھلنا ہے

وہ بازی ہار جاتا ہے جسے اُٹھنا نہیں آتا

bari lambi dager hai aur gir gir kr sanbhalna hai

wo bazi haar jata hai jise othna nahin aata

چراغِ خانہ بن جانا کہیں ممّتاز بہتر ہے

چرغِ راہ بن کر بھی اگر جلنا نہیں آتا

charagh e khana ban jan kahin Mumtaz behter hai

charagh e rah ban kr bhi ager jalna nahin aata

●●●

کلام: ممتازملک۔پیرس 

مجموعہ کلام:

مدت ہوئی عورت ہوئے 

اشاعت: 2011ء

●●● 

 

● (52) ستاروں کی چال/ شاعری ۔ مدت ہوئی عورت ہوئے

[52] ستاروں کی چال

Sitaroon ki chal

ہر لمحہ ہی سفر میں ستاروں کی چال ہے

her lamha hi safer mein sitaroon ki chal hai

رُک جاۓ تو ظہور میں آتا جلال ہے

ruk jaey to zahoor mein aata jalal ha

کتنی عجیب بات ہے کل ہی ملے تھے ہم

kitni ajib bat hai kal hi mile they hum

دل نے سمجھ لیا کہ بچھڑنا محال ہے

dl ne samajh lia k bicharna mohal hai

کس کے لیئے مرا ہے کوئی اِسکا اِک ثبوت

ks k liey mara hai koi iska ik saboot

ہر سال پر گزرتا ہوا ایک سال ہے

hr sal pr guzerta hoa eik saal hai

ایسوں سے دور ہو کے بھی زندہ ہیں اب تلک

aisoon se door ho k bhi zinda hain ab talak

جن کی محبتوں کی بھی قائم مثال ہے

jn ki mohabbatoon ki bhi qaim misal hai

سورج کو چاند تاروں کو چھونے کی چاہ میں

soraj ko chand taroon ko chone ki chah mein

بندے کے ہاتھوں بندے کا بچنا کمال ہے

bande k hathon bande ka bachna kamal hai

کتنی ہوس بھری ہے دلِ چارہ ساز میں

kitni hawas bhari hai dl e chara saz mein

پردہ جو گر گیا تو نتیجہ ملال ہے

perda jo gir gaya to nateeja malal hai

ممتاز آنسوؤں کا گلہ کس سے کیجیئے

Mumtaz aansoun ka gila kis se kijiey

ہنسنے پہ میرے اکثر اُٹھتا  سوال ہے

hansne py mere akser othta sawal hai

●●●

کلام: ممتازملک 

:مجموعہ کلام

مدت ہوئی عورت ہوئے 

اشاعت2011ء

●●●